Mareko 12:28 - Iaai Bible 1901 (New Caledonia)

²⁸ Ke ame o but ke at sihnalimen, wale at ame long anyidrin ûhnenamö, ke a wâhmakhmetoâ hnen hna thu soâ ködrin, me e ame hnö e, ka habe, Ewa hnanyibu a bân hnyi ta je hnanyibu?

Mareko 12:28 ပူးပေါင်းရင်းမြစ်များ

Mataio 19:18

Haingen ame ha kâu, ka habe, Ewa? Ke Iesu ame ha kâu, ka habe, U ca he ka hlingâ, U ca he ka bi ûnyi monu, U ca he ka venöu, U me ca he ka ohnathoâ thoi,

Mataio 23:23

Ekölö gabun hnyat sihnalimen me ta je Faresaio hnyat thoi hnyok! anyin a öbun e ham ke hanen a libenyitainy minet, me aneto, me komina, ke öbun e hia but hna biju ta je ûnyi ae gan hnyi hnanyibu, wale hna owisa, me ibetengiö, me labageju: e ûcû öbun e ânyâ ta je ûnyi e, ke ca hna bi ta je ûnyi eang.

Mataio 5:19

Anyin a wale, haba at ame he ka hanyâûâ khaca hnyi ta je hnanyibu eang ae ûhnyûkong hmonyin, kʼ ame nâ tavat he ka helâe, me adre me he ka ha oûhnyûkongo e hnyi dökhu dokhon drany: ke haba at ame he ka vheno me nâ, me adre me he ka ogânâ e hnyi dökhu dokhon drany.

Mareko 9:14

Ke ödrin e o but ka laten, me ödrin e wâ tavat ae se hia igigili ödrin, me hnyat sihnalimen adre me ûhnenamö mödrin.

Luka 11:42

Ekölö gabun ta je Faresaio! anyin a öbun e ham je ke keihen a libenyitainy minet, me ru, me ta je ûö ae ometu, ke öbun e hna biju hna owisa, ke hnyok ka Khong: e ûcû öbun e ânyâ ta je ûnyi eling, ke ca hna but ta je ûnyi ang.

Luka 20:39

Me ame thu hnen keihen tavat sihnalimen, ka habe, At ûne lö, e so hnâm hna ha.