Malaki 3:8 - Iaai Bible 1901 (New Caledonia)

⁸ Hawa, ame he at ka venâu je ûnyi anyin Khong? Ke so bi öbun e hia but venâu anyik ta je ûnyi. Ke haingöbun, Ie ûnyi öhmun e venâu gam? Wale je ke keihen a libenyitainy me je hut.

Malaki 3:8 ပူးပေါင်းရင်းမြစ်များ

Salamo 29:2

Ham dö kö Iehova hmanenang ae ûcû me ien; Khudrung ju kö Iehova hnyi mec ae kap.

Ta je Vejec 11:24

E hu at ame oveseâ anyin ta ûnyi, me ame gan tot anyin ta ûnyi; Ke e hu tavat adre behânâ ûnyi ae ûcû, ke adre me he bala ka theduoc.

Isaia 43:23

U je ca hom könya halem ta je nak meno a je hudiny leû; ke u je ca oganö nya ge ânyâm ta je hut. Oge ca ohmakö u ge ta je hut, me osenyini u ge ta je ûö ae bo so.

Levitiko 19:25

Ke hnyi huna a thabûnginy öbun e he ka han je wan, me me hu troban köbun: Inya Iehova Khongubun.

Zakaria 5:3

Me haingen kônya ka habe, Wale hnaûhango at ame vheno hia hon kânâ: anyin a haba at venöu, me adre me he ka subâ degecâ hoton e hnyi ke keihen e; ke haba at ame khemanyin adre me he ka subâ degecâ hoton e hnyi ke keihen e.

Malaki 1:13

Ke haingöbun, ka habe, Wâ bi, ûnyi hnân höciâ! ke öbun e hia but hûkötiâ e, haingö Iehova tuhan sabaoth: ke öbun e hia but hom ûnyi adre me hûgûnâ, ke at ae kong can, ke hna takoû hnen mok; wale hut öbun e hom: hawa e ûcû könya he ka kap e ûnyi gabun? haingö Iehova.

Malaki 1:8

Ke hnyi ûen öbun e hudo meno ae wadröu hnân hut, e ca hulö e! ke hnyi ûen öbun e hudo ta je meno ame ci, ke at ame takoû mok, e ca hulö bi e! Ham dö e walang ang ka tuhâm: hawa, e ame he bi ka senyin köu? hawa, e ame he ka kop u? haingö Iehova tuhan sabaoth.

Mataio 22:21

Haingödrin kâu, ka habe, Kaisara. Me e ame ha ködrin ka habe, Awe, ham but kö Kaisara ta je ûnyi anyi Kaisara, ke ka Khong ta je ûnyi anyin Khong.

Mareko 12:17

Haingö Iesu ködrin, ka habe, Ham dö kö Kaisara ta je ûnyi anyi Kaisara, ke ka Khong ta je ûnyi anyin Khong. Me ödrin e lâiâ e gan hmâ.

Luka 20:25

Me e ame ha ködrin, ka habe, Awe, ham but kö Kaisara ta je ûnyi anyi Kaisara, ke ka Khong ta je ûnyi anyin Khong.

Roma 13:7

Ham dö ka tavat hia anyidra ta je ûnyi: khûö ka at adre me khûö kâu; fat ka at adre me fat kâu, ot ka at adre me ot kâu; ogânâ at adre me ogânâ.

Roma 2:22

u at ame ha, ka habe, ca bi ûnyi monu, hawa, u me bi ûnyi monu bi? u at ame hûkötiâ je hnatheat, hawa, u me venöu omjehen ta je uma kap?

Josua 7:11

E kong hwakecin at Isaraela; anyin a ödrin e hia but hanyâûâ anyik ûhihinyköu waleji oge hûna ködrin: ke ödrin e hia but hom ûnyi adre nyiboâ me venöu me iyawö minya, me ödrin e hia but ip e me je omjehedrin.