Malaki 4:1 - Iaai Bible 1901 (New Caledonia)

¹ ANYIN a wâ bi ame he ka o bong, kʼ ame kahwa helâ me inyâji; ke haba tavat bi gan hia, me tavat hia adre me ânyâ hulö me adre me he ka helâ me thatûnyin hwit: ke haba bong ame he ka o, me ame he ka thong degeci ödra, haingö Iehova tuhan sabaoth me me ba wan me anginy gadra.

Malaki 4:1 ပူးပေါင်းရင်းမြစ်များ

Jobu 18:16

Ame he ka meleca anyin je iwân eû, Kʼ adre me he ka subâ degecâ je vheiny ethö.

Salamo 119:119

U je ohia hia tavat ae monu eang hmeledrany helâ me dron fao: Anyin a wale inya oge me hnyok ka hnâm ta je hna ohnathoâ.

Salamo 37:9

Anyin adre me he ka subâ degecâ tavat adre me ânyâ hulo: Kʼ ame he ka hu hnyei ka tavat adre me halubahing Iehova.

Esodo 15:7

Ke ûnyi hnyi ûganiny ibeönuaiâm u je hagutʼ odra tavat adre me tot köu: U je kunâ ânyâm hmönyin, mʼ adre me aû but helâ me tiren.

Isaia 40:24

Eke, adre me tiga ca te ödra, kʼ adre me tiga ca konim ödra; eke e tiga ca hu wân anyidra hnyiban eû hnyi kânâ; me e ame tûʼ ödra, me adre me meleca thö, ke haba weneû ame tûâ degeci ödra helâ me thatûnyin hwit.

Isaia 41:2

Ia oâ ke at ûheny jimeio, waleji e ame hawâ ka hnyi li can hnyi hwakecin ae wisa? e ame hna je hnyei kâu, me otilâ he ka musi hon ta je than; e ame hnʼ ödra ka hnyi anyin hele vat helâ me sesâ, me ka anyin cafana helâ me je thatûnyin hwit ame tûâ ang.

Isaia 47:14

Wâ bi adre me he ka helâ me thatûnyin hwit; kʼ ame he meic ka thong degeci ödra; kʼ adre me ca he ka omeli ödra ûnyi hnyi maniny bâhlân; kʼ ame ca helâ me walep hnân hlok, ke meic adre laba hnyi hnyimakan.

Isaia 5:24

Anyin a wale, helâ me bâhlân meic ame an thatûnyi, ke helâ me önying ae meleca ame ta hnyikânâi hnyi meic, helâe ame he ka bobot anyidra iwân, kʼ ame he ka sâ göranyai anyidra je vongon helâ me sesâiny kânâ: anyin adre me hna degecâ hnanyibu anyi Iehova tuhan sabaoth, me hûkotiâ hofuc hwan Kapi Isaraela.

Isaia 9:18

Anyin a haba hwakecin ae kong ame han helâ me meic; ke ame an je iwadekong me watetaföcö: eke, e ame möt hnyi je nedronginy hnyot, ke adre me sâ khekhenyi goranyai hainy e.

Isaia 9:19

Ame le degecâ hnyei ûnyi ge wathethot anyi Iehova: ke haba tavat, me helâ me uto hnân hiâ hnyi meic; ke ba at ame betenge ge liamekeiny mē.

Ezekiela 20:38

ke oge me he ka kot degecâ tavat ûkhin fuc unyibun, me tavat ae kong hwakecidra könya; oge me he ka lili ödra ûnyi hnyi hnyei adre me me laba hnyin, ke adre me ca he bi ka dit ka hnyi hnyei Isaraela: ke öbun e he ka wâ a inya Iehova.

Ezekiela 21:32

U me he ka hnân hing utö ka hnyi meic; ame he drâm ka

Ezekiela 24:11

Hwaban e otilâ e ae ba onyen hon je walep ae möt, me me kahwa, me hlâ brasiny, me me köiö but konginy eû hnyin, me me ohia vi hnyin.

Ezekiela 34:17

Ke haba öbun hnok hnahat mamoe lö, walang hna ha hnen Than Iehova, ka habe, Wâ bi, oge me owisa ke meno me ke meno, a je mamoe baga tha ödra me je got baga.

Ezekiela 7:10

Wâ bi bong, wâ bi e ame o thö: a o thö hnâm hna saû, kʼ ame vhong uci, e hlau but bi gan.

