Malaki 4:3 - Iaai Bible 1901 (New Caledonia)

³ Ke öbun e he ka uto tavat ae kong; anyin adre me he ka helâ me hnabadröu hmelen je hnyeûcabun hnyi bong waleji oge me thu, haingö Iehova tuhan sabaoth.

Malaki 4:3 ပူးပေါင်းရင်းမြစ်များ

Genese 3:15

ke oge me he ka oiwahnaihmiönyi u me momo, me mâtrânâm me mâtrâniny momo: e ame he ka kot bâm, ke u me he ka kot ohmâiny can.

II. Samuela 22:39

Ke oge hia but ohiʼ ödrin, me dâoi ödrin, me me ca khanʼ ödrin bi tot: Eke, ödrin e ta but hmelen li cak.

II. Samuela 22:43

Me oge me kot omomonu ödra helâ me sesâiny kânâ, Oge uti ödrin helâ me hmudrainy je gethen, me ulili ödra.

Jobu 40:12

O ʼdra ju tavat bi gan hia, me ohnyikânâ ju; Me uto ju tavat ae kong hnyi je hnödra.

Salamo 147:6

Iehova ame cö tavat ae hnyikânâ: E ame hagutâ hnyikânâi tavat ae kong.

Salamo 49:14

Adre me ip ödra a hnahat hobi kâu hedis; Kʼ ame tuʼ ödra ge mok, helâke at tuö mamoe: Ame he tavat ae wisa ka musi ödra hnyi haolany; Kʼ ame he anyidra hmanenang ka bi obiny hnyi hedis, me me ba umen bi e.

Salamo 91:13

U me he ka uto liona me asip: U me he ka uto nak liona me on ge li cam.

Isaia 25:10

Anyin ame he ka laba hmâ hnyamö Iehova hon bucen ang, ke adre me he ka ututo Moaba hnyi hnen bi, helâ me hna ututo je thatûnyin hwit hnyi köien tatet.

Isaia 26:6

Kʼ adre me he ka ututo e ge ca; a je can tavat ae theduoc, a je can tavat ae ba ta ûnyi.

Je tenge anyi Jeremi 1:15

Haba Than ame hia but hûkotiâ anyik tavat hwege hia unyik; E ame hia but hawâ ûcûk ûkhacaköu ae ûnyi hnathu he ka oamamâ je wahidröu unyik: Than ame hia but ututo hlu, wale hluiny Juda hnyi hna hlec wan vine.

Ezekiela 28:18

Hnyi ûganiny ânyâm je hulo, wale hnyi ûkongon hnâm hna ûco, u je hia but okongoâ ânyâm je dok ae kap; i anyin a wale oge hia but oâ meic hnyi wanbâm, e ame hia but ön u, ke oge hia! but wiö u me dröu but hon kânâ hnyi hnyimakodra hia adre me ō u.

Daniela 7:18

Ke ame he ka kap dokhu hnen tavat ae kap anyi Beönua, mödrin e hu bala bi dokhu, wale nyiele nyiele balua.

Daniela 7:27

Ke haba dökhu, me musi me ûganiny ta je dökhu eang hmeledrany hia, adre me he ka ham ka tavat ae kap anyi Beönua: dökhu ae hmâ dokhon dökhu, ke ame he ta je musi hia ka bi athnyaba me löng kâu.

Mika 5:8

Ke ame he ka e bi kolon ga Jekob unyin ta je hnyei, hnyi wanben tavat ae se hia, helâ me liona unyin je menoiny hnyot, helâ me nak liona hnyi wanben je hnahat mamoe: wale, ame ne he wanben, e ame he ka uto, me oloû kia, ke ba at ame he ka hûgûnâ.

Mika 7:10

Ke ame he je iwahnaihmiöny mönya ka hnyi wâ, ke ame he ka takoû e hnen hmehma; waleji at ame ha könya, ka habe, Ewa Khongom? Ame he li emakök ka wâ e; walang ang adre me he ka ututo e helâ me hmudra eû hnyi gethen.

Zakaria 10:5

Ke adre me he ka helâ me tavat hwege, tavat adre me uto je iwahnaihmiony hnyi hmudrainy gethen hnyi vat; ke adre me he ka vat, anyin a e unyidra Iehova: ke ame he tavat tabö hors ka hlohlo.

Malaki 3:17

Ke haba ödra me tang omjehek, haingö Iehova, hnyi bong oge me thu; ke oge me he ka betenge gadra helâ me at ame betenge ge nokon at ame huliwa kâu.

Roma 16:20

Ke ame ie he Khongon hnahic ka uti Satana hnyi hmelen je li cabun. E so e unyibun ibetengiö baû anyin Tuhöta Iesu Keriso.

Hna Omanenâ 11:15

Ke adre tûâ trutru anyin angela a seveniny; me ame o je hwan hofuc ae gan hnyi drany, ame ha, ka habe, Haba dokhu dokhon hmeledrany, me adre hia but wia hnân hobi kâu Tuhöta me Keriso a anyin: me e ame he bi ka musi nyiele nyiele balua.

Hna Omanenâ 14:20

Ke adre me uto ju hnyi hna hlic vine hnyi hoton taun, me ame hingölö but dra ûnyi hnyi hna hlic vine ke ne o but hnyi toiny hnyimen hors, ke haba ûlauen me khaca thauzan ke siks haded je satadia.