Mareko 12:9 - Iaai Bible 1901 (New Caledonia)

⁹ Anyin a wale, ieû ame he ka mâdrâ tuhan hnyei vine? e ame he ka o me ohia tavat belök, me ham hnyei vine ka keihen.

Mareko 12:9 ပူးပေါင်းရင်းမြစ်များ

Isaia 29:17

Hawa, adre me ca he logot ka wia Lebanona me me utkânâ ae hoso, kʼ adre me he bi ka ûnykûme utkânâ ae hoso, me hnyot bi?

Isaia 65:15

Ke öbun e he ka hnaiöbun hnân hângâ ka tavat oge ûca, kʼ ame he Than Iehova ka hlingö u; me wenyö ke ien bi hon je athnyabainy:

Jeremia 17:3

Anyik bucen hnyi utkânâ lö, oge me he ka ham ânyâm ta je ûnyi me je tang omjehem hia, hnân söh, me ânyâm je dok ae gorany hnyi ta je hnyigöulâm hia thithö, can hulo.

Malaki 1:11

Anyin a hwân hnyi hna o hnen seûno ke ne o but hnyi hnen hna dit adre me he ka ogânâ iök hnen ta je Hnyei; ke haba hnyi je dok hia adre me he ka leû uto ae bo so ka iök, me hut ae so: anyin adre me he ka ogânâ iök hnen ta je Hnyei, haingö Iehova tuhan sabaoth.

Mataio 12:45

Me e ame he but me tha hom mē je hanu a seven ae beönua anyidrin monu hon e, ke ödrin e didro me laba eling: ke haba obiny ka at eling, ame he ka kong hon a bân. Ke ame he ka helâe minya ka dö ang ae kong.

Mataio 21:34

Ke hnyi ûen ame hakekeny ka metu je wan, me e ame kunâ lathnyabainy ka tavat belök, he ka hom je wan.

Mataio 21:43

Anyin a wale, inya oge me ha köbun, ka habe, Adre me he ka hom gabun dökhu dokhon Khong, me adre me he ka ham ka hnyei adre me wa waniny.

Mataio 22:7

Me ame hmonyin bi than, kʼ ame kunâ anyin je utbavat, me ohia tavat ûhlingö eling, me thong degecâ anyidra taun.

Mareko 12:10

Öbun e ca munyi aû hna sihnalimen, ka habe, Haba veto ame degec ge tavat bi uma, Me adre hia but ânyâ eling me hnân kopiny bahebet:

Mareko 12:8

Me adre me kât e me hlingâ, me khûâ but ka hnyi hoton hnyei vine.

Luka 19:27

Ke haba tavat eji je iwahnaihmiony mönya, waleji ae ca wedra oge me he ka musi ödra, hum ödra but jem he ka hlingʼ ödra hnyi hnyimakök.

Roma 10:20

Ke hwege Isaia me haingen, ka habe, Ame ō nya hnen tavat adre me ca elöm nya; Ke oge me manen dut ka tavat adre me ca hnei nya bi.

Josua 23:15

Ke e hwâdâ köbun ta je ûnyi hia ae so a ha köbun Iehova Khongubun, awe, helâe ame he Iehova ka oātâ köbun ta je ûnyi hia ae kong, ke ne o but e ame hiʼ öbun hia but ûnyi hnyi hnyei eang ae so a ham köbun Iehova Khongubun.