Mareko 12:24 - Iaai Bible 1901 (New Caledonia)

²⁴ Ke haba Iesu ame ha ködrin ka habe, Hawa, öbun e ca monu can ang anyin a öbun e ca wâ hna sihnalimen me man maniny Khong?

Mareko 12:24 ပူးပေါင်းရင်းမြစ်များ

Genese 18:14

Ewa ke ûnyi ae hmak kö Iehova? Haba hnyi bong adre thu oge me he ka hmetu köu, e ka o but ûen, kʼ ame he Sara ka hnokoâ nokon da.

Isaia 25:8

E ame hia but utâ mok me ohia e; ke ame he Than Iehova ka kot degecâ ta je deköiö ûnyi hnyi ta je hnyimak hia thithö; ke e ame he ka ohia hna haikongoâ lakeiny ûnyi eang hmeledrany hia: anyin ame ha Iehova.

Isaia 26:19

Ame he ka möt hmetu ta je kokâm; ame he kʼ tot hmetu ta je kokik. Hmak dö, me khumöng dʼ öbun tavat öbun e laba hnyi sesâ: anyin a helâ me dân hau hon ûö ae ometu dân ânyâm hau, ke ame he kânâ ka oâ ta je komok.

Isaia 8:20

Kec do ka hnyi hnanyibu me hna ohnatho! adre me ne ca fuc hoton hwan hofuc eling me ame he ka ba hnyomakatu hobi kodra.

Jeremia 32:17

Ekölö Than Iehova! wâ bi, u je hia but op drany me hmeledrany ge manâm man ae gan hmâ me benyâm adre hai; ke ba ûnyi ae hmak köu:

Daniela 12:2

Ke se hia tavat adre me mokut eû hnyi kânâ adre me he ka hmak hmetu, keihen ka hnyi möt nyiele balua, ke keihen ka hnyi hmehma me ikikiâ nyiele balua.

Hosea 13:14

Oge me he ka hûgûnʼ ödra ûnyi hnyi maniny erkemok; oge me he ka omeli ödra ûnyi ge mok: Mok lö, ewa ânyâm je ûokonguny? Erkemok lö, ewa hnâm hna ûhangö? adre me he ka ikhâlâ ietra ge li emakök.

Hosea 6:2

Hwaban lo li bong e ame he ka omeli öta: ke hnyi bong a kuniny e ame he ka höi öta, mʼ ate me he ka mot hnyi hnyimakan.

Hosea 6:6

Anyin ae wek ibetengiö, ke ca but bi; ke beonuâ he ka wâhmakhmetoâ Khong hon je hudiny leû.

Hosea 8:12

Oge ne sihnalimen kâu anyik hnanyibu me je ûnyi hnân nâ a ten thauzan, me adre me ûnykûme e me ûnyi a ca ûnyi hnathu.

Mataio 22:29

Haba Iesu ame thu me ha ködrin, ka habe, Öbun e ûnykûme hwalö but, ke ca khanʼ öbun hna sihnalimen, me man maniny Khong.

Mareko 10:27

Iesu ame ō ʼdrin me e ame ha, ka habe, E pason hnen at, ke e khana bi, Khong: anyin ae khana Khong he ka ânyâ ta je ûnyi hia thithö.

Mareko 12:23

Ame he ka öiö ia gadrin hnyi möt hmetu? anyin a hom hia hnen hnyat a seven me öiödrin.

Mareko 12:25

Anyin a ödra ka he ka möt hmetu thö, me adre me ca he ka hu öiödra, me ûham ta momo; ke adre me he ka helâ me ta je angela hnyi drany.

Luka 1:37

Anyin ae ba hofuc ûnyi ge Khong ame he ka ba maniny.

Ioane 20:9

Anyin a ödrin e tiga ca wâ ûnykûme bala hna sihnalimen, ka habe, E ûcû kâu he ka möt hmetu ûheny hnyi hna mok.

Ioane 5:39

Öbun a elâm hnyi je hna sihnalimen, anyin a öbun e ûnykûme ae hu but gabun möt eling ame ca ba balua; ke wale bi e at ame ohnathu nya;

Ta je huliwa 17:11

Ke beönua hwakecin ae so ge tavat ang hon at Thesalonika, anyin adre me kap hofuc ge je hnyekudra ke wedra, kʼ adre me elâm je hna sihnalimen hnyi je bong, he ka wâ hnathuiny ta je unyi e.

Roma 15:4

Anyin a haba ta je ûnyi adre sihnalimen adrem, me adre me sihnalimen hnân nʼ öta, me me hu anyita geju hnen hokhnyok me kaukahwa ûnyi hnyi je hna sihnalimen.

Efeso 1:19

me maniny man ae ti gan hmâ hobi köta tavat adre me labageju, hoton ihuliwainy maniny man ae gan hmâ,

Filipi 3:21

at ame he ka ohâtâ hmetoâ ta je unyita ae kong, mʼ adre me ûcû me unyin ae hmanenang, hoton man at ae khana he ka hom ûhnyûkongoâ ta je ûnyi hia thithö kâu bi.