Mareko 14:72 - Iaai Bible 1901 (New Caledonia)

⁷² Ke ame ie kokok khoto, a loiny. Me Peteru ame ûnykûme hofuc a ba Iesu kâu, ka habe, U me he ka okun ivinö nya ke tiga ca olo bi kokok khoto. Me e ame ûnykûme, me tenge.

Mareko 14:72 ပူးပေါင်းရင်းမြစ်များ

II. Samuela 24:10

Me haba hnyeku Davita ame dâ e hwaban hnen hna aû tavat. Me haingö Davita kö Jehova, ka habe, Oge hia but ûnyâ monu ae gan hnyi ûnyi oge me ânyâ: ke walang ang, Than lö, oge me khöû köu he ka hna but hulö anyin athnyabaem; anyin oge me ânyâ monu.

Ezekiela 16:63

mʼ u me he ka ûnykûme, me hlohlo, me ca he hmetu ka fuc, can ânyâm hmehma; iny ka hia but thang degecâ hnâm hna ânyâ hia thithö, haingen Than Iehova.

Ezekiela 36:31

Ke öbun e he ka ûnykûme ta je hwakecibun ae kong, me hnobun je hna ânyâ ae ca so; ke öbun e he ka hûköti öbun bi hnyi hnyimaköbun bi can anyibun ta je hulo me hwakecibun ae ikiki.

Ezekiela 7:16

Ke haba tavat adre me kec gadra, me adre me he ka kec möt, kʼ adre me he ka helâ me je hinyin hnyigöulen bucen, kʼ adre me he ka ve tenge hon je bucen can hwakecidra.

Mataio 26:34

Haba Iesu ame ha kâu, ka habe, E hnathu inya oge me ha köu, ka habe, haba hnyi lit ang, ke tiga ca kokok bi khoto, me u me he ka ibi okun ivinö nya.

Mareko 14:30

Ke haba Iesu ame ha kâu, ka ʼhabe, E hnathu inya oge me ha köu, a haba u, hnyi bong ang, wale eâu hnyinghet, ke tiga ca olo bi kokok khoto, me u me he ka okun ivinö nya.

Mareko 14:68

Ke e ame ivinö me ha, ka habe, E ca khanö nya, ke oge me ca wâhmakhmeto bi hnâm hna ha: ke e ame didrut ka hnyi poretiko; me ame kokok dö khoto.

Mareko 14:71

Me e ame hwân he ka ha hofuc ûhangö me khemanyin, ka habe, E ca khanö nya at eling öbun e ha.

Luka 22:60

Ke haingö Peteru ame ha, ka habe, Ketha, e ca khanö nya hnâm hna ha. E ame tiga fuc me ame ie kokot dö khoto.

Luka 22:62

Me e ame didrut me tenge hlöuhlöu.

II. Korinito 7:10

Anyin a haba hmak hnyok ae ûcû ka Khong, me wale at ame okûâ ietra ke ne o but ka hnyi möt, haba ietra eling, me ca hnân ietra hmetu: ke haba hmak hnyok ûnyi eang hmeledrany ame okûâ mok.