Malaki 3:18 - Iaai Bible 1901 (New Caledonia)

¹⁸ Me öbun e he ka hmetu me wâhmakhmetoâ at ae wisa me at ae kong, ke at ame bi athnyaba ka Khong ke at ame ca ânyâ.

Malaki 3:18 ပူးပေါင်းရင်းမြစ်များ

Genese 18:25

Ö u ca he ka ânyâ helâe, wale he ka tha omoko tavat ae wisa me tavat ae kong, me me tha ûcû at ae wisa me at ae kong. Ö u ca he ka helâe: hawa ame ca he at owisa hmeledrany hia ka ânyâ wisa?

Jobu 17:10

Ke haba öbun hia thithö, ö öbun hmetu ju, ke ai öbun: Ke oge me ca he bi ka wâ ke at ae metâ unyibun.

Jobu 6:29

Öbun na hmetu ju, me me ba ûnyi ae hwali; E ke, hmetu ju, ame wisa anyik ûhnenamö.

Esodo 11:7

Ke ame ca he ke kuli ka bwebwelâ bohmen ka lakon Isaraela hia, wale ka at me meno: me me khanʼ öbun thö a hnö Iehova hna ve obongonâ at Aigupito me at Isaraela.

Jeremia 12:15

Ke iny ka hia but uk ödra oge me he ka hmetu me betenge gadra; ke oge me he ka ve ohmetu ödra ka hnyi je idra, me idra ta hnyei.

Daniela 2:18

mʼ ödrin e he ka sumâtâ betenge ûnyi ge Khongon drany hnyi ûnyi eling ae iyong; me me ca tha he Daniela me je lahanen ka mok tha ödrin me tavat ae metâ hnyi Babulona.

Joela 2:14

E khanö ia, a gʼ ame ca he bi ka hmetu me ietra, me ip bi hnahic hwaban, wale hudiny han ke hudiny ic hobi kö Iehova Khongubun.

Amosa 5:15

Hûkotiâ thö hulo, ke hnyok bi ka so, ke otilâ hmâ ju wisa hnyi homagoule: me ame he la Iehova Khongon sabaoth ka betenge ge je kolon ga Josefa.

Zakaria 1:6

Ke haba hok je hofuc ke anyik je hnanyibu, waleji oge me hûna ka lathnyabaik a je perofeta, hawa, ödrin e ca khaû lakamöbun? me adre me hmetu me ha, ka habe, Haba Iehova tuhan sabaoth ame ûnykûme he ka ânyâ kohmun, hoton dehmun je gethen, ke anyihmun je huliwa, ke helâe e ame hia but ânyâ kohmun.

Malaki 1:4

Anyin a haba Edoma ame ha, ka habe, Adre hia but kiâ degeci ohmun, ke ohmun e he ka hmetu ka op je dok ae ba aten; ke walang hna ha hnö Iehova tuhan sabaoth, ka habe, Adre me he ka op, ke oge me he bi nya ka hagutâ hnyikânâi: ke ame he tavat ka hwenyi ödra, ka habe, Hnyigoulen hwakecin ae kong, ke Tavat ame hmonyin kodra Iehova nyiele balua.

Mataio 25:46

Ke haba tavat ang, me adre me he ka he ka hnyi hna bi hwaban ame ca ba balua; ke haba tavat ae wisa hwakecidra ka hnyi möt ame ca ba balua.

Ioane 12:26

A ne ke at ame he ka bi atök, e so e ame he hotuk; ke haba dok o ge me he ka laba hnyin, me ame he minya atök ka laba eling: a ne he ke at ka bi atök ame he Cica ka ogânâ e.

Ta je huliwa 16:17

Kʼ ame he hotu Paulo hlu eling, me ohmun, kʼ ame ha hwegiâ, ka habe, Lathnyabainy Khong ae beönua hnyat ang, tavat adre me haimemenâ köbun gethen deny möt.

Ta je huliwa 27:23

Anyin a mwi unyik eja hnyinghet angela anyin Khong wale at oge me bi athnyabainy, ke oge me huliwa kâu,

Roma 1:9

Kʼ ame ohnathu nya Khong, at oge me athnyabainy hnyi hanuk hnyi ûthumetu ae so anyin Nokon, a oge me ca menâ bi hai öbun hnyi hijik je hic hia,

I. Thesalonika 1:9

Anyin a ödra bi adre me haimemenʼ öhmun je bongon ioihmun köbun; me hnobun hna hwio ka Khong ûnyi ge ta je hnatheat, he ka bi athnyaba ka Khong ae möt me hnathu,

Josua 24:15

Ke ame ne kong köbun he ka bi athnyabai Iehova, ûca thʼ öbun hnyi bong ang at öbun e he ka bi athnyabainy; ame ne je khong waleji a bi athnyabainy lakamöbun hoton Wagawe, ame ne je khong khongon at Amora, hnyi hnyei öbun e labā: ke haba inya me anyik lap, ohmun e he ka bi athnyabai Iehova.