Malaki 4:5 - Iaai Bible 1901 (New Caledonia)

⁵ Wâ bi, oge me he ka kunö Elia perofeta köbun e ka tiga ca o bi bong bongu Iehova bong ae gan ke hnân outen.

Malaki 4:5 ပူးပေါင်းရင်းမြစ်များ

Isaia 40:3

Ifucin at ame hongot, ka habe, Penapena thʼ öbun gethen de Iehova hnyi hnyebuba, okhabalavâ hna cit gethen hobi kâu Khonguta hnyi hnyei baga.

Joela 2:31

Ame he ka wia seûno me me lit, me tehi me me dra, me ame he ka o but bong bongu Iehova, bong ae gan hmâ ke hnân outen.

Zefania 1:14

E hakekeny jut bong ae gan bongi Iehova, e hakekeny jut ke logot hmonyin dut, hwan bong bongi Iehova; ame tenge gan hmâ eling at ae hwege.

Malaki 3:1

WÂ bi, oge me kunâ anyik ûthumetu ke e ame he ka ânyâwia gethen hnyi hnyimakök: ke ame he ka ie o ka hnyi uma umen Than wale öbun e elâm; me ûthumetuiny ûhihinyköu at öbun e senyinâ, wâ bi, e ame o, haingö Iehova tuhan sabaoth.

Malaki 4:1

ANYIN a wâ bi ame he ka o bong, kʼ ame kahwa helâ me inyâji; ke haba tavat bi gan hia, me tavat hia adre me ânyâ hulö me adre me he ka helâ me thatûnyin hwit: ke haba bong ame he ka o, me ame he ka thong degeci ödra, haingö Iehova tuhan sabaoth me me ba wan me anginy gadra.

Luka 1:17

Ke e ame he ka bân hnyi hnyimakan hnyi hanu me man mani Elia, he ka ohmeto hnyekon ta je kamen ka lakudra, me tavat adre hwen höcö ka hnyi metâ anyin tavat ae wisa; me me he ka ânyâwia tavat adre penapena hobi kâu Than.

Luka 9:30

Ke wâ bi, li at ödru me ûhnenamö mē, wale Mose me Elia;

Ioane 1:21

Me adre me hnö e, ka habe, Ke ieû bi? U Elia? Haingen ka habe, Ohe. U perofeta? E ame thu, ka habe, E ba.

Ioane 1:25

Ke adre me hnö e me ha kâu, ka habe, Ieû gam u me bapataiso, kʼ u ca Keriso bi, ke ca Elia bi, ke u ca perofeta minya bi eling?

Hna Omanenâ 6:17

anyin a o but bongudra bong ae gan hmâ hmonyin hnyin; ke ie at ae khana he ka tot.