Malaki 3:5 - Iaai Bible 1901 (New Caledonia)

⁵ Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

Malaki 3:5 ပူးပေါင်းရင်းမြစ်များ

Genese 20:11

Ke Aberahama ame ha, ka habe, Oge me ûnykûme bi nya, ka habe, e ba ot ka Khong hnyi dok ang; me ödrin e he ka hlingö nya can öiök.

Genese 42:18

Ke haba hnyi bong a kuniny Josefa ame ha ködrin, ka habe, Ânyâ thʼ öbun ûnyi ang mʼ öbun e möt; anyin a iny outen Khong:

Nehemia 5:15

Ke haba je gavena ehac, ödrin e ohmakâ tavat, kʼ ödrin e hom ûnyi gadrin jeû me waina, me fâte je sekel sileva; eke, ke lathnyabaidrin minya ödrin e muso tavat: ke oge me ca ânyâ helâe, anyin a iny outen Khong;

Jobu 31:12

Anyin a e bi meic ame han ke ne o but Hnaûhango, Me ame he ka oc degecâ hia hanen ik.

Jobu 7:2

Helâ me athnyaba ame weny hmonyin â hmenu, Ke helâ me at ame hok hwaban ame halubahingen hwaban anyin huliwa:

Salamo 36:1

AME ba eû hnyi hnyekuk ge hna hanyâûâ hnen at ae kong, ka habe, E ca hu hnyi li emakan, hna outen Khong.

Salamo 81:8

Lakeik lö, long ju, me oge me he ka ha cicö köu: Isaraela lö, u na he ju ang ka long könya!

Salamo 96:13

Hnyi hnyimakö Iehova, anyin a e ame he jem; Anyin a e ame he jem he ka owisa hmeledrany: E ame he ka owisa hmeledrany hnyi wisa; Me ta je hnyei hia hnyi anyin hnathu.

Salamo 98:9

Hnyi hnyimakö Iehova, anyin a e ame he ka o ka owisa hmeledrany; E ame he ka owisa hmeledrany hnyi wisa, Me ta je hnyei hnyi hnathu.

Esodo 1:17

Ke outen Khong li at tuö erkin, kʼ ödru me ca ânyâ hna hûna ködru hnen thaniny Aigupito, kʼ ödru me omelö je wainda.

Esodo 18:21

Ke haba khaca u me he ka ûca ûnyi ge tavat hia hnyat ae metâ, ödrin e outen Khong, a hnyat ae hnathu, odrin e hûkötiâ troban thoi; ke otilʼ odrin hon tavat, hnân je taben thauzan, me je taben haded, me je taben fifte, me je taben libenyita:

Esodo 20:7

U ca he ka ha mono iö Iehova a Khongom: anyin ame ca he Iehova ka haisoâ tavat adre me haimono ien.

Esodo 22:20

Adre me he ka ti ohia at ame bi hut ka ke khong, ke ca kö Iehova.

Ta je Vejec 16:6

Ame he ka hneû degecâ hulo hnen ibetengiö me hnathu: Kʼ ame he tavat ka hota hulo ge ot kö Iehova.

Ta je Vejec 8:13

Haba ot kö Iehova, me wale he ka hmiân hulo: Ke haba bi gan, ke begörany, ke gethen ae kong, Ke hnyem ae hwali, me wale je hûkö-tiânök.

Isaia 57:3

Ke hakekeny ju öbun je lakon momo at ame bihihwakecin, a je mâtrân momo ame bi ûnyi monu me momo hnyi gethen.

Jeremia 23:10

Anyin a unöngötö hnyei ge tavat bi ûnyi monu; anyin ame tenge hnyei can hna hângâ: e atgec dö je dok a je sajilat hnyi hnyebuba: ke kong dedra je gethen, ke ca wisa tang hwegiödra.

Jeremia 27:10

anyin adre me perofeta thoi köbun, mʼ adre me he ka oûsâkâûʼ öbun me ibun hnyei; me oge me he ka obʼ öbun me öbun e he ka mok.

Jeremia 27:9

Ke haba Öbun ca löng bi ka anyibun je perofeta, me anyibun tavat bi khong, me anyibun tavat bwi, me anyibun tavat bihihwakecin, me anyibun tavat tren khong, tavat adre me fuc köbun me ha, ka habe, Ca he öbun ka bi athnyabainy than Babulona:

Jeremia 29:23

can anyin ödre hia but ânyâ hwen monu hnyi Isaraela, ke ödre hia but bi ûnyi monu me laâiân lawaedru, ke ödre hia but ha je hofuc ae thoi hnyi iök, waleji oge ca hûna ködru; ke inya at ae khana e, me ohnatho, haingö Iehova.

Jeremia 42:5

Ke ödrin e ha kö Jeremia, ka habe, Iehova at ame ohnathu öta me owisa kohmun, ohmun ka ca ânyâ bi hoton hofuc ame he Iehova a Khongom ka kunö u më kohmun.

Jeremia 5:2

Ke adre me ne he ka ha, ka habe, Kia inya Iehova; e hnathu, adre me khemanyin thoi.

Jeremia 5:29

Hawa, oge me ca he ka bi hwaban can ta je ûnyi e? haingö Iehova: ke ame ca he bi hanuk ka bi hwaban ka hnyei a helâe?

Levitiko 19:13

U me ca he ka okongoâ at ame laba hakekenyi u, me hûgûnâ anyin ta je ûnyi: haba hwaban athnyaba u je hawâ, ame ca he ka mokut unyâm hnyi hnyinghet ke ne o but hnyomakatu.

Levitiko 20:10

Haba at ame bi ûnyi monu me âiân ke at, me adre me he ka tha hlingâ baga me momo, a li at bi ûnyi monu.

