Malaki 3:7 - Iaai Bible 1901 (New Caledonia)

⁷ Hwân hnyi je bong bonginy je lakamöbun öbun e hna degecâ anyik je hnanyibu, me ca tuö e. Hmetu ju öbun könya ke oge me he ka hmetu köbun, haingö Iehova tuhan sabaoth. Ke haingöbun, ka habe, Ohmun e he ka hmetu ka hnyi ieû?

Malaki 3:7 ပူးပေါင်းရင်းမြစ်များ

Nehemia 9:26

Ke so bi ödrin e ca ûling, ke ödrin e hna degeci u, me hna hotudrin ai ânyâm hnanyibu, me hlingâ ânyâm je perofeta tavat adre me thawʼ ödrin, he ka ohmetu ödrin köu, ke ödrin e oâ hmonyin ae gan hmâ.

Isaia 65:2

Oge hia but lau li hnyamok hnyi je bong hia ka tavat adre me ca ûling, waleji adre me vheno gethen ae ca so hoton je ûnykûmenödra bi;

Jeremia 16:11

me u me he bi ka ha kodra, ka habe, Can lakamöbun ödrin e hna degeci nya, haingö Iehova, me hnu hoton je khong, me bi athnyaba ködrin, me khudrung ködrin, ke adre me hna degeci nya bi, me ca tuö bi anyik hnanyibu;

Jeremia 16:12

ke öbun e hia but ânyâ hulo ae gan hmâ hon je lakamöbun; anyin a, wâ bi, öbun e ve hnu hoton ihwegien je hnyekubun ae kong, me öbun e ca ling nya bi:

Jeremia 3:22

Hmetu ju öbun tavat öbun e labö kolu, oge me he ka ometo hnobun je hna kolu. Wâ ju, öhmun e o but köu; anyin a u Iehova Khonguhmun.

Jeremia 7:25

Hwân hnyi bong a he but hnyin je lakamöbun ûnyi hnyi hnyei Aigupito ke ne o but hnyi bong ang, oge hia but kunâ köbun je athnyabaik hia a je perofeta, me vesâkong hnyi je bong me ûkhûnöng:

Jeremia 7:26

ke so bi adre me ca ling nya bi, me tevehlöng, ke adre me ohwegiâ je nyidra: me ânyâ hwakecin ae kong hmonyin hon je lakamödra.

Ezekiela 2:3

Ke e ame ha könya, ka habe, Nokon at lö, inya oge me kunö u ka lakon Isaraela, ka je hnyei adre me ûkhin fuc, waleji tavat adre me thu anyik musi: ödra me lakamödra adre hia but ânyâ hwakecin ae kong könya ke ne o but hnyi bong ang.

Ezekiela 20:13

Ke haba lap anyi Isaraela adre me ûkhin fuc mönya hnyi hnyebuba: adre me ca vheno anyik je hnanyibu, ke adre me hûkotiâ hnok je hna owisa, waleji a e ka he at ka mâdrâ, me ame he ka möt hnyin; ke adre me okongoâ gan hmâ anyik je sabath: me oge me ha a oge me he ka hingâlâ anyik hmönyin hudra hnyi hnyebuba, he ka ohiʼ ödra but.

Ezekiela 20:21

Ke haba je lakudra adre me ûkhin fuc mönya; adre me ca vheno anyik je hnanyibu, me ca tuö hnok je hna owisa me ânyâ, waleji a e ka he ke at ka ânyâ e ame he ka möt hnyin; kʼ adre me okongoâ anyik je sabath: me oge me ha a oge me he ka hingâlâ anyik hmonyin hudra, me umö anyik wathethot hudra hnyi hnyebuba.

Ezekiela 20:28

Anyin a hnyi ûen oge me hum ödra ka hnyi hnyei, waleji oge me hinöbeny göranyai he ka ham kodra, kʼ adre me wâ je hut hia ae beû, ke je ûö hia ae hlau, me adre me hudo eling anyidra je hut, me ham eling anyidra bwihlany at ame okûâ hmonyin, ke adre me obosoâ anyidra bo so, ke adre me hingâlâ eling hudiny anyi dra ic.

Ezekiela 20:8

Ke so bi adre me ûkhin fuc mönya, me höcö ling nya; kʼ adre me ca ve degec ta je ûnyi ae ikiki hnyi hnyimakodra, kʼ adre me ca hna degecâ je khongon Aigupito: me oge me ha a oge me he ka hingâlâ anyik hmönyin hudra, hnân he ka umö anyik wathethot hnyi wanben hnyei Aigupito.

Hosea 14:1

ISARAELA lö, hmetu ju kö Iehova Khongom; anyin a u je ta but ge ânyâm hulo.

Zakaria 1:3

Anyin a wale ha thö kodra, ka habe, Walang hna ha hnö Iehova tuhan sabaoth ka habe, Hmetu ju könya, me oge me he bi nya ka hmetu köbun, haingö Iehova tuhan sabaoth.

Malaki 1:6

Haba nokon, me ame ogânâ kamen, ke athnyaba ame ogânâ tuhan: awe, a ne kamen bi nya, me ewa hna oganö nya? ke oge ne than, me ewa eang hna outö nya? haingö Iehova tuhan sabaoth köbun tavat bihut, tavat öbun e hûkötiâ iök. Ke haingöbun, ka habe, Ohmun e hawa ka hûkötiâ iâm?

Malaki 3:13

E hwege ifucibun ûcûk, haingö Iehova, Ke haingöbun, ka habe, Ieû öhmun e ha gam?

Mataio 23:27

Ekölö gabun hnyat sihnalimen me ta je Faresaio, hnyat thoi hnyok! anyin a öbun ûcû me ta je erkemok adre me ohawâ, ke so hmonyin at ka wâ hoton, ke haba eû hnyin, me unöngöt ge je jeien komok, me ikiki hia.

Luka 15:16

Ke ame kû thö weny he ka an ta je unen a an buaka: ke ba at ame han e.

Roma 10:21

Ke e ame hâiâ at Isaraela, ka habe, Oge me lau li hnyamok hnyi je bong ka tavat adre me ca ûling, a tavat ivinoâ.

Roma 10:3

Anyin ae ca khanʼ ödra hwakecin ae wisa anyin Khong, ke adre me elâm he ka otethmâ hwakecidra bi ae wisa, me adre me ca long bi hoton hwakecin ae wisa anyin Khong.

Roma 7:9

Iny möt ehac ke tiga ba hnanyibu, ke ame o but hnanyibu, me ame möt dö hulo, ke oge mok ut;

Deuteronomi 31:20

Ke iny ka hia but hum ödra ka hnyi hnyei waleji oge khemanyin ka lakamödra, ame di ge debai me hani; ke ödra ka hia but han sekon me pipikhenya; me adre me he ka hnyimakodra ka ke je khong, me bi athnyabaidrin, me höciö nya, me oûnyibâûâ hnok hna ûhihinyköu.

Iakobo 4:8

Hakekeny dö ka Khong ke e ame he ka hakekeny köbun. Hinyem but öbun tavat hulo; ke obosoâ but je hnyekubun tavat lolo hnyok.