Mareko 10:18 - Iaai Bible 1901 (New Caledonia)

¹⁸ Ke haingö Iesu kâu, ka habe, Ieû gam u me ha a iny so? e ba at ae so, ke hake Khong thibi.

Mareko 10:18 ပူးပေါင်းရင်းမြစ်များ

Salamo 119:68

U thibi at ae so, me at ame ânyâ so; Nö nya thö ge ânyâm ta je hnanyibu.

Salamo 145:9

E so Iehova ka ta je ûnyi hia; Ke e hon anyin ta je huliwa hia anyin ibetengiö

Salamo 86:5

Anyin a Than lö, u thibi at ae so, me at ame thang, Me se hia ibetengiö kodra hia adre me hongot köu.

Mataio 19:17

Me e ame ha kâu, ka habe, Ieû gam u me hnö gak ûnyi ae so? Khaca thibi at ae so: ke a ne wem he ka didro ka hnyi möt vheno thö ta je hnanyibu.

Mareko 10:17

Ke e ame he eû hnyi gethen, me ame wadring ke at me cibouca kâu, me hnö e, ka habe, At ûne lö, ieû hanymök oge me he ka ânyâ me me hu thö könya möt ame ca ba balua!

Mareko 10:19

E khanö u ta je hnanyibu, ka habe, Ca he ka ûhlingö, Ca he ka bi ûnyi monu, Ca he ka venöu, Ca he ka ohnathoâ thoi, Ca iyawö, Ogânâ kâmâm me hinyâm.

Luka 18:19

Ke haba Iesu ame ha kâu, ka habe, Ieû e gam u me ha mʼ iny so? e ba ke at ae so, ke khaca thibi a Khong.

Roma 3:12

Adre me saû hia but, adre me tha monu but; E ba at ame mâdrâ so, e ba hmonyin me khaca:

Iakobo 1:17

Haba ta je bwihlany hia ae so me ta je hna ham bâûâ ae hmanenang, me ûnyi ethö ge Kamen melam, waleji ame ca ok, ke ba ong haten hwio gan.

I. Ioane 4:16

Ke ate me wâ me labagejoâ ibetengiö anyin Kong köta. Haba Khong, me ibetengiö; ke haba at ame laba hnyi ibetengiö, me ame laba hnyi hnyekon Khong, ke Khong eû hnyi hnyin.

I. Ioane 4:8

Haba at ame et hnyi betenge bi, me ca khana bi e hnen Khong; anyin a Khong ibetengiö.

I. Samuela 2:2

E ba at ae kap helâ me Iehova; Anyin ae ba at bi ke hake thibi u Ke ba kic helâ me Khonguta.