Mareko 14:31 - Iaai Bible 1901 (New Caledonia)

³¹ Ke e ame fuc hwege hmonyin, ka habe, A ne ha-mök he ka tha mok möu, me oge me ca he ka ivinö u. Helâe minya hna ha gadrin hia.

Mareko 14:31 ပူးပေါင်းရင်းမြစ်များ

I. Je Than 11:22

Me haba Farao ame ha kâu, ka habe, Ie ûnyi ae hia gam unyik, mʼ u me elâm he ka he ka hnyi em hnyei? Ke haingen, ka habe, E ba: ke so bi ō u hnö nya but.

II. Je Than 8:13

Me haba Hazaela ame ha, ka habe, Ie inya a athnyabaem, a kuli, mʼ oge me he ka ânyâ ûnyi e ae gan? Me Elisaia ame thu, ka habe, A hia but Iehova omanenâ könya a u me he ka than Suria.

Salamo 30:6

Haba inya, hnyi ûen oge me labö sot, me oge me ha, ka habe, Oge me ca he bala bi ka bwebwet.

Esodo 19:8

Kʼ ame thu tavat hia me ha, ka habe, Ohmun e he ka ânyâ ta je ûnyi hia ame ha Iehova. Haba Mose ame thumetu Iehova hofuc hwan tavat.

Ta je Vejec 16:18

Ame bân bi gan, ke biliny bi hnaûhango, Ke ame bân hnyok ae hop, ke biliny bi he ka ta.

Ta je Vejec 18:24

Haba at ae se hia laihuminy, me ame okongoâ e bi: Ke hu ihum a at betenge, kʼ ame kece hmâ hon je liamekeiny.

Ta je Vejec 29:23

Haba bigan anyin at, me ame ohnyikânâ e: Kʼ adre me he ka ogânâ at ame hnyok hnyikânâ.

Jeremia 10:23

Iehova lö, e khanö nya but a ca hanymen bi at deny gethen: e ca hanymen at ame he ka owisa hnen je hna okca.

Jeremia 17:9

Haba hnyekon at, me wale at ae ti iyawo hon ta je ûnyi hia thithö, ke ti kong e: ie at ame he ka wâhmakhmeto e?

Mataio 10:33

Ke haba at ame he ka ivinö nya hnyi hnyimakan tavat, me oge me he bi nya ka ivinoâ e hnyi hnyimakan Kamök ethö hnyi drany.

Mareko 10:39

Haingödru ödru me ha kâu, ka habe, Öhmu me he ka hwege. Haingö Iesu ködru, ka habe, Öbu me be ka hnyi ic hnyi utköiö oge me ijem, kʼ adre me he ka bapataisoi öbu ge hna bapataiso adre ma bapataisoi nya hnyin:

Mareko 14:30

Ke haba Iesu ame ha kâu, ka ʼhabe, E hnathu inya oge me ha köu, a haba u, hnyi bong ang, wale eâu hnyinghet, ke tiga ca olo bi kokok khoto, me u me he ka okun ivinö nya.

Mareko 14:32

Ke ödrin e o but ka hnyi ke utkânâ Gethesemane ien: me e ame ha ka laten, ka habe, Më laba ju eang, inya mē he ju ka hic.

Luka 23:23

Ke adre me tha ha hwegiâ ge ifucidra ae gan hmâ, adre me sumâtâ me me he ka osatauroâ e. Me ame ton dut ifucidra ae gan.

Ioane 13:37

Haingö Peteru kâu, ka habe, Than lö, anyin a ieû ae ca khanö nya he ka be hotom walang ang? oge me he bi ka ham anyik möt hnân hobi köu.