Mareko 12:3 - Iaai Bible 1901 (New Caledonia)

³ Me ödrin e kât e, me kot, me obâ ke ba ûnyi a hom.

Mareko 12:3 ပူးပေါင်းရင်းမြစ်များ

I. Je Than 18:13

Hawa, a ca thumetu u than waleji ge hnok hna ânyâ hnyi ûen ame hlingâ je perofeta anyi Iehova ga Jezebela, a oge me ikhâlâ ta je perofeta anyi Iehova a wan haded, ûsa fifte hnyi li op, me haödrin, me habelidrin?

I. Je Than 18:4

ke haba hnyi ûen Jezebela ame subâ degecâ je perofeta anyi Iehova, haba Obadia ame hom je perofeta a wan haded, me ikhölʼ ödrin ûsa fifte hnyi li op, me haödrin me habeledrin.)

I. Je Than 19:10

Haingen, ka habe, Inya oge ciâ ga Iehova, Khongon sabaoth; anyin a lakon Isaraela ödrin e hna degecâ ânyâm ûhihinyköu, me hagutâ hnyikânâi ânyâm taben hut, me hlingâ ânyâm je perofeta ge hele vat: ke hake inya thiju kolon; ke ödrin e elâm anyik möt he ka ohia e.

I. Je Than 19:14

Haingen, ka habe, Inya oge me ciâ ga Iehova Khongon sabaoth; anyin a lakon Isaraela ödrin e hna degecâ ânyâm ûhihinyköu, me hagutâ degecâ ânyâm je taben hut, me hlingâ ânyâm je perofeta ge hele vat; ke haba inya thiju kolon; ke ödrin e elâm anyik möt he ka ohiâ e.

I. Je Than 22:27

me ha, ka habe, Walang hna ha hnen than, ka habe, Ip dö at ang hnyi uma ceat, me han ge aretoiny vec me köien vec, ke ne o but oge me o me hnahic.

II. Man Ûlabainy Je Than. 16:10

Me ame hmonyin Asa ka at wâ, me ip hnyi uma ceat; anyin a e ame hmonyin kâu can hofuc e. Ke Asa ame ovecâ keihen tavat hnyi ûen eling.

II. Man Ûlabainy Je Than. 36:16

Ke so bi ödrin e hluma je uthumetu anyin Khong, me hûkotiâ hwan hofuc, me hiâ anyin je perofeta, ke ne o but ame okûâ hmonyin anyi Iehova ka lakeiny, ke ne o but ae ba ûnyi hnân omelö.

Nehemia 9:26

Ke so bi ödrin e ca ûling, ke ödrin e hna degeci u, me hna hotudrin ai ânyâm hnanyibu, me hlingâ ânyâm je perofeta tavat adre me thawʼ ödrin, he ka ohmetu ödrin köu, ke ödrin e oâ hmonyin ae gan hmâ.

Jeremia 2:30

Oge kot je lakubun ke ûnyi baû bi; adre me ca kap hna nʼ ödra; hnen anyibun hele vat hna an anyibun je perofeta, helâ me liona at ame ohia.

Jeremia 20:2

Me haba Pasur ame fuc kö Jeremia perofeta, me ca e, a ohmâ hnyi utö ae hnyi homagouleny Beniamina ethö, waleji hnyi uma umö Iehova.

Jeremia 29:26

A hia but Iehova otilö u hnân at bihut hwabö Jehoiada at bihut, mʼ öbun e he ka musi hnyi uma umö Iehova, ka tavat ae monu, me tavat adre me wiʼ ödra hnân perofeta, mʼ adre me hnʼ ödra ka hnyi utö hnân ce at hnyin, me je tö a fao.

Jeremia 44:16

Haba hofuc u je hia but ha kohmun hnyi iö Iehova, ohmun e ca he ka löng köu.

Mataio 15:22

Me wâ bi, ame o but ke momo Kanana ûnyi hnyi je hnyegöulen hnyei eling, kʼ ame hongot tenge, ka habe, Than a Nöku Davita lö, betenge ju gak; ame vec ut nokuk hlu a delec demoni.

Mareko 12:2

Ke haba hnyi ûen e ame kunâ ke athnyaba ka tavat belök, me me he ka kap wan hnyei vine ûnyi ge tavat belök.

Mareko 12:4

Me e ame kunâ hmetu ke athnyaba kodra; me adre me aat dö e hnyi ban, me ti okongoâ.

Ta je huliwa 7:52

Ewa perofeta a ca ovecâ hnen lakamöbun? ke ödrin e hlingâ minya tavat a hodra ka omanenâ a gʼ ame he ka o At ae Wisa; wale öbun e alecuâ me hlingâ walang ang;

I. Thesalonika 2:15

waleji a tavat adre me hlingâ Than Iesu, me ta je perofeta, me obʼ öhmun, kʼ adre me ca osenyinâ Khong, ke ödra je iwahnaihmiony me tavat hia thithö;