Mareko 12:1 - Iaai Bible 1901 (New Caledonia)

¹ KE e ame hwân he ka fuc kodra a deny ta je ûhöûcû. Haba ke at ame ta hnyei vine, me the haginy igigilo, me hiny thop hnân hlec vine, me otilâ tap tue, me hna but ka tavat belök, me he but ka hnyi ke hnyei.

Mareko 12:1 ပူးပေါင်းရင်းမြစ်များ

Isaia 7:23

Ke haba hnyi bong eling, hnyi ta je hnyei hia ae hu vine hnyin a wan thauzan, a hwaban je ong sileva a wan thauzan, me wale ame he bi ka hnen ta je iwadekong me watetaföcö.

Jeremia 2:21

Ke haba u, me oge me tä helâ me vine ame khulelau, hatong ae so: ieû gam u me hwio gak, ke u vine but ae monu me atkanyua?

Ezekiela 20:49

Waleling mʼoge me ha, ka habe, Ekölö Than Iehova, ödra adre me ha gak, ka habe, Hawa, e ca at ame ha je ûhoûcû?

Mataio 13:3

Me e ame ha kodra ta je hofuc ae se hia a deny je ûhöûcû, haingen, ka habe, Wâ bi, ame he but at belök he ka jijingâ wan;

Mataio 21:28

Ke ieû ûnykûmenöbun? Wale ke at a lo lakon; me e ame o ka atö me ha, ka habe, Nokuk, he thö ka huliwa hnyi bong ang hnyi ik hnyei vine.

Mataio 21:33

Long ju ke ûhöûcû; Wale at tuhan uma ame belökö vine, me bi haginy igigilo, me hin thop hnân hlic vine, me otilâ tap ae beû goranyai, me hna ka tavat belök, me e ame he but ka hnyi ke hnyei bi.

Mataio 21:34

Ke hnyi ûen ame hakekeny ka metu je wan, me e ame kunâ lathnyabainy ka tavat belök, he ka hom je wan.

Mataio 25:14

Anyin a haba ûnyi e, me helâke ame he ke at ka hnyi ke hnyei, me e ame hawâ lathnyabainy me hna but ködrin anyin ta je ûnyi.

Mareko 11:33

Me adre me thu kö Iesu, ka habe, E ca khanʼ ohmun. Me haba Iesu ame ha kodra, ka habe, Oge me ca he minya inya ka ha köbun musi oge me ânyâ hnyin ta je ûnyi e.

Mareko 13:34

Ame helâ mê ke at ame he but, me mē laba hnyi ke hnyei, me hna but umen uma, me ham musi ka lathnyabainy, ame ve khene anyidrin huliwa, me hûna ka at ame tuö hwanuma he ka hmâkâ.

Mareko 3:23

Ke e ame hawʼ ödrin kâu, me ha kodra hnyi ta je ûhöûcû, ka habe, Ama kâmâu Satana ka obâ Satana!

Mareko 4:2

Ke se hia ta je hofuc e ame nʼ ödra a deny ta je ûhöûcû, me ha kodra hnyi hnen hna ûne, ka habe,

Luka 15:13

Ke tiga ca se hia bong hwaban e, haba wakeiat ame ûkhacaköuâ anyin ta je ûnyi hia, me he ka hnyi ke hnyei ae sâkâû; me e ame dedegec eling tang omjehen ge hwakecin ae khâlâdren.

Luka 19:12

Anyin a wale, e ame ha, ka habe, Ame he but ke than ka hnyi dok ae sâkâû, he ka kap dokhu hobi kâu, ke ame he ka hmetu.

Luka 22:9

Ke ödru me ha kâu, ka habe, Ewa dok ae wem ohmu me he ka penapena hnyin?

Luka 8:10

Me e ame ha, ka habe, Adre me ham köbun he ka wâhmakhmeto ta je ûnyi ae iyong hnyi dokhu dokhon Khong: ke adre me bi hnân ûhöûcû ka keihen; mʼ adre me he ka bwele, me ca wâ bi, me he ka long me ca wâ ûnykûme bi.

Ta je huliwa 7:38

Waleji at ae hnyi ûkhacakâu hnyi hnyebuba tha e me angela at ame fuc kâu hnyi bucen Sinai, me tha e me lakamöta: at ame kap hofucin möt he ka ham köta: