Malaki 3:16 - Iaai Bible 1901 (New Caledonia)

¹⁶ Me ame ûhnenamököuâ tavat adre me outö Iehova: ke Iehova ame tevehlöng me long, me adre me sihnalimen tusi hnân oûnykûmeâ hnyi hnyimakan, hobi kâu tavat adre me outö Iehova, me ûnykûme ien.

Malaki 3:16 ပူးပေါင်းရင်းမြစ်များ

Genese 22:12

Me e ame ha, ka habe, Ca ip hnyamâm hon da, ke ca ânyâ ke ûnyi kâu: anyin a oge wâ but walang ang a u me outen Khong, anyin a u je ca behânâ gak nokom, wale nokom a khaca.

II. Samuela 7:1

KE ame laba than hnyi umen uma, ke a hia but Iehova omenâ e ûnyi ge ta je iwahnaihmiony mē hia igigilo,

I. Je Than 18:12

Ke oge me ne he eâu ka he gam, me ame he Hanu Iehova ka hum u ka hnyi dok ae ca khanö nya; ke iny ka he but me thumetu Ahaba, ke e ame ca ō u, me e ame he bi ka hlingö nya: ke inya athnyabaem oge me outö Iehova hwân kʼ iny tiga wanakat.

I. Je Than 18:3

Ke haba Ahaba ame hao Obadia, at ame tuö hnyaban. (Ke haba Obadia ame ot gan hmâ ga Iehova:

II. Man Ûlabainy Je Than. 6:7

Ke e hu eû hnyi hnyeku cica Davita weny he ka op uma hnân hobi kâu iö Iehova, Khongu Isaraela.

Nehemia 1:11

Than lö, ö u tevehlöng ju ge li hnyikönyâm ka hic hijin athnyabaem, me je hic hijin lathnyabaem, tavat adre me wedrin he ka outen iâm: ke ö u ohnahicâ but athnyabaem hnyi bong ang, me ham kâu me me betenge gan at ang. (Ke inya ke ji at ame khop utköiö belen than.)

Esetera 2:23

Ke haba hnyi ûen adre me uhno ûnyi eling, ke adre me wâhmakhmeto ae hnathu, me adre me tha uhni ödru hnyi ke ûö: me adre me sihnalimen e hnyi tusi hnân ha je bong hnyi hnyimakan than.

Esetera 6:1

HABA hnyi lit eling ame ca mokut bi than; me e ame ûkhûnöng he ka hom tusi hnân oûnykûmeâ ka hnyi ta je bong eji, me adre me aû e hnyi hnyimakan than.

Jobu 28:28

Ke e ame ha ka at, ka habe, Wâ bi, haba hna outen Than, me wale metâ; Ke adre me ne degec hulo, me wale wâ ûnykûme.

Salamo 10:4

Haba at ae kong, ûnyi hnyi bi ganiny hnyimakan, ame ha, ka habe, E ame ca he ka elâm e. Ke haba hnen je hna ûnykûme hia, ka habe, E ba bi Khong.

Salamo 104:33

Oge me he ka khumöng kö Iehova ke ne o but obiny anyik möt: Oge me he ka khumöng ogânâ Khonguk e ka tiga hu möt gak.

Salamo 111:10

Haba hwân metâ wale he ka ot kö Iehova; Ke adre me wâhmakhmeto wia hnen tavat hia adre me ânyâ hoton e: Ame tethmâ hna ogânâ e nyiele balua.

Salamo 115:13

E ame he ka ohnahicâ tavat adre me outö Iehova, Tavat ae ûhnyûkong me tavat ae gan.

Salamo 119:63

Iny liamewaeny mödra hia thithö adre me outö u, Me tavat adre me tuö ânyâm ta je hnanyibu.

Salamo 139:4

Iehova lö, e ba bi ke hofuc hnyi bohmök, Ke wâ bi, u je wâhmakhmeto hia.

Salamo 147:11

Iehova ame senyin ka tavat adre me outen e, Tavat adre me gejon anyin ibetengiö.

Salamo 16:3

Ke haba tavat ae kap eang hmeledrany, Ödra tavat ae beönua soidra, wale oge me ti senyin kodra.

