Mareko 10:14 - Iaai Bible 1901 (New Caledonia)

¹⁴ Iesu ame wâ, me ame vec hnyekon, ke haingen ködrin, ka habe, Hna but ta je mendreng mʼ adre me he könya; ca thawʼ ödra bi: anyin a helâ mʼ ödra dokhu dokhon Khong.

Mareko 10:14 ပူးပေါင်းရင်းမြစ်များ

Genese 17:7

Ke oge me he ka ohmâ anyik ûhihinyköu möu me ta je mâtrânâm hwabâm hnyi anyidra ta je dö hnân ûhihinyköu ae ca ba balua, me oge me he ka Khongom me ta je mâtrânâm hwabâm.

Salamo 78:4

Ate me ca he ka ikhâlâ ge ta je mâtrânidra, Kʼ adre me he ka ha gaga je hna oganö Iehova ka dö ame he ka o but, Ke tang hwegien, me ta je ûnyi hnân lâiâ gan waleji e ame ânyâ.

Isaia 65:23

Adre me ca he bi ka huliwa baû, kʼ adre me ca he ka hnokoâ hnân hobi kâu ûokonguny; anyin a ödra je mâtrâniny tavat a hahnahicâ Iehova, tha ödra me lakudra.

Numera 14:31

Ke haba lakubun je wanakat wale öbun e ha a gʼ ame he ka hûgûnâ hnen vat, me oge me he ka hum ödrin bi, ke adre me he ka wâ hnyei öbun e hûkötiâ.

Mataio 18:10

Wâ eâu öbun nye hûkötiâ ke at ae ûhnyûkong eang; anyin a inya oge me ha köbun, haba anyidrin ta je angela ethö hnyi drany adre me wâ bala hnyimakan Kamök ethö hnyi drany.

Mataio 18:4

Anyin a wale, haba at ame he ka oûhnyûkongoâ e bi helâ me wanakat ang, wale bi e at ae gan hmâ hnyi dokhon drany.

Mataio 19:14

Ke haingö Iesu, ka habe, Hna but ta je wanakat, ke ca thawʼ ödrin bi he ka he jem könya: anyin a helâ ödrin dokhon drany.

Mataio 5:10

Hnahic hnen tavat adre hia but oveci ödra can hwakecin ae wisa: anyin a hobi kodra dökhu dokhon drany.

Mataio 5:3

Hnahic hnen tavat ae theduoc hanudrin, anyin a hobi kodra dökhu dokhon drany.

Mareko 3:5

Ke e ame mē wâ igigili ödra hnyi hmonyin, ke ame vec can ae khot ta je hnyekudra, me e ame ha ka at, ka habe, Lau but hnyamâm. Ke e ame lau but: me ame so hmetu but hnyamen.

Mareko 8:33

Ke e ame hwio thö me wâ laten, me e ame thawo Peteru, me ha, ka habe, Satana lö, he thö ka hnyi hotuk: anyin a u je ca wâ ûnykûme ta je ûnyi anyin Khong, ke so thibi ta je ûnyi anyin at.

Ioane 3:3

Iesu ame thu me ha kâu, ka habe, E hnathu, e hnathu, inya oge me ha köu, Adre ne ca hnokoâ hmetu hi at, e ca khana he ka wâ dokhu dokhon Khong.

Ioane 3:5

Ke haingö Iesu, ka habe, E hnathu, e hnathu inya oge me ha köu, Adre ne ca hnokoâ bi at hnyi köiö me Hanu, e ca khana he ka didrö ka hnyi dökhu dokhon Khong.

Ta je huliwa 2:39

Anyin a haba hna ha bânâ, me hnân hobi köbun me je lakubun, me hobi kâu hnyat a ödra sâkâu, wale hnyat hia ame he Than a Khonguta ka hawâ kâu.

Ta je huliwa 3:25

Haba öbun, me öbun lakon ta je perofeta, a hanen hna ûhihinyköu anyin Khong me lakamöbun, waleji ame ha kö Aberahama, ka habe, Ame he ka hnahic ta je lap hia eang hmeledrany ûnyi ge mâtrânâm.

Roma 11:16

Anyin a ne kap wan a bân, ame he ka helâe hia: ke a ne kap iwân ame he ka helâe minya je anginy.

Roma 11:28

Je iwahnaihmiony ödra me ûthumetu ae so, can öbun: ke haba hnyi hna ûca at, me adre me betenge kodra can lakamen.

I. Korinito 14:20

Hnyat me lakeiny lö, ca hnyok wainkong bi Öbun hnyi ûnykûme: ke so bi hnyok mendreng hnyi ûokonguny, ke hnyok at hnathu but hnyi ûnykûme.

I. Korinito 7:14

Anyin adre okabâ baga ame ca labageju ûnyi ge âiân a momo, ke adre okabâ minya momo ame ca labageju ûnyi ge âiân a baga: ame ne ca helâe me kong je lakubun; ke walang ang ödrin kap but.

Efeso 4:26

Hmonyin dö, ke ca monu bi: ke so e ca he bi seûno ka dit, kʼ öbun tiga hmonyin:

Deuteronomi 4:37

Ke can anyin e ame betenge ge lakâmâm, waleling me e ame ûca je mâtrânidrin hwabödrin, me hum u ûheny Aigupito ge maniny man ae hwege, kʼ ame tot unyâm;

II. Timoteo 1:5

ke inya oge me ûnykûme minya labageju unyâm ae ba thoi hnyin; waleji a bân unyin kibâm somaca Lois, ke hinyâm a Eunike; ke oge me wâ ûnykûme a e minya bi unyâm.

II. Timoteo 3:15

ke e khanö u ta je hna sihnalimen ae kap, kʼ u tiga mendreng, wale ae khana he ka ometö u ka hnyi möt a deny labageju ka Keriso Iesu.

Josua 8:35

E ba ke ong hofuc a hûna Mose a ga ca aû bi Josua hnyi hnyimakan ûkhacaköu anyin at Isaraela hia thithö, a tha ödra me omomo, me tavat ae ûhnyûkong, me je atkanyua hnyat adre imetenyimwi mödra.

I. Peteru 2:2

beweny dʼöbun debai a cökiny hanu ae ba thoi hnyin, helâ me ta je mendring a teb o, mʼ öbun e he ka hûhûö thö gan ka hnyi möt;

Hna Omanenâ 14:5

Ke ba thoi adre me wâ hnyi je hnyimödra, anyin ae ba hnyikongudrin.

I. Samuela 1:11

Ke e ame bi khöbi me ha, ka habe, Iehova tuhan sabaoth lö, u je ne he ka wâ vec anyin athnyabaem a momo, me ûnykûme könya, me ca hnying bi athnyabaem a momo, ke u je ne he ka ham könya a athnyabaem ke da, me oge me he ka ham e kö Iehova hnyi ta je bonginy hia thithö, ke ame ca he ka o heleûgi ka hnyi hon ban.

I. Samuela 1:22

Ke a ca hnyi he bi Hana: anyin a e ame ha ka âiân, ka habe, Me hnebaiö but wanakat, me oge me he ka hom e me me manen hnyi hnyimakö Iehova, me laba balua but eling.