Mareko 15:19 - Iaai Bible 1901 (New Caledonia)

¹⁹ Ke adre me kot ban ge hlowe, me hangöjâ e, me cibouca me nom kâu.

Mareko 15:19 ပူးပေါင်းရင်းမြစ်များ

Genese 24:52

Ke a löng ut hodru hnen athnyabai Aberahama, me e ame nom ju hnyikânâi kö Iehova.

Genese 43:28

Ke ödnn e thu, ka habe, E hwege athnyabaem a kamöhmun, kʼ e möt balua. Ke ödrin e nom je bödrin me iâû.

I. Je Than 19:18

Ke so bi oge me he ka hna biju gak hnyi Isaraela seven thauzan tavat adre me ca cibouca kö Baala, me je hnyem hia adre ca ûcimhnyimak më.

Jobu 13:9

Hawa, e so e he ka elâm bongubun? Ke hawa, öbun e he ka iyawâ e, helâ me hna iyawâ at?

Salamo 69:12

Adre me ûhnenamö gak tavat adre me laba hnyi homagöule; Kʼ adre sit hwanök hnen tavat ic grâg.

Isaia 45:23

Oge hia but khemanyin gak bi, ame he but hofuc ûnyi hnyi hnyimök hnyi wisa, ke ame ca he bi ka hmetu a gʼ adre me he hia ka cibouca könya, ke ame he ta je hnyem hia thithö ka khemanyin gak.

Isaia 49:7

Walang hna ha hnö Iehova, at ame ûcû meli Isaraela, wale Kabiny, kâu a at ame hûkhötiâ hnen tavat, ke u at ame bi athnyabainy tavat musi, ka habe, Ame he je than ka wâ me tot; kʼ ame he lakon than ka khudrung; can bi Iehova ae hnathu, wale Kabi Isaraela at a ûco u.

Isaia 50:6

Oge me hna juk ka tavat ûkûc, me li wahicok ka tavat adre me hnimö je leûnen: oge me ca ikhâlâ hnyimakök ge hmehma me ûhangöji.

Isaia 52:14

Ödra se hia adre me uthmâhmâ gam, (adre okongoâ gan hmâ hnyimakan hon hnyimakan tavat hia, ke unyin, hon unyin tavat,)

Mika 5:1

HLUINY je deo vat lö, u me he walang ang ka ûkhacaköu me me je deo vat: e ame igigili öta hnen vat: kʼ adre me he ka kot wahicen at owisa hnyi Isaraela ge uci.

Mataio 27:30

Me adre me hangöjâ e, me hom hlowe, me kot ban.

Mareko 10:34

ke adre me he ka hluma e, me hangöjâ, me osoâ, me hlingâ; ke hwaban kun ta bong e ame he ka möt hmetu.

Mareko 14:65

Ke haba keihen adre me hwân he ka hangöjâ e, me lan hnyimakan, me khaû e, me ha kâu, ka habe, Perofeta thö: ke haba ta je athnyaba adre me hom e me khaû.

Mareko 15:18

me adre me hwân ka nom kâu, me ha ka habe, E, Tuhan at Juda!

Mareko 15:20

Ke adre hia but hiâ e, me adre me uny jut ûkhaû ae udrudrâ hlit, me okhavâ e ge je ûkhaûen bi. Ke adre me lelö but e kâû he ka osatauroâ.

Mareko 9:12

Ke e ame ha ködrin, ka habe, E hnathu a bö Elia ka o, me ohâtâ ta je ûnyi hia: ke adre sihnalimen ahö ge Nokon at a e ame he ka vheno ta je vec ae se hia me adre me he ka oûnyibâûâ e?

Luka 22:63

Haba tavat adre kât e, adre me hlumä e, me osoâ.

Luka 23:11

Ke haba Heroda me anyin je soja adre me hmiödra e, me hluma e, me okhavâ e ge ûkhaû ae hmanenang, me kunâ hmetu e kö Pilato.

Luka 23:36

Me ame hluma e minya hnen tavat vat, adre me he but kâu, me habelen e ge vinega,

Roma 11:4

Ke ieû hna thu kâu hnen Khong? walang, Oge me ip biju hobi könya tavat a seven thauzan, waleji adre me ca hnyi cibouca kö Baala.

Filipi 2:10

mʼ adre me he ka cibouca hia thithö ka hnyi iö Iesu, ödra ethö hnyi drany, me hmeledrany, me hmelen hmeledrany,

Heberu 13:13

Anyin a wale e so ate me didro kâu ka hnyi hoton hnyaba, me hokhnyok hnyi hna haikongoâ e.