Malaki 4:2 - Iaai Bible 1901 (New Caledonia)

² Ke haba öbun tavat öbun e outen iök, me ame he ka o köbun seûnöiny hwakecin ae wisa, me ûnyi hnân ometo hnyi li labenyin; ke öbun e he ka he but me ututut helâ me nokon kau ûheny hnyi haginy.

Malaki 4:2 ပူးပေါင်းရင်းမြစ်များ

II. Samuela 23:4

Ke e ame he ka helâ me lany hnyi hnyomakatu, hnyi ûen ame o seûno, Hnyomakatu ae ba ûlâiny; Hnyi ûen ame kû hna önying ûnyi hnyi kânâ, Hnyi lany ae hadröngöc hwaban we.

Salamo 103:3

Wale at ame hna degecâ ânyâm ta je hulo hia; Me ometo hnâm je mok hia;

Salamo 147:3

E ame ometo tavat ae vec hnyekudra, Me lan hnödra ta je aat.

Salamo 61:5

Anyin a haba u Khong lö, u je hia but long anyik je khöbi: U je hia but ham könya jekhoû e ûcû kodra adre me outen iâm.

Salamo 67:1

E NA he ju Khong ka betenge gahmun, me ohnahici öhmun, Me oumumelamâ hnyimakan huhmun; [Sela.

Salamo 84:11

Anyin a Iehova Khong seûno me bec: Ame he Iehova ka ham betenge me hmanenang: E ame ca he ka behânâ ke ûnyi ae so ge tavat adre me vheno wisa.

Salamo 85:9

E hnathu o hakekeny ka tavat adre me outen e anyin ûhomeli; Me me he hmanenang ka labā ita hnyei.

Ta je Vejec 4:18

Ke haba gethen deny tavat ae wisa me helâ me melam ae hadröngöc, Ame melam tot ke ne o but jebigö.

Isaia 30:26

Ke ame he melaminy tehi ka helâ me melaminy seûno, kʼ ame he ka oseven melaminy seûno, helâ me melaminy je bong a seven, hnyi bong ame he Iehova ka lan aat ge lakeiny, me ometo aat a je hna dʼ ödra.

Isaia 35:6

Me ame he ka gâ tavat ae kong cadra helâ me aila, kʼ ame he bi ka khumöng bohmen at ae hum: anyin ame he ka patrutrua köiö hnyi hnyebuba, me je wagewe hnyi dok ae hnyei baga.

Isaia 49:6

eke, haingen, ka habe, E ti hâhâ a u me he ka bi athnyabaik he ka ogöranyâ je tribu anyi Jekob, ke ohâtâ hmetu hnyat adre tuö a at Isaraela: me oge me he bi minya he ka hnö u hnân melaminy ta je Ethen, ke hnân anyik ûhomeli ka hnyi can hmeledrany.

Isaia 50:10

Ia gabun ame outö Iehova, at ame löng ifucin athnyabainy? haba at ame he hnyi menekholom ke ba melam gan, e so e ame labageju ka iö Iehova, me fat ka Khongon.

Isaia 53:5

Ke so bi e ame aat dö can hnöta ta je hna hanyâûâ, kʼ adre me khaû e can hwakecita ae kong: adre me ip hon e je hna kot mʼ ate me hnahic bi, ke öta metu but can hna khûâ hnân.

Isaia 9:2

Haba tavat waleji adre me vheno menekholom, me adre me wâ melam ae gan: ke haba tavat adre me labā je hnyei a hanon mok, me ame umumelam hudra lany.

Jeremia 17:14

Iehova lö, ometu nya but, me inye metu but; omeli nya thö, me inye mot ut; anyin a u thibi hnok hna ogânâ.

Jeremia 30:17

Anyin oge me he ka oâ hmetu köu mot, ke oge me he ka ometâ hnâm je aat, haingö Iehova; anyin adre hia but hao u, ka habe, Hna degec, haingodra E bi Ziona, waleji ame ca elâm hnen ke at.

Jeremia 33:6

Wâ bi, oge me he ka hom kâe ûnyi hnân ometo me eny, ke oge me he ka ometu ödra; ke oge me he ka omanenâ gânâ kodra hnahic me hnathu.

Ezekiela 47:12

Ke haba hnyi li baten wagewe hnyi ke keihen me ke keihen me ame he ka kû ta je ûö hia hnân an wan, ae ca meleca lan ke ca ba wan: ame he ka wa wan ae teb ûnyi hnyi je tehi hia, anyin ame hingölö köiö ûnyi hnyi dok ae kap; ke hnân an je wan, ke hnân bubuny je lan.

Hosea 6:1

A I öbun, ate me he hmetu kö Iehova; anyin a e ame hia but oloû kia, me e ame he ka ometo; e ame hia but kot, kʼ ame he bi ka lan.

Hosea 6:3

Ke so ate me wâhmakhmeto, e so ate me he hoton he ka ö Iehova; e hmâ bi hnen hna he, helâ me hnyomakatu; ke e ame he ka o köta helâ me we, helâ me we a biliny ame hû kânâ.

Malaki 3:16

Me ame ûhnenamököuâ tavat adre me outö Iehova: ke Iehova ame tevehlöng me long, me adre me sihnalimen tusi hnân oûnykûmeâ hnyi hnyimakan, hobi kâu tavat adre me outö Iehova, me ûnykûme ien.

Mataio 11:5

a bwele but ta je wadröu ame he thö ta je mat, a khabalaû but ta je lepera, ame long dö ta je wejiji, a möt hmetu thö tavat adre mokcu, ke adre me khetâ ûthumetu ae so ka ta je theduoc.

Mataio 23:37

Jerusalema, Jerusalema lö, at ame hlingâ ta je perofeta, me lûâ tavat adre me kunâ kâu! iny ibi osehia wek he ka ûkha-caköuâ lakom helâ me hinyen denakhoto ame tube lakon ge li labenyin, mʼ öbun ka höcö öbûn!

Luka 1:50

E ame omanenâ anyin ibetengiö ka ke dö me ke dö, A hnyat adre me outen e.

Luka 1:78

Ûnyi hnyi ibetengiö ae menyik anyin Khonguta. Anyin a wale ame he haolany ka senʼ ota,

Luka 2:32

Wale melam hnân omelamâ Aten ta je hnyei, Ke hnân hmanenanginy lakem a Isaraela.

Ioane 1:14

Adre me bi unyin Logo bi, kʼ ame laba unyita (ke ohmun e wâ but anyin hmanenang, wale helâke me hmanenanginy Nokon a khaca a hnokoâ hnen Kamen), a unöngöt do ge ibetengiö bâu me hnathu.

Ioane 1:4

E hu möt unyin; ke haba möt, me melaminy at.

Ioane 1:8

Haba at e, me ca melam bi eling, ke so bi hnân ohnathoâ melam.

Ioane 12:40

E ame owadruâ ta je emaködra, ke e ame okhötâ je hnyekudra; Wâ adre nye wâ ge je emaködra, me ûnykûme ge je hnyekudra, Wâ adre nye hmetu, Mʼ iny omeli ödra but.

Ioane 8:12

Iesu ame ha hmetu ködra, ka habe, Inya ang melaminy hmeledrany: haba at ame he ka he hotuk, e ame ca he ka he hnyi menekholom, kʼ ame he bi ka hu melaminy möt.

Ioane 9:4

E ûcû köta he ka mâdrâ ta je huliwa anyin at a kunö nya e me tiga lany: ame he jem lit ke ca khana hmetu ke at he ka ânyâ ke huliwa.

Ta je huliwa 13:26

Hnyat me lakeiny lö, je lakon je mâtrâni Aberahama, me tavat adre me outen Khong unyibun, adre kunâ köta hofucin ûhomeli ang.

Ta je huliwa 13:47

Anyin a haba Than ame hûna kohmun, ka habe, Oge me otilö u, me hnân melaminy Aten ta je hnyei, Me u me he ka tot hnân ûhomeli ke ne o but hnyi can hmeledrany.

Ta je huliwa 26:18

me u me he ka obwela ta je emaködra mʼ adre me hwio ûnyi hnyi lit ka hnyi melam, me ûnyi hnyi musi anyi Satana ka Khong, mʼ adre me be ka hna degecâ but anyidra hulo, me tha hu jekhoû mödra adre okabâ hnen labageju könya.

II. Thesalonika. 1:3

Hamöhmun he ka ole bala ka Khong gabun, hnyat me lakeiny, anyin ae ûcû e, anyin ame ti kû hmonyin anyibun labaʼ geju, kʼ ame si but anyibun ibetengiököu hia thithö;

II. Peteru 1:19

Ke e hu but gahmun hofuc adre perofeta adre ti ohnathoâ; ke so öbun e ûnykûme wia ka hnyin, helâ me ka lamepa ame umumelam hnyi dok ae lit, ke ne o but hnyi haolany, ke ame o thö okhû lany eû hnyi je hnyekubun:

II. Peteru 3:18

Ke hûhûö thʼ öbun hnyi ibetengiö baû me wâhmakhmetoâ Tuhöta At ûhomeli, a Iesu Keriso. E unyin hmanenang walang ang me nyiele balua. Amen.

I. Ioane 2:8

Wale hmetu ang, inya oge me set köbun hnanyibu a teb ûnyi, wale ae hnathu gan me gabun; anyin ame hia tot menekholom, ke ame umumelam walang ang melam ae hnathu.

Hna Omanenâ 11:18

Ke ame hmonyin ta je hnyei ke ame o but ânyâm hmonyin, ke ûen he ka ûhnö tavat adre mokcu, me he ka ham hwaban ka lathnyabaem a ta je perofeta, me wakap, me tavat adre me okabâ iâm, tavat ae ûhnyûkong me tavat ae gan; me he ka ohnaûhangöi ödra adre me ohnaûhangoâ hmeledrany.

Hna Omanenâ 2:28

ke oge me he ka ham kâu okhû lany.

Hna Omanenâ 22:16

Inya Iesu oge hia but kunâ anyik angela he ka thumetu öbun ge ta je ûnyi e hobi kâu ta je ekalesia. Inya khûen me Nöku Davita, ke okhû lany ae hadröngöc.

Hna Omanenâ 22:2

hnyi wanben getheniny. Ke e hnyi li baten wagewe ûöiny möt, at ame wa wan a twelv je bongon, ke ame wa hnyi je tehi hia: ke haba ta je lan ûö me hnân omelö ta je hnyei.

Rutha 2:12

E so Iehova ame bi hwaban ânyâm huliwa, me e so ame he Iehova Khongu Isaraela he ka ti bi hwaban köu, wale at a u je he jem he ka laba hmelen li labenyin.