Malaki 3:11 - Iaai Bible 1901 (New Caledonia)

¹¹ Ke oge me he ka thawâ hobi köbun at ame ohia, ke e ame ca he ka ohia jeûiny könöbun kânâ; ke ame ca he ka ba wan halebun vine hnyi ta hnyei, haingö Iehova tuhan sabaoth.

Malaki 3:11 ပူးပေါင်းရင်းမြစ်များ

Jeremia 8:13

Oge me he ka ti ohiʼ ödra, haingö Iehova: ame he ka ba wan hnyi je ivine, ke ame he ka ba wan meta, ke ame he ka meleca je lan; ke ame he ka hia gadra ta je ûnyi o ge hia but ham kodra.

Hosea 2:21

Haingö Iehova, ka habe, Hnyi bong eling oge me he ka thu hmetu, oge me he ka thu hmetu ka je drany, ke drany ame he ka thu hmetu ka hnyi hmeledrany;

Joela 1:12

E meleca thö vine, ke ba but meta; a mok dö rimona, me pama, me tapua, wale je ûöiny hia hnyei: anyin ame aû but senyin unyin tavat.

Joela 1:4

Haba kolon ame hna ge lakon wahamon, me ame han e hnen wahamon veto, ke haba ju hna hna hnen wahamon veto, me ame han hnen oböu, ke haba hna hna hnen oböu, me ame han hnen walewi.

Joela 1:7

Ke e ame oba wan anyik vine, me thu anyik imeta: kʼ ame okalaötâ e, me degec; ke hau but je vheiny.

Joela 2:20

ke oge me he ka öûsâkâûöâ mʼ öbun utbavat ûnyi hnyi hwadro, me obâ e ka hnyi hnyei ae hwahwacit me ba wan, haba hnyimakan e ka hnyi köiö e deiö, me hoton ka hnyi köiö e jio; ke ame he ka o anyin bokong, j ke ame he ka o bunen anyin bobot, anyin a e ame hia but ânyâ ta je ûnyi ae gan.

Joela 2:22

Je menoiny utkânâ lö, ca ot bi; anyin ame kû jeû an je meno hnyi hnyebuba, anyin ame wa ta je ûö, ke ame wa gan hmâ meta me vine.

Joela 2:25

Ke oge me he ka bi hwaban köbun je huna, waleji a an hnen wahamon veto, me oböu me wale wi, me nokon wahamon, wale anyik utbavat ae gan oge kunâ köbun.

Amosa 4:9

Oge hia but kuc öbun ge meleca me löhau: ke haba wahamon ame an hnyiganiny ibun ta hnyei, me ibun je hnyei vine, me halebun je meta, me halebun je elaio: ke so bi öbun e ca hmetu könya haingo Iehova.

Habakuka 3:17

Eja ke ne a ne ca vhong imeta, Ke ba wan hnyi je ivine; Eja ke ne a ne ba hna huliwan elaio, Ke ba jeû hnyi je hna belök; Eja ke ne adre ne subâ degecâ hnahat meno hnyi hak, Ke ba but kau hnyi je hnyeuleny meno:

Hagai 1:11

Ke oge me oi seûno ka hnyi kânâ, me ka je bucen, me ka hnyi hwit, me ka hnyi waina, me ka hnyi wakaco, me ka hnyi jeûiny kânâ, me ka at, me ka meno, me ka hnyi ta je huliwa hia hnen hnyam.

Hagai 2:17

Oge me kuc öbun ge meleca me om, me we wahma hnyi ta je huliwa hia anyin je hnyamöbun; ke so bi öbun e ca hwio könya haingö Iehova.

Zakaria 8:12

Anyin ame he ka hu hatonginy ûsoköu; ame he vine ka wa, ke kânâ ame he ka oâ jeûiny, ke ame he drany ka ham dân hau; ke oge me he ka kunâ je kolon tavat ang ka hu ta je ûnyi hia eling.

Deuteronomi 11:14

me oge me he ka ham we hobi kâu ibun hnyei hnyi ûen e, wale we a bân, me we a biliny, me u me he ka ip ânyâm je hwit, me ânyâm waina, me ânyam wakaco.