Joela 2:1

TÛA thö trutru hnyi Ziona, me olungâ haten hnyi anyik bucen ae kap; öbu-buny ju öbun hia aten hnyei; anyin ame he jem bong bongu Iehova, ae hakekeny jut;

Joela 2:31

Ame he ka wia seûno me me lit, me tehi me me dra, me ame he ka o but bong bongu Iehova, bong ae gan hmâ ke hnân outen.

Amosa 2:9

Ke so bi, oge me ohia at Amora hnyi hnyimakodra, waleji a helâ me ûgöranyin je arasi ûgöranyidra, ke ûcû me je iwajo tang hwe-giödra; ke so bi oge me ohia wan gadra ethö, me je iwân eû.

Obadia 1:18

Ke ame he lap anyi Jekob ka meic bi, ke lap anyi Josefa ka bâhlân, ke lap anyin Esau helâ me thatûnyin hwit, me adre me he ka vhök ödrin me thong degeci ödrin: ke ame he ka ba kolon lap anyi Esau, anyin a hia but ha Iehova.

Nahuma 1:10

Eja ke ne adre ne vhet helâ me ûö ae ûdedö, me ti khubet hnyi hnödra hna ic, adre me he ka thung ödra helâ me thatûnyin hwit ae mada.

Zefania 1:14

E hakekeny jut bong ae gan bongi Iehova, e hakekeny jut ke logot hmonyin dut, hwan bong bongi Iehova; ame tenge gan hmâ eling at ae hwege.

Zefania 1:18

E ca khana bi anyidra sileva me gol he ka omeli ödra hnyi bonginy hmonyin anyi Iehova; ke adre me he ka thong degecâ hnyei hia ge meicin anyin ciâ: anyin a e ame he ka bi obiny, eke, obiny ae mweimwei ka tavat hia adre me laba hnyi hnyei.

Zakaria 14:1

WA bi, ame he ka o bong bongu Iehova, ke adre me he ka khenâ hnyi wanbâm hna söh.

Malaki 3:15

Ke walang ang ate me he ka ha me hnahic ut at ame bi gan; eke, adre me op goranyai tavat adre me ânyâ hulö; eke, adre me cubic Iehova, ke ödra ka möt bi.

Malaki 3:18

Me öbun e he ka hmetu me wâhmakhmetoâ at ae wisa me at ae kong, ke at ame bi athnyaba ka Khong ke at ame ca ânyâ.

Malaki 3:2

Ke ie at ame he ka hokhnyokâ bonginy o a e? ke ie at ame he ka tot, e ka manen dut? anyin a e ûcû me meic hlogon at ame leû fao, me helâ me sop anyin at ame hnû khaû:

Malaki 3:3

ke e ame he ka laba helâ me at le me ânyâwia sileva, ke e ame he ka obosoâ je laku Levi, me ânyâwi ʼödra helâ me gol me sileva; ke adre me he ka hudo kö Iehova je hut hnyi hwakecin ae wisa.

Malaki 4:5

Wâ bi, oge me he ka kunö Elia perofeta köbun e ka tiga ca o bi bong bongu Iehova bong ae gan ke hnân outen.

Mataio 3:12

e bi hnyi hnyamen anyin ut, ke e ame he ka ânyâwia hwit hnyi hnen hna huje hwit; ke e ame he ka ûkhöunâ anyin hwit ka hnyi omhani, ke e ame he ka thong thatûnyin hwit hnyi meic ame ca mok balua.

Luka 19:43

Anyin ame he ka o köu je bong, kʼ ame he je iwahnaihmiony möu ka okhibi kânâ igigili u, me tot igigili u, me hling u,

Luka 21:20

Ke öbun ka wâ Jerusalema adre me igigilo hnen vat, me wâhmakhmeto ju öbun ae hakekeny jut he ka ohia e.

Luka 6:23

Senyin dʼ öbun hnyi bong eling, me utsenyin: anyin a wâ bi, e gan hmâ hwa-böbun ethö hnyi drany: anyin adre me mâdrâ helâe ka ta je perofeta hnen lakamödra.

II. Thesalonika. 1:8

hnyi meic ame ubâhlâ, he ka bi hwaban ka tavat ae ca khanʼ ödra Khong, me ka tavat adre me ca long hoton ûthumetu ae so anyin Tuhöta Iesu Keriso:

II. Peteru 3:7

ke haba drany me hmeledrany walang ang, me adre hia but ip ûnyi ge hofuc eling hnân hobi kâu meic, kʼ adre me ip bi ke ne o but hnyi bong owisa me hnaûhango anyin tavat ae ca ûcû hwakecidra me Khong.