Mareko 1:24 - Iaai Bible 1901 (New Caledonia)

²⁴ Iesu at Nazereta lö, ieû gam kohmun? hawa, u je o he ka ohiʼ ohmun? inya oge me wâhmakhmeto u, a u At ae Kap anyin Khong.

Mareko 1:24 ပူးပေါင်းရင်းမြစ်များ

Salamo 16:10

Anyin a u me ca he ka hna but hanuk ka hnyi hedis; Ke u me ca he ka hna degecâ atâm ae kap he ka wâ hna bobot.

Esodo 14:12

Hawa, ohmun e ca hia but ha köu hnyi Aigupito, ka habe, Hnʼ ohmun dut mʼ ohmun o he ka bi athnyabainy at Aigupito? Anyin ae so köhmun he ka bi athnyabainy at Aigupito, ke kong köhmun he ka mokcu eang hnyi hnyebuba.

Daniela 9:24

Sevente je wik adre me thu ka hnyi em hnyei, ke ânyâm taun ae kap, mʼ adre me obekhötâ hna hanyâûâ, me bi obiny je hulo, me tube hwakecin ae monu, mʼ adre me oâ wisa a nyiele balua, me ohmâ haten hna omanenâ ke hna perofeta, me hû dok ae ti kap.

Mataio 2:23

me o thö ka hnyi taun a Nazareta ien me laba ju eling: me me hwâdâ thö hna ha ge ta je perofeta, ka habe, Adre me he ka hâiâ e, me e at Nazareta.

Mataio 8:29

Ke wâ bi ödru me kuku goranyai, me ha, ka habe, Ieû gam köhmu Iesu a Nokon Khong? u je o but ang he ka oveci ohmu, ke tiga ca ûen bi?

Mareko 1:23

E eling hnyi umödra sunago ke at ae hu hanu ae kong; ke e ame hongot, ka habe,

Mareko 1:25

Haba Iesu ame thawâ e me ha, ka habe, Ca mede bi, ke didrut ûhem hnyi hnyekon.

Mareko 10:47

Ke a long ut a Iesu but e, at Nazareta, me e ame hwân he ka hongot, ka habe, Iesu lö, a Nöku Davita, betenge ju gak.

Mareko 14:67

ke e ame ö Peteru ame hlök, me e ame wâhmâ e, me ha kâu, ka habe, U minya ji unyin at Nazareta jia Iesu.

Mareko 16:6

Ke haingen ame ha ködrin, ka habe, Ca ot bi: öbun e elöm Iesu at Nazareta waleji adre me osatauroâ: a möt hmetu thö e; e hia but ang: wâ bi dok ödrin e ip e hnyin!

Mareko 5:7

me fuc ae gan hwan, ka habe, Ieû gam könya Iesu a Nokon Khong ae beönua? Inya oge me khöû köu ûnyi hnyi ien Khong, u ma ca oveci nya.

Luka 1:35

Ke haba angela ame thu me ha kâu, ka habe, Ame he ka o köu Hanu Kap, me ame he ka tungi u hnen man maniny Beönua: anyin a wale adre me he ka hwenyi ien at adre me he ka hnokoâ, me kap; a Nokon Khong.

Luka 24:19

Ke e ame ha ködru ka habe, Ie ta je ûnyi? Haingödru ödru me ha kâu, ka habe, Ga Iesu at Nazareta wale perofeta ae man hnyi huliwa me hofuc, hnyi hnyimakan Khong me tavat hia thithö:

Luka 4:34

E, Iesu at Nazareta lö, u me hö e kohmun? u je o but he ka ohiʼ ohmun? inya oge me wâhmakhmetu u a u At ae Kap anyin Khong.

Luka 8:28

Ke e ame ö Iesu, me e ame hongot me ta ju hnyi hnyimakan me ha hwegiâ, ka habe, Ieû u me he ka ânyâ könya Iesu a Nokon Khong ae Beönua? Inya oge me khöû köu, ca oveci nya.

Luka 8:37

Ke haba tavat aten hnyei Gadara hia igigilo, adre me khöû kâu he ka hnʼ ödra but, anyin adre me ot gan hmâ: me e ame ölö thö ka hnyi hu me kec hmetu.

Ioane 6:69

Ke ohmun e hia but labageju me wâhmakhmeto a u thibi At ae Kap anyin Khong.

Ta je huliwa 2:27

Anyin a u me ca he bi ka hna but hanuk hnyin hedis, U me ca he ka hna but Atâm ae Kap he ka wâ hna bobot.

Ta je huliwa 24:5

Anyin a ohmun e wâ but at ang ame bi jönihmun, kʼ ame okûâ ûhûgûnö dokhu unyin at Juda hia eang hmeledrany, haba e me homakan at Nazareta:

Ta je huliwa 3:14

Ke öbunʼ e ivinoâ At ae Kap ke At ae Wisa, me sumâtâ he ka hna köbun at ûhlingö,

Ta je huliwa 4:27

E hnathu adre hia but ûkhacaköu hnyi taun ang Heroda me Ponetio Pilate me Aten ke je hnyei me at Isaraela, je ûcon Atâm ae kap a Iesu at u je hû,

Iakobo 2:19

U me kap, ka habe, Khaca thibi Khong; e so e: je demoni minya adre me kap me öbubuny.

I. Ioane 2:20

Ke so bi adre me hû öbun ûnyi ge At ae Kap, ke manen köbun ta je ûnyi hia thithö.

Hna Omanenâ 3:7

Ke sihnalimen ju ka angela anyin ekalesia hnyi Filadelefia, ka habe, Walang ta je ûnyi ame ha hnen at ae kap, ke hnathu, at ae hu gan ki anyi Davita, at ame khong, ke ba at ame he bi ka hlöng, kʼ ame hlöng, ke ba bi at ame he ka khong: