Mareko 1:2 - Iaai Bible 1901 (New Caledonia)

² Helâ me hna sihnalimen ga Isaia perofeta, ka habe, Wâ bi, inya oge me kunâ anyik ûthumetu hnyi hnyimâkâm, At ame he ka ânyâwia dem gethen;

Mareko 1:2 ပူးပေါင်းရင်းမြစ်များ

Salamo 40:7

Ke haingök, Wâ ju, inya ang: Adre me sihnalimen gak hnyi tusi adre vhec:

Malaki 3:1

WÂ bi, oge me kunâ anyik ûthumetu ke e ame he ka ânyâwia gethen hnyi hnyimakök: ke ame he ka ie o ka hnyi uma umen Than wale öbun e elâm; me ûthumetuiny ûhihinyköu at öbun e senyinâ, wâ bi, e ame o, haingö Iehova tuhan sabaoth.

Mataio 11:10

E at eji adre sihnalimen, ka habe, Wâ bi, inya oge me kunâ anyik ûthumetu he ka bân hnyi hnyimâkâm, Wale at ame he ka ânyâwia dem gethen hnyi hnyimâkâm.

Mataio 2:5

Haingödra kâu, ka habe, Betheleema hnyi hnyei Juda: anyin a walang hna sihnalimen hnen perofeta, ka habe,

Mataio 26:24

Ame he but ka he Nokon at helâ me hna sihnalimen gan: ke ekölö ge at a alecuâ Nokon at a deny! adre ne ca hnokoâ at eling, ame ne so bi kâu.

Mataio 26:31

Haba Iesu ame ha ködrin, ka habe, Öbun e he hia ka thö thö can inya hnyi lit ang: anyin adre hia but sihnalimen, ka habe, Oge me he ka kot at ame tuö mamoe, me ame he ka vese but ta je mamoe.

Luka 1:70

(Helâji me hnen hna ha a deny anyin je perofeta ae kap hwân hnyi can hmeledrany),

Luka 1:76

Eke, ke haba u, da, me adre me he ka haiö u me perofeta anyi Beönua: Anyin a u me he ka bân hnyi hnyimakan Than he ka ânyâwia deny ta je gethen.

Luka 18:31

E ame hom kâu hnyat a twelv me ha ködrin, ka habe, Wâ bi, otin e he ka he Jerusalema ai, ke ame he ka hwâdâ ka Nokon at ta je ûnyi hia a sihnalimen ta je perofeta.