Mareko 10:24 - Iaai Bible 1901 (New Caledonia)

²⁴ Me ame lâiâ laten ge hwan hofuc. Ke haba Iesu ame thu hmetu, me ha ködrin, ka habe, Lakuk lö, huliwa ae gan hmâ he ka didro ka hnyi dokhu dokhon Khong hnen tavat adre me labageju ka hnyi omjeû!

Mareko 10:24 ပူးပေါင်းရင်းမြစ်များ

Salamo 17:14

Iehova lö, omeli nya thö ûnyi ge tavat hnen hnyamâm, Ûnyi ge aten hmeledrany, tavat tren jekhoû hnyi möt ang, U je öunöngötâ je tang tidra ge tang omjehem: Adre sekudra but je lakudrin, Ke adre me hna kolon ge anyidrin ta je ûnyi ka lakudrin je mendring.

Salamo 52:7

Wâ ju at ame ca oûnyihnatho bi Khong me me hnabâ bi kâu; Kʼ ame gejoâ ûganiny tang omjehen, Me ohwegiâ e bi hnyi anyin hulo.

Salamo 62:10

Ca geju bi ka hwakecin sedâ, Ke ca hobelöu bi ka hnyi hwakecin venöu: E ka osehia tot omejeû, ca hnyok kâu.

Ta je Vejec 11:28

Haba at ame labageju ka tang omjeû me ame he ka ta: Ke ame he tavat ae wisa ka hlau helâ me lan ûö ae hât.

Ta je Vejec 18:11

Haba tang omjehen at ae tren ta ûnyi, me wale anyin taun ae hwege, Ke helâ me hak veto ae beû goranyai hnyi ûnykûmenen bi.

Ta je Vejec 23:5

Hawa, u me he ka wâ hmâ ûnyi ae ba önyen? Anyin a haba je omjeû, me ame labö bi labenyin, Helâ me aeto at ame gâ dranyai.

Jeremia 9:23

Walang hna ha hnö Iehova, ka habe, E so e me ca he at ae metâ ka hobâ anyin metâ, ke ca he at ae hwege ka hobâ ihwegien, ke ca he at tren omjeû ka hobâ tang omjehen:

Habakuka 2:9

Ekölö ge at ame hûgûnâ troban ae hwali hobi kâu anyin lap, me me ip ethö görany hâûen, me me möt ûnyi ge hnyamen ûkongon!

Zefania 1:18

E ca khana bi anyidra sileva me gol he ka omeli ödra hnyi bonginy hmonyin anyi Iehova; ke adre me he ka thong degecâ hnyei hia ge meicin anyin ciâ: anyin a e ame he ka bi obiny, eke, obiny ae mweimwei ka tavat hia adre me laba hnyi hnyei.

Mataio 19:25

A long ut laten me ödrin e lâiâ gan hmâ me ha, ka habe, Ia la ae khana he ka möt?

Mareko 1:27

Ke ödra hia adre me lâiâ, me ûhne-namököuâ, ka habe, Ieû ong? hna ûne ae teb ûnyi! anyin a e ame muso ta je hanu ae kong hnen man, me ödrin e long kâu.

Mareko 10:23

Haba Iesu ame hngehngele, me e ame ha ka laten, ka habe, Huliwa but tavat tren omjeû he ka didro ka hnyi dokhu dokhon Khong!

Luka 16:14

A long ut ta je ûnyi e ta je Faresaio, vat ae behnyekudra omjeû; me adre me hiâ e.

Ioane 13:33

Lakuk lö, e ca beû biju ûök unyibun. Öbun e he ka elöm nya: ke haba hnok hna ha ka at Juda, me oge me ha minya walang ang köbun, ka habe, E ca khanʼ öbun he ka he ka hnyi dok oge me he ka hnyin.

Ioane 21:5

Iesu ame ha ködrin, ka habe, Lakuk lö, e hu hanibun? Me ödrin e thu kâu, ka habe, E ba.

Ioane 6:60

A long ut hnen ke je laten ae se hia, me adre me ha ka habe, E hmak hofuc e; ke ia ae khana he ka long?

Galatia 4:19

Je lakuk lö, inya hmetu oge me vec hnyekon helâ me at erkini öbun, ke ne o but a e but Keriso eû hnyibun,

I. Timoteo 6:17

Hûna thö ka tavat tren omjeû eang hmeledrany ka habe, Ca he ödra bi ka bi gan, me ca he ka gejon ta je omjeû wale ame ca tethmâ, ke so bi ka Khong ae möt at ame ham köta hia ta je ûnyi hnân osenyini öta;

I. Ioane 2:1

JE lakuk lö, inya oge me set köbun ta je ûnyi e, mʼ öbun e ca he ka ânyâ hulo. Ke a ne ânyâ hulo ke at, me hu but gata Ûhadruo unyin Kamen a Iesu Keriso at ae wisa:

I. Ioane 4:4

Je wanakat lö, ûnyi ge Khong öbun, ke öbun hwege hudrin: anyin ae beönua at eû hnyi je hnyekubun, hon at eû hnyi hmeledrany.

I. Ioane 5:21

Je wanakat lö tuʼ öbun ju ge ta je hnatheat.

Hna Omanenâ 3:17

Haingâm, Iny tren ta ûnyi, ke hu omjehek ut, ke ba ke ûnyi ae hia gak; ke ca khanö u bi nakaem, me kong, me theduoc, me wadröu, me he thu: