Mareko 12:26 - Iaai Bible 1901 (New Caledonia)

²⁶ Ke haba ge tavat adre mokcu, me hnödra hna he ka möt hmetu, hawa, öbun e ca munyi aû bi hnyi tusi anyi Mose, waleji hnyi hna ha hnyi uö ae ûdedö, ame ha kâu hnen Khong, ka habe, Inya ang Khongu Aberahama, me Khongu Isaaka, me Khongu Jekob?

Mareko 12:26 ပူးပေါင်းရင်းမြစ်များ

Genese 26:24

Ke Iehova ame manen dut kâu hnyi hnyinghet eling, me ha, ka habe, Inya Khongu Aberahama a kâmâm: ca ot, anyin a tha inya möu, ke oge me he ka ohnahici u, me osehia ta je mâtrânâm can athnyabaik a Aberahama.

Genese 28:13

Ke wâ bi, ame tot Iehova ethö hon e, me ha, ka habe, Inya Iehova, Khongu Aberahama a kâmâm, me Khongu Isaaka: haba kânâ u me mokut hnyin, oge me he ka ham e köu, me je mâtrânâm;

Genese 31:42

Ame ne hia Khongu cica unyik, wale Khongu Aberahama, me hna outen hnö Isaaka, me e hnathu u je he ka kunö nya ke ba ûnyi. A wâ but Khong anyik vec me huliwa anyin li hnyamok, me e ame thao u et hnyi lit.

Genese 32:9

Ke Jekob ame ha, ka habe, Khongon kibik Aberahama lö, me Khongu cica Isaaka, Iehova lö, at ame ha könya, ka habe, He hmetu thö ka hnyi hnyei iny je lahanâm, mʼ oge me he ka ânyâ so köu:

Genese 33:20

Ke e ame otilâ taben hut, me hwenyi ien e El-eloe-Isaraela.

Esodo 3:16

He thö u he ka ûkhacaköuâ wahingatiny Isaraela, me ha ködra, ka habe, A manen dut könya Iehova, Khongon lakamöbun, Khongu Aberahama, me Khongu Isaaka, me Khongu Jekob, me ame ha, ka habe, Inya oge hia but senʼ öbun, me wâ ta je ûnyi adre ânyâ köbun e Aigupito:

Mareko 12:10

Öbun e ca munyi aû hna sihnalimen, ka habe, Haba veto ame degec ge tavat bi uma, Me adre hia but ânyâ eling me hnân kopiny bahebet:

Mareko 12:25

Anyin a ödra ka he ka möt hmetu thö, me adre me ca he ka hu öiödra, me ûham ta momo; ke adre me he ka helâ me ta je angela hnyi drany.

Luka 20:37

Ke so bi, a hia but omanenâ ga Mose, hnyi dok eji a uhnyot, a gʼ ame he ka möt hmetu tavat ûhedra hnyi hna mok, waleji hnyi hnen hna hawâ Than a Khongu Aberahama, me Khongu Isaaka, me Khongu Jekob.

Ioane 20:17

Iesu ame ha kâu, ka habe, Ca kalö nya bi; anyin a iny tiga ca ölö ka Kamen: ke he thö ka je liamekeiny mönya, me ha ködrin, ka habe, Inya oge me he ka ölô ka Kamök a Kamöbun, ke Khonguk a Khongubun minya.

Roma 11:2

A ca degec bi Khong lakeiny waleji e ame wâhmakhmeto ehac. Ke ca khanʼ öbun hna ha hnen tusi ga Elia? waleji e ame khöû ka Khong ge at Isaraela, ka habe,