Mareko 12:15 - Iaai Bible 1901 (New Caledonia)

¹⁵ Ohmun e he ka ham, ohmun e ca he ka ham, hawa? Ke e ame wâhmakhmeto anyidrin iyawö, me e ame ha ködrin, ka habe, Ieû gabun öbun e cubic nya? Hö jem denari mʼ inye wâ thö.

Mareko 12:15 ပူးပေါင်းရင်းမြစ်များ

Ezekiela 17:2

Nokon at lö, ha thö hûkehmuen, me ha ûhöûcû ka lap anyin Isaraela;

Mataio 20:2

Ke tha mou thö gan me tavat huliwa he ka kap ûsa khaca denari hnyi bong, me e ame kunʼ ödra ka hnyi anyin hna belökâ vine.

Mataio 22:18

Ke haba Iesu ame wâ hwakecidrin ae kong, me e ame ba, ka habe, Hnyat thoi, ieû gabun öbun e cubic nya?

Mareko 10:2

Ke ame o but kâu ta je Faresaio, me hnö e, ka habe, Hawa e ûcû ka at he ka degec âiân? adre me cubec e.

Mareko 12:14

Ke ödrin e o but, me haingödrin kâu, ka habe, At ûne lö, e khanʼ ohmun dut a u at ae hnathu, ke u me ca outen at: anyin a u me ca ûnykûme hnyimakan at, ke u at ame nâ hnatho gethen deny Khong; hawa, e ûcû he ka fat kö Kaisara, hawa, hna ju?

Mareko 12:16

Me ödrin e ham. Ke e ame ha ködrin, ka habe, Hnyimakö ia ang, ke hna sihnalimen hnyin? Haingödrin kâu, ka habe, Kaisara.

Luka 20:23

Ke e ame wâ but je hnyekudrin, me e ame ha ködrin, ka habe,

Ioane 21:17

E ame ibi okun ba kâu, ka habe, Simona nöku Jona, u me hnyok könya? Peteru ame hmak hnyekon anyin a e okun dut ha kâu, kahabe, U me hnyok könya? Me e ame ha kâu, ka habe, Than lö u at ame wâ ta je ûnyi hia; u je wâ but a inya oge me hnyok köu. Iesu ame ha kâu, ka habe, Hān biju halek je mamoe.

Ioane 8:6

Adre me ha e he ka cubec e, me me hu ûnyi hnân bi fuco e. Ke Iesu ame nom but me set kânâ ge banyen.

Ta je huliwa 5:9

Haba Peteru ame ha kâu, ka habe, Ieû gabu ae tha hnyekubu he ka cubec Hanon Than? wâ bi, eû hnyi hwanuma tavat adre me konâm âiâm, ke adre me he minya ka sam u.

I. Korinito 10:9

Ke ca he minya öta ka cubec Than, helâ me keihen gadra adre me cubec, me adre me mokcu ge ta je on.

Heberu 4:13

Ke ca iyong bi ke unyi adre op hnyi hnyimakan: ke ame ve he thu me manen wia but ta je ûnyi hia thithö ka hnyi li emakan at, wale ate me he ka ve omanenâ kâu hwakecita.

Hna Omanenâ 2:23

Ke oge me he ka hlingâ lakon ge mok; ke ame he ta je ekalesia ka khanʼ ödra, ka habe, inya ang at ame elâm ta je ûnykûme me ta je hnyok: ke oge me he ka ve ham köbun hoton anyibun ta je huliwa.