Mareko 16:1 - Iaai Bible 1901 (New Caledonia)

¹ HWABAN dö sabath, haba Maria Magadalena, ke Maria hinyö Iakobo, ke Salome, me ödrin e ûco ta je uto ae bo so, mʼ ödrin e o me botro kâu.

Mareko 16:1 ပူးပေါင်းရင်းမြစ်များ

Genese 50:2

Ke Josefa ame hûna ka lathnyabainy a je hnyat tren bubun he ka onâkâ kamen: kʼ ame onâki Isaraela hnen je hnyat tren bubun.

II. Man Ûlabainy Je Than. 16:14

Me adre me konâm hnyi anyin hing erkemok waleji e ame hia but thu hnân hobi kâu e bi hnyi taun anyi Davita, me ip ju e hnyi hnen hna mokut dok adre öunongöta ge basama, me ke je ûnyi adre me ûhaniken hoton metâiny at ame huliwan je bubuny ke gan hmâ hnödra hna leû utö ae bo so hobi kâu.

Mareko 14:3

Ke e ame laba Bethania hnyi uma umen Simona a lepera, e ame laba ka han, me ame o but ke momo ae hu gan kaia alabasa tangen muro, hing narado ae gan hwaban; ke haba momo ame thö kaia, me hingâlâ hnyi hon ban.

Mareko 14:8

A hia but momo ânyâ hnen hna khana: e ame bân ka osûâ unyik hobi kâu hnödra hna he ka könim nya.

Mareko 15:40

Ke waleû omomo adre me wâ sâkâûâ; ke e unyidrin Maria Magadalena, ke Maria hinyö Iakobo ûhnyûkong me Jose, ke Salome;

Mareko 15:42

A sahac ut, anyin a bong Penapena, wale bong hakekenyâ sabath,

Mareko 15:47

Ke haba Maria Magadalena, ke Maria hinyö Jose, me ödru me wâ dok adre ip e hnyin.

Mareko 16:2

Me haba hnyi haolany hnyi bong a bâniny wik, me ödrin e o but ka hnyi erkemok hnyi ibioiny seûno.

Mareko 16:8

Me ödrin e didrut me kec ûhedrin hnyi erkemok; anyin ame o ködrin öbubuny me ot: ke ödrin e ca fuc bi ka ke at; anyin a ödrin ot.

Luka 23:54

Ke haba bong e, me Penapena, anyin ae hakekeny jut sabath.

Luka 23:56

Ke ödrin e hmetuhmetu me penapena ta je ûnyi ae bo so me je muro. Ke ödrin e menâ ju hnyi sabath helâ me hnanyibu.

Luka 24:1

KE hnyi bong a bâniny seven, hnyi haolany, me ödrin e he but ka hnyi erkemok, kʼ ödrin e hom ta je ûnyi ae bo so, wale ödrin e penapena.

Ioane 19:25

Ke ame tot hakekenyâ satauro hinyö Iesu, me liamekeiny me hinyen, jia Maria öiö Kaleopa, me Maria Magadalena.

Ioane 19:31

Haba at Juda ödrin e sumatö Piliato he ka köt hmetro je li cadrin, me hum ödrin bi, anyin a bong Penapena, me me ca he ka hnen je unyidrin hnyi satauro hnyi sabath (bong ae gan hmâ sabath eling).