Mareko 12:14 - Iaai Bible 1901 (New Caledonia)

¹⁴ Ke ödrin e o but, me haingödrin kâu, ka habe, At ûne lö, e khanʼ ohmun dut a u at ae hnathu, ke u me ca outen at: anyin a u me ca ûnykûme hnyimakan at, ke u at ame nâ hnatho gethen deny Khong; hawa, e ûcû he ka fat kö Kaisara, hawa, hna ju?

Mareko 12:14 ပူးပေါင်းရင်းမြစ်များ

II. Man Ûlabainy Je Than. 18:13

Me haingö Mikaia, ka habe, Kia inya Iehova, ke haba hofuc ame he Khonguk ka ha, me oge me he bi nya ka ha.

II. Man Ûlabainy Je Than. 19:7

Anyin a wale outö Iehova ju öbun: wâ eaû ke ânyâ thö: anyin ae ba monu unyi Iehova Khongutin, ke e ame ca wâhmakhmetoâ at, kʼ ame ca kap hwaban.

Nehemia 9:37

Ke ame hwenying gan hmâ hobi kâu je than waleji u je otilâ huhmun can anyihmun je hulo: ke ödrin e muso je unyihmun, me halehmun omeno, hoton wedrin, ke gan hmâ vec kohmun.

Salamo 120:2

Iehova lö, omelo thö hanuk ûnyi ge li esongot ae thoi, Me ûnyi hnyi bohmen ae thoi.

Salamo 55:21

E haûhaû hnyimen helâ me bata, Ke vat bi hnyekon: E menyik hwan je hofuc hon wakaco, Ke je hele vat bi ling adre oc.

Jeremia 42:20

Anyin öbun e hia but iyâwʼ öbun bi; anyin a öbun e kunö nya kö Iehova Khongubun me ha, ka habe, Hic dö hobi kohmun kö Iehova Khonguta; ke ohmun e be ka ânyâ hia hoton hofuc ame he Iehova Khonguta ka ha köu:

Mika 3:8

Ke hnathu a iny unöngötö ge man ûnyi ge hanu Iehova, ke ûnyi ge hna owisa, ke tang hwege he ka omanenâ kö Jekob hnen hna hanyâûâ, me kö Isaraela anyin hulo bi.

Mataio 22:16

Me adre me kunâ kâu latödrin, ke je Herodiane minya, me ha, ka habe, At ûne lö, e khanʼ ohmun dut a u at ae hnathu, a at ame ûnö hnatho gethen deny Khong, ke u me ca outen at, anyin a u me ca ûnykûme bi hnyimakan at.

Mataio 22:17

Anyin a wale, ha thö kohmun, Ieû ûnykûmenâm? e ûcû be ka fat kö Kaisara, hawa, degec u?

Mareko 12:13

Ke adre me kunâ kâu keihen at Faresaio, me hnyat Herodiane he ka töuhneweny e ge ta je ifucin.

Mareko 12:15

Ohmun e he ka ham, ohmun e ca he ka ham, hawa? Ke e ame wâhmakhmeto anyidrin iyawö, me e ame ha ködrin, ka habe, Ieû gabun öbun e cubic nya? Hö jem denari mʼ inye wâ thö.

Mareko 14:45

Ke e ame o but, me e ame ie he kâu, me ha, ka habe, Rabi; kʼ ame ûcimhnyimak mē.

Luka 20:22

E ûcû kohmun he ka fat kö Kaisara, hawa, degec ut?

Luka 23:2

Ke adre me hwân he ka bi fuco e, ka habe, Ohmun e wâ but at ang ame omono ita hnyei, kʼ ame thawâ he ka fat kö Kaisara, kʼ ame ha, a e thibi Keriso a ke than bi.

Ioane 7:18

Haba at ame ha hofuc ka ûnyi gan bi e ame elâm be ka ogânâ e bi: ke haba at ame elâm he ka ogânâ at a kunâ e, e hnathu e, ke ba hwakecin ae ca wisa gan.

Roma 13:6

Anyin a wale öbun e bi fat minya; anyin a ödrin lathnyabainy Khong, kʼ ödrin e tuö bala hanymen eling.

II. Korinito 2:17

Anyin a öhmun ca tha ûcû me tavat ae se hia adre omono hofuc hwan Khong: ke so bi hoton hnathu, me ûnyi ge Khong, me hnyi hnyimakan Khong, öhmun e fuc anyin Keriso.

II. Korinito 2:2

Anyin a oge ne he bi ka ohmakâ je hnyekubun, me ewa at ame he ka osenyini nya, ke so bi at thibi oge me ohmakâ?

II. Korinito 4:1

E HU but gahmun huliwa eang, ke adre me betenge gahmun, me waleling öhmun e ca sënyin:

II. Korinito 5:11

Anyin ae khanʼ öhmun ûnyi hnân ootâ unyin Than, wale me öhmun e ûjeogö tavat, ke öhmun e manen dut ka Khong; ke ogeʼ me ûnykûme a öhmun manen dut minya hnyi je ûnykûmenöbun.

II. Korinito 5:16

Wale me öhmun e hwân walang ang a öhmun e ca he ka wâhmakhmeto ke at hoton unyin: eja ke ne öhmun e hia but wâhmakhmeto Keriso hoton unyin, ke so bi walang ang öhmun e ca he ka wâhmakhmeto hmetu bi e helâe.

Galatia 1:10

Anyin a walang ang, hawa, oge me huliwan at, hawa, Khong ke hawa, inya oge me elâm he ka osenyinâ at? anyin oge ne labö osenyinâ at, mʼ iny ca athnyabai Keriso bi.

Galatia 2:6

Ke haba hnyat eji ae lung (me ca khanö nya ödrin, ke ca ûnyi hnathu e könya: haba Khong ame ca wâhmakhmetoâ bi at) —haba hnyat eji ae lung, me ödrin e ca bi hanen bi könya:

Deuteronomi 16:19

U me ca he ka ohwalö hna owisa; ke u me ca he ka wâhmakhmetoâ at bi: ke u me ca he ka kap bwihlany; anyin a haba bwihlany, me wale at ame omûko tavat ae metâ, me ohavâ hofuc hwan tavat ae wisa.

I. Thesalonika 2:4

ke so bi öhmun e fuc helâ me hnen Khong hna ûcʼ öhmun me hna but kohmun ûthumetu ae so; ca hnân bi osenyinâ at, ke so bi Khong at ame cnbec je hnyekuhmun.