Salamo 20:7

Haba keihen adre me labageju ka ta je kariota, ke haba keihen ka ta je hors: Ke ate me he bi ka ha iö Iehova Khonguta.

Salamo 33:18

Wâ bi, e bi emakö Iehova hon tavat adre me outen e, Wale tavat adre me halubahingen anyin tang betenge;

Salamo 34:15

E bala li emakö Iehova hon tavat ae wisa, Ke haba li hnyikonyen ame long hodrin hwahongot.

Salamo 56:8

U je aû hnok je hna ngenu: Hingâlâ but je deköiök ka hnyi ânyâm kaia; Hawa, ca e bi hnyi ânyâm tusi?

Salamo 56:9

Me ame he ka hmetuhmetu je iwahnai hmiöny mönya hnyi bong oge me hawâ hnyin: Walang hnok hna khana, ka habe, hiök Khong.

Salamo 66:16

Ai öbun, long ju öbun hia öbun e outen Khong, Me oge me he ka aû gaga hnen hna mâdrâ hobi kâu hanuk.

Salamo 94:19

Ame okahwa hnyekuk ge ta je ûnyi hnân otubwelâ unyi gam, Hnyi hnok ta je hna ûnykûme ae se hia eû hnyik.

Esodo 32:32

Ke walang ang, u je ne he ka ikhâlâ anyidra hulö—; ke ame ne ba ö u na he ka kot degeci nya ûnyi hnyi ânyâm tusi u je sihnalimen.

Ta je Vejec 13:20

Tha he ju me tavat ae metâ, mʼ u me he ka metâ: Ke ame he ka iei at ame hanen tavat ae monu.

Isaia 26:3

U ma he bi ka tuö hnyi hnahic ie bekhot at ame tethmâ hnyok unyâm: anyin a e ame labageju köu.

Isaia 26:8

Eke, Iehova lö, hnyi gethen deny hnâm je hna owisa, öhmun e hia but halubahingâm; ke weny je hnyekuhmun ka iâm, ke he ka ûnykûmi u.

Isaia 4:3

Ke adre me he ka ha, me kap kolon hnyi Ziona, me at ame laba biju hnyi Jerusalema, wale tavat hia thithö adre tha sihnalimen me tavat ae möt hnyi Jerusalema:

Isaia 50:10

Ia gabun ame outö Iehova, at ame löng ifucin athnyabainy? haba at ame he hnyi menekholom ke ba melam gan, e so e ame labageju ka iö Iehova, me fat ka Khongon.

Isaia 65:6

Wâ bi, a sihnalimen dut hnyi hnyimakök: oge me ca he ka laba hnyibû, ke oge me he ka bi hwaban, eke, oge me he ka bi hwaban ka hnyi je ûlaidra,

Jeremia 31:18

E hnathu oge hia but ling Eferaima ame mâng me ha, ka habe, U je hia but kuc nya, me adre me kuc nya, helâ me bolok ae ca khenenâ hna ûhûkâlâköuâ; ohmetu nya ju, me oge me he ka hmetu: anyin a u Iehova Khonguk.

Jeremia 8:6

Oge me tevehlöng me long, ke adre me ca fuc wisa: e ba at ame ietra anyin hulo me ha, ka habe, Ieû hnok hna ânyâ? ödra hia thithö adre me ve hmetu ka hnyi dedra je gethen, helâ me hors ame ie wadring ka hnyi vat.

Ezekiela 9:4

Ke haba Iehova ame ha kâu, ka habe, Vheno thö taun wanben Jerusalema, ke u me he ka bi haten hnyi je bariny tavat adre me mâng me tenge can ta je ûnyi hia ae ikiki wale adre me ânyâ hnyi wanben e.

Daniela 12:1

KE haba hnyi ûen eling ame he Mikaela ka tot, wale than ae gan at ame tot singiny aten em hnyei: ke ame he ka hu ûen vec, e ba helâe hwân hnyi hna hwenyi ien, me hnyei, ke ne o but hnyi ûen eling: ke hnyi ûen eling adre me he ka omelo aten em hnyei, ödra hia adre me wâ hna sihnalimidra hnyi tusi.

