Mareko 13:27 - Iaai Bible 1901 (New Caledonia)

²⁷ Me e ame he ka kunâ anyin ta je angela he ka ûkhacaköuâ hnen ta je hna ûca ûnyi hnyi je ang a vak, hwân hnyi can hmeledrany ke ne o but hnyi can drany.

Mareko 13:27 ပူးပေါင်းရင်းမြစ်များ

Genese 49:10

Ame ca he ka hia ûnyi Juda uci musi, Me at bi hnanyibu ûheny hnyi wanben li can, Ke ne o but ame o Silo; Kʼ ame he ta je hnyei ka löng hoton.

Isaia 65:9

Ke oge, me he ka oâ ke mâtrân ûnyi ga Jekob, me at ame he ka labā anyik je bucen ûnyi ga Juda: ke ame he tavat oge ûca ka hu hnyei, kʼ ame he je athnyabaik ka labā e.

Zakaria 2:6

E, e, kec dö ûnyi hnyi hnyei hnyi hwadro, haingö Iehova: anyin a oge biâ but ovesei öbun helâ me vak ta ang hnyi drany, haingö Iehovä.

Mataio 12:42

Ame he momo than ûheny hnyi hwaiöu ka tha tot me dö ang hnyi hna owisa he ka hahnaûhangoâ e: anyin a e ame o ûnyi hnyi can hmeledrany he ka long metâ anyi Solomona; ke wâ bi, wale bi ang at ae beönua hu Solomona.

Mataio 13:41

Ame he Nokon at ka kunâ anyin ta je angela, mʼ ödrin e he ka ûkhöûnâ ûnyi hnyi dokhon dökhu ta je ûnyi hia adre me bi jöniny, ke tavat adre me ânyâ hulö,

Mataio 13:49

Ame he ka helâe hnyi obiny hmeledrany: ame he ka he but ta je angela me kia luâ tavat ae kong me tavat ae wisa,

Mataio 24:22

Ke adre ne ca owakhaletâ ta je bong, me ba at ame he ka möt: ke so bi adre me he ka owakhaletâ ta je bong e ge tavat adre ûca.

Mataio 24:24

Anyin ame he ka o je Keriso thoi, me je perofeta thoi, me adre me he ka omanenâ ta je haten ae gan, me ta je ûnyi hnân lâiâ, mʼ adre me he ka omono tavat adre me ûca a ne ca pason.

Mataio 24:31

Ke e ame he ka kunâ anyin ta je angela me ifucin khoto ame mea, me adre me he ka ûkhacaköuâ thö hnen ta je hna ûca ûnyi hnyi je ang a vak, hwân hnyi ke can drany ke ne o but ka hnyi ke can.

Mareko 13:20

Kʼ ame ne ca owakhaletâ ta je bong hnen Than, me ba at ama möt: ke so bi, can tavat adre hia but ûca, waleji e ame ûca, me e ame he ka owakhaletâ ta je bong.

Mareko 13:22

anyin ame he ka o ta je Keriso thoi, me ta je perofeta thoi, ke adre me he ka omanenâ ta je haten me ta je ûnyi hnân lâiâ, mʼ adre me he ka omono tavat adre ûca, a ne ca pason.

Mareko 13:28

Nâ thʼ öbun ûhöûcû me imeta: e tiga but bi je anginy, ke hlau je lan, me khanʼ öbun dut ae hakekeny hnyeun;

Luka 16:22

Me ame mokcu at sumat, me ame hom dö e ta je angela ka hnyi ûlai Aberahama: ke ame mok minya ju at ae tren onjeû, me adre me konâm but.

Luka 18:7

Ke hawa, ame ca he Khong ka owisa ka tavat e ame ûca, a tavât adre me hongot kâu hnyi lany me lit, ke e ame hok hnyoki ödra beû hmâ ju?

Ioane 10:16

E hu minya ke ta je mamoe a halek, a ca hanen kak ang: ke ûcû könya he ka hum ödra minya, ke adre me he ka long ifucik; me me khaca thibi hnahat mamoe, ke khaca thibi at ame tuö.

Ioane 11:52

ke ca hake hnân hnyei eling, ke so bi mʼ adre me ûkhacaköu lakon Khong adre vese, mʼ adre me khaca thibi.

Roma 8:33

Ie at ame he ka bi fuco hna ûca hnen Khong? Haba Khong thibi at ame haiwisa;

Deuteronomi 30:4

Eja ke ne adre ne obâ keihen ka hnyi obiny drany, me ame he Iehova Khongom ka ûkhacaköuö u ûheny, me hum u ûheny:

Kolose 3:12

Anyin a wale, haba öbun je hna ûca hnen Khong, a wakap me laoûnykûminy, me so öbun e khavâ ibetengiö vec, me hwakecin ae so, me hnyok ae hnyikânâ, me hwakecin ae menyik, me hokhnyok beû hmâ;

II. Thesalonika. 2:1

ÖHMUN e ûjongi öbun hnyat me lakeiny, wale ge ioiny hmetu Tuhöta Iesu Keriso, me hna ûkhacaköu öta kâu;

II. Timoteo 2:10

Anyin a wale, inya oge me hokhnyokâ ta je ûnyi hia hobi kâu tavat adre ûca, me me hu minya thö kodra möt a e unyin Keriso Iesu, tha e me hmanenang ame ca ba balua.

I. Peteru 1:2

tavat adre me ûca hoton hna wâbânâ hnen Khong a Kamen adrem, ûnyi ge hna okabâ ge Hanu, he ka löng hoton e, me dukâiâ hnen dro Iesu Keriso: E so e unyibun ibetengiö baû, me ûsoköu ae gan hmâ.