Malaki 3:3 - Iaai Bible 1901 (New Caledonia)

³ ke e ame he ka laba helâ me at le me ânyâwia sileva, ke e ame he ka obosoâ je laku Levi, me ânyâwi ʼödra helâ me gol me sileva; ke adre me he ka hudo kö Iehova je hut hnyi hwakecin ae wisa.

Malaki 3:3 ပူးပေါင်းရင်းမြစ်များ

Salamo 116:17

Oge me he ka hudo köu hudiny ole, Me hawâ iö Iehova.

Salamo 4:5

Hudo thö ta je hudiny hwakecin ae wisa, Ke labageju thö kö Iehova.

Salamo 4:6

E hu tavat ae se hia adre me ha, ka habe, Ie at ame he ka omanenâ köta so? Iehova lö, ogöranyâ thö humun melaminy hnyimâkâm.

Salamo 50:14

Hudo thö ole ka Khong; Ke ham but ka Beönua hnâm je hna khemanyin:

Salamo 50:23

Haba tavat hia adre me hudo ole, me adre me oganö nya; Ke oge me he ka omanenâ ûhomeli anyin Khong Ka at ame penapena deny gethen.

Salamo 51:19

Me u me he ka senyinâ ta je hut ae wisa, wale hut adre me le, me hudiny leu ae bekhot: Mʼ adre me he ka hudo je bolok hon ânyâm taben hut.

Salamo 66:10

Khonguhmun lö, u je hia but cubic öhmun: U je hia but cubic ohmun helâ me mai hna cubec sileva.

Ta je Vejec 17:3

Hnân leû sileva öt, ke hnân leû gol meic: Ke Iehova bi at ame cubec ta je hnyok.

Ta je Vejec 25:4

Hom degecâ but kânâiny sileva, Me me manen dut kaia hobi kâu at ame le:

Isaia 1:25

ke oge me he ka wia hnyamok köu, me ti thong degecâ kânâm kânâ, me hom hia ânyâm dron fao:

Isaia 48:10

Wâ bi, oge hia but cubic u, ke ca helâ me sileva; oge ûco u hnyi hna meicin seda.

Isaia 61:6

Ke adre me he ka hwenyi iöbun, me Tavat bihut kö Iehova: kʼ ame he tavat ka haiöbun me Lathnyabainy Khonguta öbun e he ka an je soiny ta je hnyei, ke öbun e he ka hobeluâ anyidra hmanenang.

Jeremia 9:7

Anyin a wale walang hna ha hnö Iehova tuhan sabaoth, Wâ bi, oge me be ka oköiʼ ödra, me cubic ödra; anyin a ieû hmetu ke ûnyi oge me he ka ânyâ, can hluiny ik hnyei?

Ezekiela 20:38

ke oge me he ka kot degecâ tavat ûkhin fuc unyibun, me tavat ae kong hwakecidra könya; oge me he ka lili ödra ûnyi hnyi hnyei adre me me laba hnyin, ke adre me ca he bi ka dit ka hnyi hnyei Isaraela: ke öbun e he ka wâ a inya Iehova.

Daniela 11:35

Ke ame he keihen tavat ae metâ ka ta, madre me cubic ödra, me ânyâwia, me ohawâ, ke ne o but ûen obiny: anyin ame he ka e hnyi ûen adre thu.

Daniela 12:10

Ame he tavat ae se hia ka obosoi ödra, me ohawʼ ödra, me ânyâwi ödra; ke ame he tavat ae kong ka ânyâ hwakacin ae kong bala; ke ame ca he ke at ae kong he ka wâ ûnykûme: ke so bi, ame he tavat ae metâ ka wâ ûnykûme.

Hosea 14:2

Hom dö je ifucibun ke hmeto ju kö Iehova, ha thö kâu, ka habe, Hom dö hulo hia, me kap ju ûnyi ae so: me ohmun e he ka ham je hudiny hnyi-möhmun.

Zakaria 13:9

Ke oge me he ka hom ke keihen a kuniny ka he hnyi wanben meic, me ânyâwiʼ ödra helâ me hna ânyâwia sileva, me cubic ödra helâ me hna cubec gol: ke adre me he ka hawâ iök, me oge me he bi nya ka ling ödra: ke oge me he ka ha, ka habe, Lakeik ödra; me adre me he ka ha, ka habe, Iehova Khonguhmun.

Malaki 4:1

ANYIN a wâ bi ame he ka o bong, kʼ ame kahwa helâ me inyâji; ke haba tavat bi gan hia, me tavat hia adre me ânyâ hulö me adre me he ka helâ me thatûnyin hwit: ke haba bong ame he ka o, me ame he ka thong degeci ödra, haingö Iehova tuhan sabaoth me me ba wan me anginy gadra.

Numera 8:6

Hom dö tavat Levi ûnyi hnyi wanben lakon Isaraela, me obosoi ödra.

Luka 3:16

me haba Ioane ame thu kodra hia thithö ka habe, Inya oge me bapataisoi öbun ge köiö; ke ame he ka o at ae nua maniny huk, iny ca ûcû bi he ka thang wen li tangen hnyeûcan: e ame he ka bapataisoi öbun ge Hanu Kap me meic:

Roma 12:1

ANYIN a wale, hnyat me lakeiny lö, inya oge me ûjongi öbun ûnyi hnyi ibetengiö anyin Khong, möbun e he ka ham je unyibun me hnân hut ae möt, me kap, me so ka Khong, wale hanymöbun ae ûcû.

Roma 15:16

me inye he ka bi athnyabai Iesu Keriso ka Aten ta je hnyei, he ka ânyâ hanymen at bihut hnyi ûthumetu ae so anyin Khong, me me he ka kap soâ hut wale Aten ta je hnyei, me okabi ödra hnen Hanu Kap.

Filipi 2:17

Eke, ke adre me ne hudi nya hnyi hut a huliwainy anyibun labageju, me oge me hobâ, me tha senyin mʼ öbun hia thithö:

Filipi 4:18

Ke hu but gak ta je ûnyi hia ke se hia: ke iny unöngöt dö, anyin oge hia but kap ûnyi ga Epaferodito ta je ûnyi ûnyi gabun, wale bunen ae bo so, wale hut hnân kap, ame osenyinâ Khong.

II. Timoteo 4:6

Anyin adre me hwân walang ang he ka hudi nya, ke ame o thö ang ûen oge me he ka he but hnyin.

Tito 2:14

waleji at a hamen ham e hnân hobi köta, me me he ka ûcû öta ûnyi hnyi ta je hulo hia thithö, me ânyâwia hnân hobi kâu tavat hnân athnyabainy bi, hnyat ae hwege ka hnyi ta je huliwa ae so.

Heberu 12:10

Anyin adre me nʼ öta hnyi je bong ae wakhalet helâ me wedra; ke e ame nʼ öta mʼ ate me so, mʼ ate me he ka tha kap më.

I. Peteru 1:7

mʼ adre me he ka wâ hna ohnathoâ anyibun labageju ae ûnyi hnathu hon gol, ke so bi adre cubec e ge meic, mʼ adre me he ka haisoâ me ogânâ me olungâ e ka manen dut Iesu Keriso:

I. Peteru 2:5

ke adre me up öbun minya goranyai a je veto ae möt hnân umen hanu, mʼ öbun e tavat bihut ae kap, he ka hudo ta je hudiny hanu, wale ae so ka Khong ûnyi ga Iesu Keriso.

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ:

Hna Omanenâ 1:6

kʼ ame wiʼ öta me me dokhu me hnyat bihut ka Khong a Kamen; e so e unyin hmanenang me dokhu nyiele nyiele balua. Amen.

Hna Omanenâ 3:18

anyin a wale oge me ha köu he ka ûco gak gol adre degec tiren hnyi meic, me u me tren ta ûnyi; me je ûkhaû ae hau, mʼ u me he ka khavâ, me me ca manen bi hmehma wale he thu a u: me bubunyin ecmak hnân botro kâu li emâkâm, me u me bwela but.

Hna Omanenâ 5:10

me wiʼ ödra hnân dokhu me tavat bihut hobi kâu Khonguhmun; ke adre me musi eang hmeledrany.