Daniela 7:10

Ke ame hingölö wagewe meic me patrutrua ûnyi hnyi hnyimakan: kʼ adre me bi athnyaba kâu tavat a wan thauzan je thauzan, kʼ ame utitilen hnyi hnyimakan khaca miriad je miriad: kʼ adre me penapena he ka ûhnei, kʼ adre me ulolo je tusi.

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

Malaki 4:2

Ke haba öbun tavat öbun e outen iök, me ame he ka o köbun seûnöiny hwakecin ae wisa, me ûnyi hnân ometo hnyi li labenyin; ke öbun e he ka he but me ututut helâ me nokon kau ûheny hnyi haginy.

Luka 2:38

Ke e ame o thö hnyi awa eling, ame hnyi ole ka Khong, me e ame hâiâ e kodra hia hnyat adre me halubahingen hwaban möt hnyi Jerusalema.

Ta je huliwa 1:13

Ke ödrin e o but, me ödrin e ölö thö ka hnyi hnyeule ethö, wale ödrin e laba hnyin; jia Peteru, me Ioane, me Iakobo, me Anederea, me Filipo, me Toma, me Batolomaio, me Mataio, me Iakobo nöku Alefaio, me Simona a Zeloti, me Juda liamekeiny me Iakobo.

Ta je huliwa 10:2

e at fâfâ hnyekon, kʼ ame outen Khong tha e me anyin lap hia, me ham ta je betenge ae se ka tavat, me hic bala ka Khong.

Ta je huliwa 2:1

KE ame o but bong Penetekos, ödrin hia adre me tha laba hnyi dok a khaca.

Ta je huliwa 9:31

Ke hnahic ut ekalesia hnyi je ke keihen Juda hia, me Galilaia, me Samaria, kʼ ame khulelau bi; ke adre me labö he me ot ka Than, kʼ ame kahwa je hnyekudra ûnyi ge Hanu Kap, kʼ adre me osehia but.

Efeso 5:19

ke ûhnenamö thʼ Öbun hnyin ta je salamo, me ta je khumöng, me ta je fehuainy hanu, ke khumöng dö me senyin hnyi je hnyekubun ka Than;

I. Thesalonika 5:11

Anyin a wale ûsihwegiöbunköu thö, me ûotilöbunköu, helâ minya me hnöbun hna ânyâ.

I. Thesalonika 5:14

Ke öhmun e ûjongi öbun hnyat me lakeiny, he ka sihwegi ödra adre me ca he wisa, nʼ ödra ju ae mat hnyekudra, hadruâ thö tavat ae sënyin, hokhnyokâ beûâ ju tavat hia thithö.

Heberu 10:24

ke so ate me ûnykûmeköuâ, me me he ka kû ibetengiö me ta je huliwa ae so;

Heberu 12:15

ke wâ wia ju, wâ e nye hu ke at ame ca o ka hnyi ibetengiö baû anyin Khong; wâ e nye kû thö iwân ae hiny he ka oveci Öbun, me ame he ka kong ut tavat ae se hia hnen e;

Heberu 3:13

ke ûsihwegi öbun köu ju hnyi ke bong me ke bong, kʼ adre tiga ha bi, ka habe, Hnyi bong ang; wâ e nye okhötâ hnyekon keihen gabun ge tang iya-wöiny hulo:

Hna Omanenâ 15:4

Than lö, ie at ame ca he ka ot me ogânâ iâm î anyin a hake u ke thibi at ae kap; anyin ame he ka o ta je hnyei hia thithö he ka khudrung hnyi hnyimâkâm; anyin adre hia but omanenâ ânyâm ta je huliwa ae wisa.

Hna Omanenâ 20:12

Ke oge me wâ wamok, tavat ae gan me tavat ae ûhnyûkong adre me ûtitilen hnyi hnyimakan theron; me adre me khong ut je tusi, ke adre khong ke tusi bi a wale tusiny möt: me adre me hnö wamok ge ta je ûnyi adre sihnalimen hnyi je tusi, hoton anyidra ta je huliwa.