Levitiko 20:27

Haba baga, ame ne momo, at tren hanu me at ame bibihwakeoin, me adre me he ka hlingâ: adre me he ka luʼ odrin ge veto: ame he ka takû odrin ge drödrin.

Levitiko 20:6

Ke haba at ame saû ka je hnyat tren hanu me tavat bibihwakeoin, he ka bi ûnyi monu hotudrin, me oge me he ka wâ hmâ at eling me subâ degecâ ûnyi hnyi iny hnyei.

Mika 1:2

Öbun ta je hnyei hia lö, long ju; hmeledrany lo, ke ta je ûnyi hia hnyin e, tevehlöng ju: ke so ame he Than Iehova ka ohnathoâ ûcûbun, wale Than hnyi umen uma ae kap.

Habakuka 1:12

Iehova lö, Khonguk, me Kapik, hawa, u ca at kâû adrem bala? ohmun e ca he ka mok. Iehova lö, u je otilâ e me hnân owisa, Kicik lö, oâ e me hnân nâ.

Zakaria 11:12

Me haingök kodra, ka habe, A ne so köbun hö jem hwabök; ke a ne ba, hna ju. Me adre me tuluto hwabök a thote je sileva.

Malaki 1:6

Haba nokon, me ame ogânâ kamen, ke athnyaba ame ogânâ tuhan: awe, a ne kamen bi nya, me ewa hna oganö nya? ke oge ne than, me ewa eang hna outö nya? haingö Iehova tuhan sabaoth köbun tavat bihut, tavat öbun e hûkötiâ iök. Ke haingöbun, ka habe, Ohmun e hawa ka hûkötiâ iâm?

Malaki 2:14

Ke öbun e ha ka habe, Anyin a ieû? Anyin a Iehova ame hia but ohnathoâ gam me âiân ânyâm hidröu waleji u je iyawöâ, ke e bi lihum möu, me âiâm u je ûhihinyköu më.

Malaki 2:17

Öbun e hia but ohmakö Iehova ge je ifucibun. Ke haingöbun, ka habe, Öhmun e ohmakâ e ge ieû? Anyin öbun e ha, ka habe, E so kö Iehova tavat hia adre me ânyâ hulö, ke e ame senyin kodra; ke haingöbun, ka habe, Ewa Khong at ame owisa?

Luka 23:40

Me ame thu hnen ke at me thawâ, ka habe, U ca ot bi ge Khong, ke u je tha hnaûhango thö me?

Roma 3:8

ke geû, adre me ca he ka ha, ka habe, (helâ me hnödra hna haikongu ohmun, ke helâ me hna bi fuc ohmun ge keihen, ka habe, haingöhmun), Otin e he ka ânyâ monu me me o but so? e wisa hnaûhango a ödra.

Deuteronomi 15:13

Ke u ka hna baûâ e ûheny unyâm, me u me ca he ka kunâ ke ba ta ûnyi;

Deuteronomi 18:10

E so adre me ca he ka wâ unyâm ke at ame kunâ nokon baga me nokon hlu he ka he hnyi wanben meic, me at bi khong, me at ame bibihwakeoin, me at ae tren khong,

Deuteronomi 24:17

U me ca he ka ohwalö hna owisa ka atkanyua me nakahme; me hom ûkhaûen safac hnân haten:

Deuteronomi 27:19

Hnaûhangö at ame ohwalö hna owisa ka atkanyua, me nakahme, me safac. Kʼ ame he tavat hia ka ha, ka habe, Amen.

Deuteronomi 5:11

U me ca he ka ha bâûâ iö Iehova Khongom: anyin ame ca he Iehova ka ha ae ba kongon at ame ha mono ien.

I. Thesalonika 4:6

me me ca he ke at ka hanyâûâ, me okongoâ liamekeiny më hnyi ke ûnyi: anyin a Than at ame bi hwaban hnyi ta je ûnyi eling, helâji me hnöhmun hna ha ehac, me hna sihwegi Öbun wia.

Heberu 13:4

E so e he tavat hia he ka oûnyihnathoâ hna faipoipo, me hna mokut ae ba hnyikongon: anyin ame he Khong ka ohnaûhangʼ ödra adre me bi ûnyi monu, me tavat adre me venöu âiân ke at.

Iakobo 5:12

Hnyat me lakeiny mönya lö, walang ûnyi ae ûnyi hnathu hon ta je nyi hia, ka habe, ca khemanyin bi, ca hâiâ drany, ke hmeledrany, ke ke ûnyi bi: ke so he ka hake ha eke me eke, ke hobun e ba, me e ba; wâ öbun nye û but ka hnyi hnaûhango.

Iakobo 5:4

Wâ bi, ame hongot goranyai hwaban ae ûcû ka tavat adre me huliwa waleji adre me meno ibun je hnyei, ke öbun e behânâ ge iyawâ: ke ame aat dö hnyi li hnyikonyen Than tuhan sabaoth hwahongot hwan tavat meno.

Hna Omanenâ 21:8

Ke haba tavat adre me ot, ke tavat adre me ca labageju, ke tavat ae ikiki, ke tavat ûhlingö, ke tavat bi ûnyi monu, ke tavat tren khong, ke tavat adre me hmi ka je hnatheat, ke tavat hia adre me thoi, me ame he ka hu hwajekhöûdra hnyi nem ame hiâ ge meic me teio; wale mok a loiny.

Hna Omanenâ 22:15

Eû hnyi hoton ta je kuli, me tavat tren khong, me tavat bi ûnyi monu, me tavat ûhlingö, me tavat adre me hmi ka je hnatheat, me tavat hia adre me weny me mâdrâ thoi.