Mareko 15:34 - Iaai Bible 1901 (New Caledonia)

³⁴ Ke haba hnyi awa a naininy, Iesu ame hongot hwege, ka habe, Eloi, Eloi, lama sabakethani? bongon adre wia, Khonguk, Khonguk lö, ieû gam u me hnö nya but?

Mareko 15:34 ပူးပေါင်းရင်းမြစ်များ

Salamo 22:1

KHONGUK lö, Khonguk lö, ieû gam u me hnö nya? Ke sâkâu he ka hadruo nya hnyi hok hwatenge?

Salamo 27:9

U na ca he ju ka ikhâlâ hnyimâkâm gak; Ca he ka obâ athnyabaem hnyi hmonyin: U thibi at ame labö hadruo nya; Khong lö, at ame omeli nya, ca he ka hota degeci nya, me hnö nya but.

Salamo 42:9

Oge me he ka ha ka Khong a kicik, ka habe, Ieû gam u me hnying nya? Geû oge me tenge tot ge hna okongu nya hnen je iwahnaihmiony?

Salamo 71:11

Haiugödra, ka habe, A hia but Khong hna degecâ e: Wadring dö hoton me kât e; anyin ae ba at ame he ka omelo.

Isaia 41:17

Tavat adre me vec, ke ta je theduoc, me adre me heleû köiö, me ba, ke atgec dö ta je bohmödra ge beic; ke oge me he bi nya Iehova ka thu kodra, oge me ca he bi nya Khongu Isaraela ka hna degeci ödra.

Je tenge anyi Jeremi 1:12

Hawa, e ûnyi baû köbun tavat hia adre me vheno gethen? Bwele thö, me wâ, ame ne hu hlöuhlöu helâ me anyik hlöuhlöu, wale adre ânyâ könya. Waleji hnö Iehova hna oveci nya hnyi bonginy anyin hmonyin ae hwege.

Je tenge anyi Jeremi 5:20

Anyin a ieû u je hnying ohmun bala, Me hnʼ ohmun hnyi je bong helâe, ae se hia hmonyin?

Daniela 9:21

eke, inya oge me tiga fuc me hic, me haba Gaberiela, waleji oge bok ka wâ hnyi hna omanenâ, ame gâ logot, me kalö nya hnyi ûen adre labö bi hut hnyi sahac.

Mataio 27:45

Ke ame menekholom but hnyei hia, hwân hnyi awa a siks ke ne o but ka hnyi awa a nain.

Mataio 27:46

Ke helâke me hnyi awa a naininy Iesu ame hongot hwege, ka habe, Eli, Eli, lama sabakethani? walang bongon, ka habe, Khonguk, Khonguk lö, ieû gam u me hnö nya but?

Mareko 15:25

Ke hnyi awa a kuniny adre me osatauroâ e.

Mareko 15:35

Ke a long ut keihen adre me ûtitilen, haingödra, ke habe, Wâ bi, e ame hao Elia.

Luka 23:44

Me ame lit hia but hnyei hwân hnyi jebigö ke ne o but hnyi jebigo sahac,

Luka 23:46

Ke haba Iesu ame hongot hwege me ha, ka habe, Cica lö, inya oge me hna but hanuk ka hnyi li hnyamâm: ke a hia but ha hofuc e, e ame mokcu.

Ta je huliwa 10:3

Ke e ame wâ hna omanenâ, ame ne hnyi awa a naininy, wale ame dit kâu angela anyin Khong, me ha, ka habe, Konelio lö.

Heberu 5:7

Ke haba hnyi ta je bong a e tiga at hnyin, me e ame hic me khöû me tenge hwege, ke hu deköien, ka at ae khana he ka omelö e ûnyi hnyi mok, me adre me löng kâu, anyin a e outen Khong,