Mareko 12:17 - Iaai Bible 1901 (New Caledonia)

¹⁷ Haingö Iesu ködrin, ka habe, Ham dö kö Kaisara ta je ûnyi anyi Kaisara, ke ka Khong ta je ûnyi anyin Khong. Me ödrin e lâiâ e gan hmâ.

Mareko 12:17 ပူးပေါင်းရင်းမြစ်များ

Ta je Vejec 23:26

Nokuk lö, hö jem hnyekom könya, Ke wâ thö dek je gethen ge li emakâm.

Ta je Vejec 24:21

Nokuk lö, outö Iehova ju me than: Ca tha e me tavat adre me hwihwiö:

Malaki 1:6

Haba nokon, me ame ogânâ kamen, ke athnyaba ame ogânâ tuhan: awe, a ne kamen bi nya, me ewa hna oganö nya? ke oge ne than, me ewa eang hna outö nya? haingö Iehova tuhan sabaoth köbun tavat bihut, tavat öbun e hûkötiâ iök. Ke haingöbun, ka habe, Ohmun e hawa ka hûkötiâ iâm?

Mataio 22:21

Haingödrin kâu, ka habe, Kaisara. Me e ame ha ködrin ka habe, Awe, ham but kö Kaisara ta je ûnyi anyi Kaisara, ke ka Khong ta je ûnyi anyin Khong.

Mataio 22:22

Ke adre me long, me adre me lâiâ, me hna but e, me he but.

Mataio 22:33

Ke a long ut tavat ae se hia, me adre me lâiâ hnen hna ûne.

Mataio 22:46

Ke ba at ae khana he ka thu kâu ge ke hofuc, ke ba at ae hwege hnyekon he ka hnö hmetu e, hwân hnyi bong eling.

Mataio 8:10

A long ut Iesu, me e ame lâiâ, me ha ka tavat adre me he hoton, ka habe, E hnathu, inya oge me ha köbun, inya oge me ca wâ hnyi Isaraela labageju ae gan a helâe.

Mareko 12:16

Me ödrin e ham. Ke e ame ha ködrin, ka habe, Hnyimakö ia ang, ke hna sihnalimen hnyin? Haingödrin kâu, ka habe, Kaisara.

Mareko 12:30

ke hamâm he ka hnyok ka Than a Khongom ge hnyekom ae bekhöt, me hanom ae bekhöt, me oûnykûmâm ae bekhöt, me tang hwegiâm ae bekhöt.

Luka 20:25

Me e ame ha ködrin, ka habe, Awe, ham but kö Kaisara ta je ûnyi anyi Kaisara, ke ka Khong ta je ûnyi anyin Khong.

Roma 12:1

ANYIN a wale, hnyat me lakeiny lö, inya oge me ûjongi öbun ûnyi hnyi ibetengiö anyin Khong, möbun e he ka ham je unyibun me hnân hut ae möt, me kap, me so ka Khong, wale hanymöbun ae ûcû.

Roma 13:7

Ham dö ka tavat hia anyidra ta je ûnyi: khûö ka at adre me khûö kâu; fat ka at adre me fat kâu, ot ka at adre me ot kâu; ogânâ at adre me ogânâ.

Roma 6:13

ke haba khaca, ca he ka hna je ong outhunyibun ka hnyi hulo hnân omjehen hwakecin ae ca wisa bi; ke ka hnʼ öbun dut ka Khong, helâ me tavat adre me möt hmetu thö ûhedra hnyi hna mok, me je outhunyibun hnân omjehen hwakecin ae wisa ka Khong.

I. Peteru 2:17

Ogânâ thö tavat hia thithö. Betenge ju ge hnyat me lakeiny. Ot ju ka Khong. Ogânâ thö than tot.