Mareko 12:40 - Iaai Bible 1901 (New Caledonia)

⁴⁰ a hnyat adre me utâ je uma umen je safac, ke hic beû hmâ hnân iyawâ; ame he ka hu ka hnyat eling hnaûhango ae ti gan.

Mareko 12:40 ပူးပေါင်းရင်းမြစ်များ

Ezekiela 22:25

Anyin je perofeta adre me si hnân hnyi wanben, helâ me liona ame kuku ame oloû kia haniny: adre hia but an at; adre me hûgûnâ omjeû, me ta je ûnyi ae ûnyi hnathu; adre hia but osehia je safaciny hnyi wanben e.

Mika 2:2

Ke adre me behnyekudra ta hnyei me hûgûnâ; ke ta je uma, me hom bi: ke adre me ovecâ at me anyin lap, wale at me iny hnyei.

Mataio 23:13

Ekölö gabun hnyat sihnalimen me ta je Faresaio, hnyat thoi hnyok! anyin Öbun e hlöng dokhon drany ka at: anyin öbun e ca didro ka hnyin, ke öbun e thawâ minya tavat adre me labö didro.

Mataio 23:33

Öbun je on lö, ke lakon je vaipa, öbun e he ka kâmâu ka kec ge hnaûhangöiny gena?

Mataio 6:7

Ke öbun ka he ka hic ca labö ha thiju ke hofuc a khaca, helâ me hna ânyâ hnen Aten ke je hnyei: anyin adre me ûnykûme a gʼ adre me he ka ling ödra ûnyi ge hnödra hna osehia ha.

Mareko 12:39

ke wedra ta je tap ae nua hnyi ta je sunago, ke ta je tap ae beönua hnyi ta je bijeû:

Luka 20:47

ödra adre me walâkâ je uma umen je safac, me hic beû hmâ hnân tube hwakecidra: adre me he ka hu hnaûhango ae gan hmâ.

II. Korinito 11:20

Öbun e hokhnyokâ at, ame ne thalûʼ öbun, ame ne ön öbun, ame ne hom hwenbʼ öbun, ame ne bi gan, ame ne khaû hnyimaköbun.

II. Timoteo 3:6

Anyin a keihen tavat helâe, adre me dit ka hnyi ta je uma, me hom hwenbâ omomo ae monu me hmak ge hulo, adre lili ödra hnen ta je wedra bi ae ke bongon bi,