Mareko 13:11 - Iaai Bible 1901 (New Caledonia)

¹¹ Ke ödra ka he ka lili öbun, me hnʼ öbun, ca he ka ie ûnykûme ûnyi hnân he ka ha: ke haba hofuc adre me he ka ham köbun hnyi ûen eling, ha thö: anyin a ca öbun ling tavat öbun e ha, ke Hanu Kap bi.

Mareko 13:11 ပူးပေါင်းရင်းမြစ်များ

II. Samuela 23:2

Hanu Iehova ame fuc ûnyi gak, Ke e bi hnyi bohmök hwan hofuc.

Isaia 50:4

Haba Than Iehova ame hia but ham könya bohmen at ûne, me me khanö nya he ka sihwegiâ at ae sēnyin ge hofuc: e ame ûöhmak hnyi je hnyomakatu, e ame ohmâkâ hnyikönyök he ka löng helâ me tavat ûne.

Mataio 10:17

Ke wâ eâu tavat: anyin adre me he ka hnʼ öbun dut ka tavat ûhnei, ke adre me he ka kuc öbun hnyi umödra ta je sunago;

Mareko 13:12

Ame he ke liamekeiny ka hna liamekeiny mē ka mok, ke helâ kamen ka nokon; ke ame he lakon ka tot ûcon kamödrin me hinyödrin, he ka hlingʼ ödru.

Mareko 13:9

Ke wâ eâu öbun, anyin adre me he ka hnʼ öbun ka tavat ûhnei; ke adre me he ka osoi öbun hnyin ta je sunago; ke öbun e he ka todrö hnyi hnyimakan ta je gavena me than, can inya hnân ohnathoâ kodra.

Luka 21:12

Ke adre me he ka kot öbun, ke tiga ca o ta je ûnyi eling, me okongu öbun, me hnʼ öbun ka hnyi je sunago, me je uma ceat, me lili öbun ka je than me gavena can iök.

Ioane 3:27

Haba Ioane ame thu kâu, ka habe, E ca khana at he ka kap ke ûnyi, adre ne ca ham bi kâu ûnyi hnyi drany.

Ta je huliwa 2:4

Me ödrin e unöngöt hia thö ge Hanu Kap, me hwân he ka fuc hnyi je ve hwen hnyei bi, helâ me hnen Hanu hna ham ködrin he ka fuc.

Ta je huliwa 3:13

Haba Khongu Aberahama, me Isaaka, me Jekob, Khongon lakamöta, ame olungâ Aten a Iesu; waleji öbun e hna but, me ivinoâ hnyi hnyimakö Pilato, ke mou thö gan a gʼ ame he ka hna e.

Ta je huliwa 4:31

Ke ödrin e um dö hic, me ame jijing uma ödrin e laba hnyin; me ödrin e unöngöt hia thö ge Hanu Kap, me ödrin e ha hofuc hwan Khong hnen hwege.

Ta je huliwa 6:10

Ke ca khanʼ ödra thu hmetu anyin metâ me Hanu at ame ofucâ e.

Ta je huliwa 6:15

Ke haba tavat ûhnenamö hia adre me wâ hmâ e, me wâ hnyimakan, helâ me hnyimakan angela.

Ta je huliwa 7:55

Ke e a unöngötö ge Hanu Kap, kʼ ame wâ hmâ drany, me wâ hmanenanginy Khong, me Iesu ame tot hnyi ke keihen a metân Khong,

I. Korinito 2:13

Ke ohmun e ha ta je ûnyi e, ca ûnyi hnyi hofuc adre nâ hnen metâ anyin at, ke so bi ûnyi hnyi hna ûne hnen Hanu; ame omanenâ ta je ûnyi anyin hanu ka tavat aten hanu.

Efeso 3:5

waleji adre ca omanenâ ka tavat hnyi ta je dö adrem, helâ me hnödra hna omanenâ kohmun walang ang a je aposetolo ae kap, me ta je perofeta ûnyi ge Hanu;

Iakobo 1:5

A ne ke at gabun ae ba metâ gan, me so e ame sumâtâ unyin Khong, at ame ham gânâ ka tavat hia thithö, kʼ ame ca û bi; me adre me he ka ham kâu.

I. Peteru 1:12

Adre me omanenâ kodra a gʼ adre ca huliwan ta je ûnyi eling kodra, ke so bi köbun, waleji adre haimemenâ köbun walang ang hnen tavat adre me khetâ köbun ûthumetu ae so ûnyi ge Hanu Kap adre kunâ ûnyi hnyi drany; waleji a ta je ûnyi ame weny ta je angela he ka selâdrâ.