Mareko 13:2 - Iaai Bible 1901 (New Caledonia)

² Ke haba Iesu ame ha kâu, ka habe, U je wâ hna up veto eang ae gan? ame ca he ke veto ka hnen hon ke veto, ke adre me he ka thö degecâ hia.

Mareko 13:2 ပူးပေါင်းရင်းမြစ်များ

Jeremia 26:18

Haba Mika at Moresa ame perofeta hnyi bong bongu Hezekia than Juda; ke e ame ha ka tavat hia, ka habe, Walang hna ha hnö Iehova tuhan sabaoth, ka habe, Adre me he ka seû Ziona helâ me utkânâ, ke adre me he ka wia Jerusalema me me hna digic thatûnyi, me buceniny uma ka helâ me je dok ae gorany hnyi hnyot.

Daniela 9:26

Ke hwaban ta je wik a sikste tu, me adre me he ka subâ degecâ at adre me hû, ke ba ûnyi gan: ke haba lakeiny than ame he ka o, mʼ adre me he ka ohia taun ke dok ae kap; ke ame he ka obiny e ge di, kʼ ame he ka hu vat ke ne o but obiny; kʼ adre me ohmâ but he ka öba wan.

Mika 3:12

Anyin a wale adre me he ka wia kânâiny Ziona helâ me utkânâ can gabun, ke haba Jerusalema, me ame he bi hnân digic thatûnyi hnyin, ke buceniny uma me ame he ka helâ me je hut hnyi hnyot.

Mataio 24:2

Haba Iesu ame ha ködrin, ka habe, Hawa, öbun e wâ but ta je ûnyi hia eang? e hnathu inya oge me ba köbun, ka habe, Ame ca he bi ke veto ka mokut hon ke veto, ke adre me he ka thö degecâ hia.

Luka 21:6

Haba ta je ûnyi e öbun e wâ, ame he ka o ûen, me ame ca he bi ka hnen ke veto hon ke veto, ke adre me he ka thö hia.

Ta je huliwa 6:14

anyin a ohmun e long ut, e ame ha, ka habe, Ame he Iesu at Nazareta ka ohia dok ang, me wia ta je hwakecin a ham köta Mose.

Hna Omanenâ 11:2

Ke haba hnyeule hoton uma kap, hnen ju, ca ke ka tuluto; anyin adre hia but ham e ka ta je hnyei: ke adre me he ka uto taun ae kap hnyi ta je tehi a fâte tu.