Mareko 14:41 - Iaai Bible 1901 (New Caledonia)

⁴¹ Ke e ame okun o hmetu, ke haingen ködrin, ka habe, Mokut ju öbun walang ke menâ: soju ang; a o thö awa; wâ bi, adre hia but alecuâ Nokon at ka hnyi je hnyamen tavat ae kong.

Mareko 14:41 ပူးပေါင်းရင်းမြစ်များ

I. Je Than 18:27

Ke haba hnyi jebigö Elia ame hlumʼ ödrin me ha ködrin, ka habe, Hongot hwege thö: anyin a e khong; ame ne hu ûnykûmânen e, ke ame ne saû, ke ame ne he but, ke ame ne mokut, me so he ka ohmâkâ.

I. Je Than 22:15

Kʼ ame o but ka than, me haingen than kâu, ka habe, Mikaia lö, hawa, ohmu ma he Ramothe-gileada ai he ka vat, ke ohmu ma hna ju? Haingen kâu, ka habe, He thö me hnahic; ke ame he Iehova ka hna e ka hnyi hnyamen than.

II. Je Than 3:13

Ke Elisaia ame ha ka than Isaraela, ka habe, Ieû gak köu? he bi thö ka je perofeta anyin kâmâm, me je perofeta anyin hinyâm. Ke haingen than Isaraela kâu, ka habe, Ohe, anyin a Iehova ame ûkhacaköuâ kun ta than eang he ka hnʼ ödrin ka hnyi hnyamen at Moaba.

At Khet 11:9

Hidröu lö, senyin dö, u ka tiga but; ke hobâ thö hnyekom hnyi je bonginy ânyâm hidröu, ke vheno thö je gethen deny hnyekom, me ta je ûnyi u je wâ hnen li emâkâm: ke khanö u thö a ame he Khong ka hum u can ta je ûnyi hia e ka hnyi hna owisa.

Ezekiela 20:39

Ke haba öbun, lap anyi Isaraela lö, walang hna ha hnen Than Iehova, ka habe, Ve he thʼ öbun ka bi hluiny anyibun je idola, ke hwaban e öbun e ne ca ling nya; ke so bi, öbun e ca he hmetu bi ka okongoâ iök ae kap ge anyibun ta je bwihlany me anyibun je idola.

Mataio 26:2

Öbun e wâ ae lo biju li bong me ame he ka o but paseka, ke adre me he ka alecuâ Nokon at me he ka osatauroâ.

Mareko 14:10

Ke ame he Juda Isakariota, hanen hnyat a twelv, ka je taben tavat bihut, me me he ka alecuâ e ködrin.

Mareko 14:18

Ke ödrin e tiga laba me han, haba Iesu ame ha, ka habe, E hnathu inya oge me ha köbun, ka habe, Ame he ke at gabun ka alecuo nya, wale at ame tha han mönya.

Mareko 14:35

Me e ame he ûhnyûkong, me ta ju eû hnyi kânâ me hic me sumâtâ he ka hia awa eling gan, a ne ca pason.

Mareko 14:40

Ke e ame o hmetu me ö ʼdrin ödrin e mokut, anyin ae hmak je emaködrin; ke ca khanʼödrin ûnyi hnân thu kâu.

Mareko 14:42

Todrö, otin e he thö: wâ bi, wale but ang at ame he ka alecuo nya.

Mareko 7:9

Haingen ame ha kodra, ka habe, Öbun hwege ka degec ut hnanyibu anyin Khong, mʼ öbun e he ka vheno hnobun je hna ûne.

Mareko 9:31

Anyin a e ame nâ laten, me ha ködrin, ka habe, Adre me he ka hna Nokon at ka hnyi je hnyamen tavat, kʼ adre me he ka hlingâ e; ke hwaban hna hlingâ e, me e ame he ka möt hmetu hnyi bong a kuniny.

Ioane 12:23

Ke haba Iesu ame thu ködrin, ka habe, A o but awa he ka ogânâ Nokon at.

Ioane 12:27

E hlohlo hnyekuk walang ang; ke ieû oge me he ka ha? Cica lö, bethe omeli nya hnyi ûen ang. Ke so bi can e oge me o but ka hnyi ûen ang.

Ioane 17:1

IESU ame ha ta je ûnyi e; ke e ame bwele hnyi drany ai me ha, ka habe, Cica lö, a o but ûen; ogânâ thö Nokom, me me oganö u minya bi Nokom:

Ioane 7:30

Me adre me elâm he ka kât e: ke ba ke at ame hinôbeny kâu, anyin ae tiga ca o bi ûen.

Ioane 8:20

E ame ha ta je hofuc e hnyi dok adre hip mone, e ame tiga ûne hnyi uma kap: ke ba at ame kât e; anyin ae tiga ca o bi ûen.

Ta je huliwa 7:52

Ewa perofeta a ca ovecâ hnen lakamöbun? ke ödrin e hlingâ minya tavat a hodra ka omanenâ a gʼ ame he ka o At ae Wisa; wale öbun e alecuâ me hlingâ walang ang;

Owisa 10:14

He thʼ öbun ka tenge ka je khong öbun e ûca; hamödrin he ke omeli öbun hnyi ûen hna sedʼ öbun.