Mareko 15:14 - Iaai Bible 1901 (New Caledonia)

¹⁴ Ke haba Pilato ame ha kodra, ka habe, Hnân eû, ie ûnyi ae kong e ame ânyâ? Ke adre me ti ha hwegiâ, ka habe, Osatauroâ thö e.

Mareko 15:14 ပူးပေါင်းရင်းမြစ်များ

Salamo 69:4

Ödra se hia but hon leûnen bok tavat adre me hmiödra inya ke ba can: E hwege tavat adre me behlingö nya, wale je iwahnaihmiony mönya ge can ae ca hnathu: Waleling mʼ oge me ham hmetu ûnyi oge me ca hûgûnâ.

Isaia 53:3

E hûkötiânen tavat, kʼ adre me hna degecâ e; e at ae vec, ke at ae khana hlöuhlöu: ke adre me hûkotiâ e helâ me at ame he tavat ka ikhâlâ je hnyimakodra gan, kʼ ate me ca oûnyihnathoâ e.

Isaia 53:9

Ke adre me penapena anyin erkemok unyin tavat ae kong, ke ame mok bi unyin tavat adre tren omjeû; ke so bi e ba hnyikongon, ke ba iyawo hnyi hnyimen.

Mataio 27:19

Ke e ame tiga laba hon taben owisa, ke haba âiân ame ûkhûnöng kâu he ka ha, ka habe, Ca he bi u ka ânyâ ke ûnyi ka at e ae wisa: anyin a oge hia but ibiose vec gan hnyi bong ang hnyi bwi.

Mataio 27:4

me ha, ka habe, Oge hia but ânyâ hulö he ka alecuâ dra ae ba hnyikongon. Ke haingödra, ka habe, U me ha bi kohmun? ka u bi u.

Mataio 27:54

Ke haba keneturio, me tavat minya unyin, wale hnyat adre me tuö Iesu, ödrin e wâ hwiöi, ke ta je ûnyi adre me ânyâ, me ödrin e ot gan hmâ, me ha, ka habe, E hnathu Nokon Khong at ang.

Mareko 15:13

Me adre me hongot hwege hmetu, ka habe, Osatauroâ thö.

Mareko 15:15

Ke haba Pilato ame weny he ka osenyinâ tavat ae se, me e ame thöng Barabasa but kodra, ke a hia but osoi Iesu, e ame hna but e mʼ adre me he ka osatauroâ.

Luka 23:21

ke adre me fuc hwege, ka habe, Osatauroâ thö, osatauroâ thö e.

Luka 23:4

Haba Pilato ame ha ka taben tavat bihut me tavat ae se, ka habe, E ba monu anyin at ang oge me wâ.

Luka 23:41

Ke e wisa hnaûhango a otu, anyin adre bi hwaban kötu e me ûcû me hnötu hna mâdrâ: ke haba at ang, me ba bi monu gan.

Luka 23:47

Ke a wâ but keneturio hna mâdrâ, me e ame haisoâ Khong, me ha, ka habe, E hnathu wale at ae wisa.

Ioane 18:38

Pilato ame ha kâu, ka habe, Ieû hnathu? A hia but ha e, e ame dit hmetu but ka at Juda me ha ködra, ka habe, Oge me ca wâ thö ke monu gan.

Ioane 19:6

Ke a wâ but e hnen je taben tavat bihut me tavat tue, me adre me ha hwegiâ, ka habe, Osatauroâ thö, osatauroâ thö. Haingö Pilato kodra, ka habe, Hom bi thʼ öbun me osatauroâ: anyin oge me ca wâ ke monu gan.

Ta je huliwa 13:28

Eja ke ne ba can mok adre me wâ gan, adre me sumatö Pilato he ka hlingâ e.

Ta je huliwa 19:34

Ke adre me wâhmakhmeto a e at Juda, me adre me tha hongot goranyai ame ne lo li awa, ka habe, E gan hmâ Diana anyin at Efeso.

Heberu 7:26

Anyin ae ûcû köta at bihut eling ae, nua, ae kap, ae ba hulo gan, me ba hnyikongon, me ûsâkâûö me tavat adre me anyâ hulo, ke adre öbeönua hon drany;

I. Peteru 1:19

ke so bi ûnyi ge dren Keriso ae gan hwaban, helâ me nokon mamoe ae ba hnyikongon me ba monuiny: