Mareko 10:22 - Iaai Bible 1901 (New Caledonia)

²² Ke e ame hmak ut ge hofuc eling, me he but me hlöuhlöu: anyin ae tren omjeû ae gan hmâ.

Mareko 10:22 ပူးပေါင်းရင်းမြစ်များ

Ezekiela 33:31

Ke adre me he köu helâ me hwakecin tavat, kʼ adre me laba hnyi hnyimâkâm helâ me lakeik, kʼ adre me long hwâm hofuc, ke so bi adre me ca mâdrâ: anyin adre me ha betenge ge ta je hnyimödra, kʼ adre me vheno hnödra hna behnyekon ge je hnyekudra.

Mataio 13:22

Ke haba at adre tā hnyi wanben ta je ûö ae ûdedö, wale at ame long hofuc, ke ame kû takoû hofuc hnen je vheliny hmeledrany, me je iyawö ge omjeû, me e ame ca wa but.

Mataio 19:22

Ke a long ut hidröu hofuc eling, me e ame he but me hmak ut hnyekon: anyin a e at ae tren omjeû ae gan hmâ.

Mataio 27:3

Ke a wâhmakhmeto but Juda at ame alecuâ e, a ga mou thö gan, me e ame ietra, me hom hmetu je mone a thote ka je taben tavat bihut me wahingat,

Mareko 10:21

Ke haba Iesu ame wâ hmâ e, me betenge gan, me ha kâu, ka habe, Khaca thiju ûnyi ae hia gam: he thö ka ûco ânyâm ta je ûnyi, me ham ka ta je theduoc, me ame he ka hu köu tang omjeû hnyi drany: ke aiö u bi, he hotuk.

Mareko 10:23

Haba Iesu ame hngehngele, me e ame ha ka laten, ka habe, Huliwa but tavat tren omjeû he ka didro ka hnyi dokhu dokhon Khong!

Mareko 6:20

anyin a Heroda ame outö Ioane, ame wâhmakhmeto e, a e at ae wisa me kap, me e ame tuö e. Ke hnyi ûen e ame long ifucin, me e ame hlohlo gan hmâ; ke e ame long senyinâ hwan hofuc.

Mareko 6:26

Me ame hmak ut hnyekon than, ke ûnyi bi ge hna khemanyin, me ge tavat adre me tha laba mē, e ame ca behânâ kâu.

Luka 12:15

Me haingen ködra, ka habe, Wâ eaû, tuʼ öbun ju, wâ Öbun nye behnyekon: anyin ame ca möt at ge ûganiny ta je ûnyi ame hu kâu.

Luka 18:23

E ame long je hofuc e, me ame hmak ut hnyekon, anyin a e tren omjeû ae gan hmâ.

II. Korinito 7:10

Anyin a haba hmak hnyok ae ûcû ka Khong, me wale at ame okûâ ietra ke ne o but ka hnyi möt, haba ietra eling, me ca hnân ietra hmetu: ke haba hmak hnyok ûnyi eang hmeledrany ame okûâ mok.

Efeso 5:5

Anyin ae ti khanʼ öbun ang, a haba at ame bi ûnyi monu, ke ikiki hwakecin, ke behnyekon, a at khudrung ka je hnatheat, me ame ca he ka hu hwajekhon hnyi dokhu dokhon Keriso me Khong.

II. Timoteo 4:10

anyin a hia but Dema hna degeci nya, kʼ ame hnyokâ hmeledrany, ke ame he but Thesalonika ai; ke Kerese ame he but Galatia ai, kʼ ame he but Tito Dalamatia ai.