Mareko 13:24 - Iaai Bible 1901 (New Caledonia)

²⁴ Ke haba hnyi je bong eling, hwaban hna ûöveci eling, me ame he ka menekholom but seûnö, kʼ ame ca he ka melam tehi,

Mareko 13:24 ပူးပေါင်းရင်းမြစ်များ

Isaia 13:10

Anyin a haba ta je okhûiny drany me ta je deo okhûiny, ame ca he ka manen melamidra, ke ame ca he tehi ka oumumelamâ.

Jeremia 4:28

Anyin a wale ame he hmeledrany ka tenge, ke ame he ka khömet ut drany: anyin oge hia but ha, me ûnykûme, ke oge me ca he ka ietra, ke haba khaca oge me ca he ka hmetu ûhek e.

Ezekiela 32:7

Ke haba hnyi ûen oge me he ka oumi u, me oge me he ka tube drany, me olidrâ je okhûiny; ke oge me he ka tube seûno ge ûlâ, ke ame ca he ka melam tehi.

Daniela 12:1

KE haba hnyi ûen eling ame he Mikaela ka tot, wale than ae gan at ame tot singiny aten em hnyei: ke ame he ka hu ûen vec, e ba helâe hwân hnyi hna hwenyi ien, me hnyei, ke ne o but hnyi ûen eling: ke hnyi ûen eling adre me he ka omelo aten em hnyei, ödra hia adre me wâ hna sihnalimidra hnyi tusi.

Daniela 7:10

Ke ame hingölö wagewe meic me patrutrua ûnyi hnyi hnyimakan: kʼ adre me bi athnyaba kâu tavat a wan thauzan je thauzan, kʼ ame utitilen hnyi hnyimakan khaca miriad je miriad: kʼ adre me penapena he ka ûhnei, kʼ adre me ulolo je tusi.

Joela 2:10

Ame öbubuny hmeledrany hnyi hnyimakodra; kʼ ame jijing drany; ame menekholom seûno me tehi, kʼ ame ca melam ta je okhû:

Joela 3:15

A lit ut seûno me tehi, ke ame ca melam ta je okhû.

Amosa 5:20

Hawa, ame ca he ka menekholom bong bongu Iehova, ka ba melam? ke hlit hmonyin, ke ba lany hnyin e?

Mareko 13:23

Ke wâ eâu Öbun: wâ bi, oge me omanenâ bânâ köbun.

II. Peteru 3:10

Ke ame he ka o bong bonginy Than helâ me at venöu; ke ame he ka hia drany me hmuhmu ae gan hmâ hnyi bong eling, ke ame he ka köiö but ge kahwa ae gan hmâ ta je ûnyi hia thithö, ke adre me he ka thong degecâ minya hmeledrany me ta je ûnyi adre huliwan hnyin e.

II. Peteru 3:12

me tavat halubahingen me webun he ka o but bong bongon Khong, wale ame he ka thong drany me me he ka oköiâ e, ke ame be ka köiö but ge kahwa ae gan hmâ ta je ûnyi hia thithö?

Hna Omanenâ 20:11

Ke oge me wâ theron ae gan ae hau, me at ame tabâ, ke ame kec hnyi hnyimakan hmeledrany me drany; ke ca manen bi ke dok hobi ködru.