Mareko 10:21 - Iaai Bible 1901 (New Caledonia)

²¹ Ke haba Iesu ame wâ hmâ e, me betenge gan, me ha kâu, ka habe, Khaca thiju ûnyi ae hia gam: he thö ka ûco ânyâm ta je ûnyi, me ham ka ta je theduoc, me ame he ka hu köu tang omjeû hnyi drany: ke aiö u bi, he hotuk.

Mareko 10:21 ပူးပေါင်းရင်းမြစ်များ

Genese 34:19

Ke ca bec bi hidröu he ka ânyâ ûnyi e, anyin a e ame sënyin ge nöku Jekob; kʼ adre oganâ e hon lap hia anyin kamen.

Ta je Vejec 23:23

Ûco thö hnathu, ke ca ûco degecâ hmetu bi; Eke, metâ, me ûne, me wâ ûnykûme.

Mataio 16:24

Me Iesu ame ha ka laten, ka habe, A ne ke at ame weny he ka he hotuk, e so e ame hokhnyok, me hom anyin satauro me he hotuk.

Mataio 19:21

Haba Iesu ame ha kâu, ka habe, A ne wem he ka bekhöt, he thö, ûco thö ânyâm ta je ûnyi, me ham ka tavat ae theduoc, ke u me he ka hu tang omjeû hnyi drany: ke aiö u bi, he hotuk.

Mareko 10:22

Ke e ame hmak ut ge hofuc eling, me he but me hlöuhlöu: anyin ae tren omjeû ae gan hmâ.

Mareko 8:34

Ke e ame hawâ tavat ae se hia me laten minya, me ha kodra, ka habe, A ne hu ke at ame weny he ka he hotuk, e so e he ka hamen hokhnyok, me hom anyin satauro me he hotuk.

Luka 10:42

khaca thibi ûnyi ae ûnyi hnathu: ke haba Maria ame hia but ûca ke keihen ae so, wale a gʼ adre me ca he ka hom hmetu gan.

Luka 12:33

Ûco thö anyibun ta je ûnyi me ham hnân ibetengiö; ânyâ ju je tang mone ae nâk hobi köbun, wale tang omjeû hnyi drany ame ca ba balua bi, ame ca hakekenyâ at ae venöu, kʼ ame ca okongoâ minya bi hnen nokon walelaba.

Luka 16:9

Ke inya oge me ha köbun, ka habe, Bi hanöbun unyin mamona ae ca wisa; me me ka o obiny, me adre me he ka kop öbun ka hnyi umödra ta je uma a nyiele balua.

Luka 18:22

Ke a long ut Iesu ûnyi e, me e ame ha kâu, ka habe, Khaca biju ûnyi ae hia gam: ûco thö ânyâm ta je ûnyi hia, me khenâ ka ta je theduoc, ke u me he ka hu tang omjeû hnyi drany: ke aiö u bi, me he hotuk.

Luka 19:41

E hakekeny jut, kʼ ame wâ taun, me e ame tenge gan,

Luka 9:23

Ke e ame ha kodra hia, ka habe, A ne ke at ame weny he ka he hotuk, e so e ame ka hing hokhnyok, me hom anyin satauro hnyi je bong, me he hotuk.

Ioane 12:26

A ne ke at ame he ka bi atök, e so e ame he hotuk; ke haba dok o ge me he ka laba hnyin, me ame he minya atök ka laba eling: a ne he ke at ka bi atök ame he Cica ka ogânâ e.

Ioane 16:33

Oge hia but ha köbun ta je hofuc e me me hu gabun hnahic ûnyi gak. Haba hnyi hmeledrany, adre me he ka oveci öbun: ke hwege thʼ öbun anyin o ge hia but hom dökhu hon hmeledrany.

Ta je huliwa 2:45

ke adre me ve ûco idra ta hnyei, ke ta je omjehedra, me ve khenâ oûco ka tavat hia ae theduoc.

II. Korinito 12:15

Ke oge me he ka sēnyin he ka ohia omjehek, me ohiö nya minya hobi kâu je hanubun. Ke oge ne hnyok gânâ köbun, hawa, ame he ka ûhnyûkong hnobun hna hnyok könya?

II. Timoteo 3:12

Eke, ke adre me he ka oveci ödra hia tavat adre me weny he ka laba me hwakecin ae ûcû me Khong unyin Keriso Iesu.

Heberu 10:34

Anyin a öbun e vec betenge ka tavat adre me ca, ke öbun e hokhnyok senyinâ hnödra hna söh anyibun ta je ûnyi, ke khanʼ öbun a gʼ ame hu gabun tang omjeû ae ûnyi hnathu, kʼ ame tethmâ bi.

Iakobo 2:10

Anyin a haba at ame he ka löng hoton je hnanyibu hia, kʼ ame hanyâûâ thibut khaca, me helâke a hanyâûâ hia but.

Hna Omanenâ 2:14

Ke e hu gak ke ta je ûnyi gam, anyin ae hu but unyâm keihen tavat adre me kât hna ûne anyi Balaama, waleji at ame nâ kö Balaka he ka ip ûnyi hnân othoâ hnyi hnyimakan Isaraela, waleji he ka an ta je ûnyi adre hudo ka ta je hnatheat, me he ka bi ûnyi monu.

Hna Omanenâ 2:20

Ke so bi e hu but gak ûnyi eang gam, a u je hna ka momo jia Jezebela, at ame ha ka habe, e perofeta momo; ke e ame ûne me cubec je atök he ka bi ûnyi monu me hnyi an je hna hudo ka ta je hnatheat.

Hna Omanenâ 2:4

Ke so bi e hu gak ûnyi ang gam, a u me hna degecâ wem a bân.