Mareko 1:7 - Iaai Bible 1901 (New Caledonia)

⁷ Ke e ame khetâ, me ha, ka habe, Ame he jem ke at a biliny ae man huk, e ca ûcû bi nya ka nom me thang hna hûkâlâ tangen li hnyeûcan.

Mareko 1:7 ပူးပေါင်းရင်းမြစ်များ

Mataio 3:11

Haba inya oge me bapataisoi öbun ge köiö ka hnyi ietra: ke haba at ame he jem hotuk ae beönua huk, ae ca ûcû nya bi he ka hom taben li hnyeûcan: e ame he ka bapataisoi öbun ge Hanu Kap me meic:

Mataio 3:14

Ke haba Ioane ame bethawâ e, me ha, ka habe, E so u me he bi ka bapataisoi nya, ke u me he but könya?

Mareko 1:6

Ke leûnen kamela khaûö Ioane, ke e ame ka weikâ hnyin ge wen unen meno, ke haba an jeû, me hamon me haneiny hnyot.

Mareko 1:8

Inya oge me bapataisoi Öbun ge köiö; ke e ame he ka bapataisoi öbun ge Hanu Kap.

Luka 3:16

me haba Ioane ame thu kodra hia thithö ka habe, Inya oge me bapataisoi öbun ge köiö; ke ame he ka o at ae nua maniny huk, iny ca ûcû bi he ka thang wen li tangen hnyeûcan: e ame he ka bapataisoi öbun ge Hanu Kap me meic:

Ioane 1:27

wale at ame biliny hotuk, iny ca ûcû he ka thang hna hûkâlâ taben li hnyeûcan.

Ta je huliwa 13:25

Ke ame tiga ohwâdâ hanymen hnö Ioane, me e ame ha, ka habe, leû ûnykûmenöbun gak? Ca inya bi. Ke wâ bi, ame he jem ke at hotuk, e ca ûcû bi nya he ka thang ut taben li hnyeûcan.

Ta je huliwa 19:4

Me haingö Paulo, ka habe, Ioane ame bapataiso ge hna bapataisoiny ietra, kʼ ame ha ka tavat, ka habe, hamödra he ka labageju ka at ame he ka o hwaban e, wale Iesu.

I. Samuela 25:41

Me e ame tot me nom hnyikânâi, me ha, ka habe, Walö nya ang athnyabaem he ka bi athnyaba me hneû je can lathnyabainy tuhok.