Malaki 3:15 - Iaai Bible 1901 (New Caledonia)

¹⁵ Ke walang ang ate me he ka ha me hnahic ut at ame bi gan; eke, adre me op goranyai tavat adre me ânyâ hulö; eke, adre me cubic Iehova, ke ödra ka möt bi.

Malaki 3:15 ပူးပေါင်းရင်းမြစ်များ

Esetera 5:10

Ke so bi Hamana ame hokhnyok, me he but ka hnyi umen uma; me e ame ûkhûnöng he ka hawâ je lahanen me Zeres a âiân.

Jobu 1:22

A ca ânyâ hulo Jobu hnyi ta je ûnyi hia eling, ke e ame ca haunonoâ Khong.

Jobu 12:6

Ame mokut so je uma mano umen tavat venöu, Adre me laba hmâ, tavat adre me ohmönyinâ Khong; He haba Khong ame ham gânâ ka hnyi je hnyamödra.

Jobu 21:30

A gʼ adre ip at ae kong hobi kâu bonginy hlöuhlöu? Me adre me hom e hnyi bonginy hmonyin.

Jobu 22:23

U je ne hmetu but ka Ataekhanahia, me adre me he bi ka up u goranyai; Ke u je ne degec ut hwakecin ae ca wisa ûnyi hnyi umâm je uma mano.

Salamo 10:3

Haba at ae kong ame ohobeluâ weny hnyekon, Kʼ ame hota degecâ hnen at ae behnyekon, me hmiö Iehova.

Salamo 106:14

Kʼ adre me behnyekon gan hmâ hnyi hnyebuba, Me cubec Khong hnyi hnyebuba.

Salamo 141:4

Ca ohmehmela hnyekuk ka hofuc ae kong, He ka tha ânyâ hwakecin ae kong Me tavat adre me ânyâ hulo: Ke ca hnö nya he ka an ö ʼdra jeû ae senem.

Salamo 49:18

Eja ke ne a ne hahnahicâ hing hanon ke tiga möt, Kʼ ame he keihen ka haisoi u, can u je ka ohmanenangi u bi,

Salamo 58:2

Eke, Öbun e ânyâ ûnyi ae hwali eû hnyi hnyok; Öbun e tuluto hnyi hnyei ûokongûny anyin je hnyamöbun.

Salamo 73:12

Wâ bi, wale bi eling tavat ae kong; Adre me laba khötkic bala bi, me se hia tot je omjehedra.

Salamo 73:3

Anyin oge me ciâ ge tavat bi gan, Hnyi ûen oge me wâ hnahic anyin tavat ae kong.

Salamo 78:18

Ke adre me cubec Khong ge je hnyekudra Hnyi hnödra hna sumatö ö ʼdra meno.

Salamo 78:41

Ke adre me hmetuhmetu me cubec Khong, Me haiûhnyûkongoâ At ae Kap anyi Isaraela.

Salamo 78:56

Ke so bi adre me cubec me ûkhin fuc me Khong ae Beönua, Me ca vheno bi hnen je hna ohnatho.

Salamo 95:9

Waleji a cubic nya hnyin ta je lakamöbun, Me nö nya, me wâ anyik huliwa.

Ta je Vejec 12:12

Haba tavat ae kong, me adre me weny ert ûten tavat ae monu: Ke haba iwân tavat ae wisa me ame wa wan.

At Khet 8:14

E hu thatûnyi adre me ânyâ eang hmeledrany; a gʼ ame aat ka tavat ae wisa helâ me hna ânyâ ka tavat ae kong: ke haba khaca, ame aat ka tavat ae kong helâ me hna ânyâ ka tavat ae wisa: haingök, Wale ke thatûnyi.

Isaia 2:22

Soju öbun labageju ka at, ame menâ ge li hnyingöiny: anyin a hnân eû he ka ûnykûme kaû?

Jeremia 7:10

me o me tot hnyi hnyimakök hnyi uma eang, waleji adre ip hon e iök me ha, ka habe, Adre hnʼ ohmun; mʼ öbun e he ka anyi ta je ûnyi hia eling ae ikiki?

Daniela 4:30

Ke haingen than, ka habe, Hawa, ca Babulona ang ae gan, waleji oge me op hnân hnyaban than hnen manik man ae hwege, ke hnân he ka ogânâ anyik hmanenang.

Daniela 4:37

Ke walang ang, inya Nebukaneza oge me olungâ me ogânâ Thaniny drany; anyin ae wisa anyin ta je huliwa hia, ke ûcû deny je gethen: ke e khana he ka hom ûhnyûkongo tavat vheno bi gan.

Daniela 6:16

Ke than ame hûna me adre me lili Daniela, me khûâ e ka hnyi op liona. Ke haingen than kö Daniela, ka habe, Haba Khongom, wale u je bi athnyabainy hnyi je bong, me e ame he ka omeli u.

Malaki 2:17

Öbun e hia but ohmakö Iehova ge je ifucibun. Ke haingöbun, ka habe, Öhmun e ohmakâ e ge ieû? Anyin öbun e ha, ka habe, E so kö Iehova tavat hia adre me ânyâ hulö, ke e ame senyin kodra; ke haingöbun, ka habe, Ewa Khong at ame owisa?

Malaki 4:1

ANYIN a wâ bi ame he ka o bong, kʼ ame kahwa helâ me inyâji; ke haba tavat bi gan hia, me tavat hia adre me ânyâ hulö me adre me he ka helâ me thatûnyin hwit: ke haba bong ame he ka o, me ame he ka thong degeci ödra, haingö Iehova tuhan sabaoth me me ba wan me anginy gadra.

Ta je huliwa 12:21

Ke hnyi ke bong adre hia but thu, Heroda ame khavâ je ûkhaûen than, me tabâ anyin theron, me khet ködra.

Ta je huliwa 5:9

Haba Peteru ame ha kâu, ka habe, Ieû gabu ae tha hnyekubu he ka cubec Hanon Than? wâ bi, eû hnyi hwanuma tavat adre me konâm âiâm, ke adre me he minya ka sam u.

I. Korinito 10:9

Ke ca he minya öta ka cubec Than, helâ me keihen gadra adre me cubec, me adre me mokcu ge ta je on.

Heberu 3:9

Adre cubic nya lakamöbun hnyin, me elâm bonguk, Me wâ anyik ta je huliwa hnyi ta je huna a fâte.

I. Peteru 5:5

Helâe minya öbun hnyat ae teb unyi, löng ju hoton wahingat. Eke, öbun hia thithö lö, weikâ ju hwakecin ae hnyikânâ he ka uhuliwaköu: anyin a Khong ame hagutâ tavat bi gan, me ham ibetengiö baû ka tavat ae hnyikânâ oûnykûmidra.