Mareko 10:34 - Iaai Bible 1901 (New Caledonia)

³⁴ ke adre me he ka hluma e, me hangöjâ, me osoâ, me hlingâ; ke hwaban kun ta bong e ame he ka möt hmetu.

Mareko 10:34 ပူးပေါင်းရင်းမြစ်များ

Jobu 30:10

Ödrin e ikiki nya, me ûsâkâûö mönya, Ödrin e ca ot he ka hangöjâ hnyimakök.

Salamo 16:10

Anyin a u me ca he ka hna but hanuk ka hnyi hedis; Ke u me ca he ka hna degecâ atâm ae kap he ka wâ hna bobot.

Salamo 22:13

Adre me memang könya, Helâ me liona ame beoloû usukia kʼ ame kuku.

Isaia 50:6

Oge me hna juk ka tavat ûkûc, me li wahicok ka tavat adre me hnimö je leûnen: oge me ca ikhâlâ hnyimakök ge hmehma me ûhangöji.

Isaia 53:3

E hûkötiânen tavat, kʼ adre me hna degecâ e; e at ae vec, ke at ae khana hlöuhlöu: ke adre me hûkotiâ e helâ me at ame he tavat ka ikhâlâ je hnyimakodra gan, kʼ ate me ca oûnyihnathoâ e.

Hosea 6:2

Hwaban lo li bong e ame he ka omeli öta: ke hnyi bong a kuniny e ame he ka höi öta, mʼ ate me he ka mot hnyi hnyimakan.

Mataio 16:21

Hwân ûen e, Iesu ame hwân ka omanenâ ka laten a e ame he ka he Jerusalema ai, me vheno ta je vec ae se hia ûnyi ge wahingat, me ta je taben tavat bihut, me hnyat sihnalimen, kʼ adre me he ka hlingâ, kʼ ame he ka möt hmetu hnyi bong a kuniny.

Mataio 26:67

Me adre me hangöjâ hnyimakan me khaû e: ke haba keihen adre me kolop e,

Mataio 27:63

me ha, ka habe, Taböny than lö, ohmun e ûnykûme a gʼ ame ha hnen at iyawö eling, kē tiga möt, ka habe, Hwaban kun ta bong oge me he ka möt hmetu.

Mareko 14:63

Haba taben tavat bihut ae nua ame kia anyin je ûkhaû me ha, ka habe, Hnân eû hmetu ka ke at he ka ohnatho?

Mareko 14:65

Ke haba keihen adre me hwân he ka hangöjâ e, me lan hnyimakan, me khaû e, me ha kâu, ka habe, Perofeta thö: ke haba ta je athnyaba adre me hom e me khaû.

Mareko 9:31

Anyin a e ame nâ laten, me ha ködrin, ka habe, Adre me he ka hna Nokon at ka hnyi je hnyamen tavat, kʼ adre me he ka hlingâ e; ke hwaban hna hlingâ e, me e ame he ka möt hmetu hnyi bong a kuniny.

Luka 23:11

Ke haba Heroda me anyin je soja adre me hmiödra e, me hluma e, me okhavâ e ge ûkhaû ae hmanenang, me kunâ hmetu e kö Pilato.

Ioane 1:17

Anyin adre ham hnanyibu a deny Mose; ke ibetengiö bâu me hnathu a deny Iesu Keriso.

Ioane 2:10

me ha kâu, ka habe, Hwakecin tavat he ka khenâ bânâ waina ae so; ke e ka hia but ijem gânâ, adre hom waina ae kong: ke haba u, u je tuö waina ae so ke ne o but ang.

I. Korinito 15:4

ke adre me konâm e, kʼ adre me omelö hmetu thö hnyi bong a kuniny, helâ me je hna sihnalimen;