Mareko 10:17 - Iaai Bible 1901 (New Caledonia)

¹⁷ Ke e ame he eû hnyi gethen, me ame wadring ke at me cibouca kâu, me hnö e, ka habe, At ûne lö, ieû hanymök oge me he ka ânyâ me me hu thö könya möt ame ca ba balua!

Mareko 10:17 ပူးပေါင်းရင်းမြစ်များ

Daniela 6:10

Ke e khanö Daniela but a gʼ adre set ut tusi, me e ame didro ka hnyi umen uma; (ke adre khong je mamalaminy hnyeuleny cico Jerusalema;) ke e ame ibi okun cibouca hnyi je bong, me hic, me ole hnyi hnyimakan Khongon, helâ me hnen bi hna labö khenenâ.

Mataio 17:14

Ke ödrin e o but ka tavat ae se hia, ke ame o but kâu ke at ame cibouca kâu, me ha, ka habe,

Mataio 25:34

Haba Than ame he ka ha kodra hnyi ke keihen a metân, ka habe, Ai öbun, öbun hia tavat a ohnahicâ hnen Kamök, hu hwajekhöûbun ju dökhu adre penapena hobi köbun hwân hnyi hna bi taben hmeledrany:

Mataio 28:8

Me ödrin e ie he logot ûhedrin hnyi erkemok me ot me senyin ae gan hmâ, me wadring he ka thumeto laten.

Mareko 1:40

Me ame o but kâu ke lepera, ame khöu kâu me ciboucâ kâu, me ha kâu, ka habe, U je ne wem me khanö u he ka osoi nya.

Mareko 10:18

Ke haingö Iesu kâu, ka habe, Ieû gam u me ha a iny so? e ba at ae so, ke hake Khong thibi.

Mareko 12:14

Ke ödrin e o but, me haingödrin kâu, ka habe, At ûne lö, e khanʼ ohmun dut a u at ae hnathu, ke u me ca outen at: anyin a u me ca ûnykûme hnyimakan at, ke u at ame nâ hnatho gethen deny Khong; hawa, e ûcû he ka fat kö Kaisara, hawa, hna ju?

Mareko 9:25

A wâ but Iesu tavat ae se hia adre me wadring ûkhacaköu, me e ame thawâ hanu ae kong, me ha kâu, ka habe, U hanu ae hum me wejiji lö, inya oge me hûna köu he ka didrut ûhem hnyi hnyekon, ke ca delec hmetu bala bi.

Luka 10:25

Ke wâ bi ame todrö ke at ûnö hnanyibu, me cubec e, ka habe, At Ûne lö, ieû hanymök oge me he ka ânyâ e me hu the könya möt ame ca ba balua?

Ioane 3:2

ame he kâu hnyi hnyinghet me ha kâu ka habe, Rabi, e khanʼ ohmun dut a u at ûne ame o ûnyi ge Khong: anyin ae ba at ae khana he ka ânyâ ke ûöman u je ânyâ, a ne hia unyin Khong.

Ioane 5:39

Öbun a elâm hnyi je hna sihnalimen, anyin a öbun e ûnykûme ae hu but gabun möt eling ame ca ba balua; ke wale bi e at ame ohnathu nya;

Ioane 6:40

Ke walang weny Kamök, a gʼ ame he ka hu möt ame ca ba balua ka tavat hia adre me wâ Nokon, me labageju kâu; me oge me he bi nya ka otilʼ ödra hnyi bong a obiny.

Ta je huliwa 16:30

me hum ödru but hnyou ai, me ha ka habe, Li than lö, ieû hanymök oge me he ka ânyâ me inye mödrut?

Ta je huliwa 2:37

Adre me long e, me ame dâ but je hnyekudra, me adre me ha kö Peteru me ta je aposetolo, ka habe, Hnyat me lakeiny lo, ieû hanymöhmun he ka ânyâ?

Ta je huliwa 20:32

Ke walang ang inya oge me hnʼ öbun dut ka Khong, me hofucin anyin ibetengiö baû, at ae khana he ka up öbun goranyai, me ham köbun jekhoû mʼ ödra hia adre okabâ.

Ta je huliwa 9:6

todrö, be thö ka hnyi taun, ke adre me he ka ha köu hanymâm he ka ânyâ.

Roma 2:7

wale, möt ame ca ba balua ka tavat adre me tethmâ hnyi huliwa ae so, me elâm hmanenang me hna ogânâ, me hna ca bobot bi:

Roma 6:23

Anyin a haba hwaban hulö, me mok; ke haba bwihlany a ham bâûâ hnen Khong, me möt ame ca ba balua, ûnyi ga Iesu Keriso a Tuhöta.

Efeso 1:18

me obwela li emakan je hnyekubun, me me khanʼ öbun dö gejon hnyi hnen hna hawâ, me ûnyi hnathuiny hmanenanginy jekhon unyin wakap,

Tito 3:7

me me hwajekhöûta hoton gejon ka hnyi möt ame ca ba balua, anyin adre me haiwisʼ öta ûnyi ge anyin ibetengiö baû.

Heberu 1:14

Hawa, ca je hanu adre bi athnyaba ödra hia, kʼ adre kunʼ ödra he ka bi athnyaba hobi kodra adre me he ka hu möt bi?

I. Peteru 1:4

ka hnyi weûhûneny ame ca he bi ka bobot ke ba hnyikongon, kʼ ame ca aû but, wale adre me ip hnyi drany hnân hobi köbun,

I. Ioane 2:25

Ke walang hna ha bânâ waleji e ame ha bânâ köta, möt ame ca ba balua.