Mareko 11:23 - Iaai Bible 1901 (New Caledonia)

²³ E hnathu inya oge me ha köbun, ka habe, haba at ame he ka ha ka bucen ang, ka habe, Kec dö, me u me he ka ta but eû hnyi köiö; kʼ ama ca hlohlo bi hnyi hnyekon, kʼ ama labageju a ame he ka hwâdâ hnen hna ha; awe, e ame he ka hu e.

Mareko 11:23 ပူးပေါင်းရင်းမြစ်များ

Salamo 37:4

Senyin dö minya kö Iehova; Me e ame he ka ham köu je hna sumâtâ hnen hnyekom.

Mataio 14:13

Ke a long ut Iesu, me e ame he ûheny e hon hu, ka hnyi ong hnyebuba a hake e: ke a long ut tavat ae se hia, me adre me he hoton hon kânâ ûnyi hnyi ta je taun.

Mataio 17:20

Me e ame ha ködrin, ka habe, Anyin ae ûhnyûkong anyibun labageju: anyin e hnathu inya oge me ha köbun, ka habe, a ne hu gabun labageju helâ me wan sinapi, me öbun e he ka ha ka bucen ang, ka habe, Kec dö kâe; me ame he ka kec; ke ba ke ûnyi ame he ka pason köbun.

Mataio 21:21

Haba Iesu ame thu me ha ködrin, ka habe, E hnathu inya oge me ha köbun, öbun e ne hu labageju, me ca lolo bi hnyok, öbun e ca he ka hake ânyâ thibi hna ânyâ ka imeta, ke öbun e ne he ka ha ka bucen ang, ka habe, Bethe ok ut me ta but eû hnyi köiö, me ame he ka hwâdâ.

Luka 17:6

Haba Than ame ha, ka habe, A ne hu gabun labageju helâ me wan sinapi, öbun e he ka ha ka ûö sukamine eang, ka habe, Ok dö me iwân, me konim u but eû hnyi köiö; me ame he ka ling öbun.

Ioane 14:13

Ke haba ta je ûnyi hia thithö öbun e he ka sumâtâ hnyi iök, me oge me he ka ânyâ me me he ka ogânâ Kamen hnen Nokon.

Ioane 15:7

Öbun e ne laba eû hnyi hnyik, ke hok ta je hofuc ame laba minya hnyi je hnyekubun, öbun e he ka sumâtâ ûnyi öbun e weny, me adre me he ka ânyâ hobi köbun.

I. Korinito 13:2

Ke oge ne at perofeta; ke khanö nya ta je ûnyi ae iyong, me je metâ hia; ke a ne hu gak labageju hia, me me khanö nya he ka oc ta je bucen, ke ba gak ibetengiö, awe, iny ca ûnyi hnathu bi.