Malaki 3:10 - Iaai Bible 1901 (New Caledonia)

¹⁰ Hom dʼ öbun libenyitainy ae bekhöt ka hnyi uma hnân hip omjeû, me me hu han hnyi umök uma, me cubic nya ju walang ang hnen e, haingö Iehova tuhan sabaoth, oge ne ca he ka khong ut köbun je hlinginy drany, me hingâlâ hubun hnahic, ke ne o but ame ba hnen e.

Malaki 3:10 ပူးပေါင်းရင်းမြစ်များ

Genese 28:22

ke haba veto eang, wale oge otilâ hnân haten, ame be ka hnen uma umen Khong: ke ûnyi hnyi ta je ûnyi hia u ma he ka ham könya, e hnathu oge me he ka ham hmetu köu je ke keihen a libenyitainy.

Genese 7:11

Haba hnyi huna a siks hadediny möt anyi Noa, hnyi tehi a loiny, hnyi bong a seventininy tehi, haba hnyi bong eling ame patrutrua thö ta je pupuainy köiö ae gan hmâ, kʼ adre khong ut je mamalamainy drany.

II. Je Than 7:19

ke haba taben eling ame thu ka aten Khong, ka habe, Wâ bi, ame ne he Iehova ka bi mamalama hnyi drany ame ne he ka manen ûnyi e? Ke haingen, ka habe, Wâ bi, u me he ka hnyi wâ e ge li emakâm, ke u me ca he ka hnyi han:

II. Je Than 7:2

Haba taben, waleji a he cimâ hnyamen than, ame thu ka aten Khong, ka habe, Wâ bi, ame ne he Iehova ka bi mamalama hnyi drany ame ne he ka manen ûnyi e? Ka haingen, ka habe, Wâ bi, u me he ka hnyi wâ e ge li emakâm kʼ u me ca he ka hnyi han.

I. Man Ûlabainy Je Than. 26:20

Ke haba ge at Levi, jia Ahia at ame tuö tang omjeûiny uma umen Khong, me je omjeû ae kap.

Nehemia 12:44

Ke adre me otilâ hnyi bong eling tavat hon je hnyeuleny omjeû, me je hut adre kap goranyai, me je wan a bân, me je ke keihen a libenyitainy, mʼ adre me ûkhacaköu kâu ûnyi hnyi je utkânâiny je taun, je jekhoû hoton hnanyibu hobi kâu tavat bihut me at Levi: anyin a at Juda ödrin e senyin ka tavat bihut me at Levi, tavat huliwa.

Nehemia 12:47

Ke haba hnyi ûö Zerubabela, me ûö Nehemia, haba at Isaraela hia ödrin e ham je jekhon tavat khumöng me tavat tuö hwanuma, ke jekhoû hnyi ke bong: ke ödrin e okabâ ta je ûnyi hobi kâu at Levi; ke haba at Levi ödrin e okâbâ hobi kâu laku Arona.

Nehemia 13:5

me e ame hia but penapena hobi kâu hnyeule ae gan, waleji adre me ip hnyin je hudiny han, me libanu, me je kaia, me je ke keihen a libenyitainy hwit, me waina, me wakaco, waleji adre hunâ hobi kâu at Levi, me at khumöng, me at tuö hwanuma; me je hut adre kap goranyai, hobi kâu tavat bihut.

Salamo 37:3

Geju thö kö Iehova, ke mâdrâ so; Labâ hnyei, ke hnu hoton hnathu.

Salamo 78:23

Ke so bi e ame hûna ka ta je ûlâ ethö, Me khong ut ta je hwanumen drany;

At Khet 11:3

Ame ne unöngöt je ûlâ ge we, me ame ta we ka hnyi hon kânâ: ke ame ne ta ûö, ame ne ka hnyi hwaiöu, ame ne ka hnyi hwadro, haba hna ta hnen ûö, me ame he ka mokut hnyi dok eling.

Ezekiela 34:26

Ke oge me he ka wiʼ ödra ke ta je dok igigili ödra, me me anyik hut ae hnahic; ke oge me he ka öta we hnyi ûen; kʼ ame he ka ta hnahic helâ me we.

Ezekiela 44:30

Ke hobi kâu tavat bihut je ûnyi a bân hnyi ta je wan a bâniny ta je ûnyi hia, me ta je bwihlanyin hia ta je ûnyi hia öbun e ânyâ me bwihlany: öbun e he ka ham minya je falawa a bân adre tiga op ka at bihut, me me mokut hon umöbun je uma hnahic.

Hosea 2:21

Haingö Iehova, ka habe, Hnyi bong eling oge me he ka thu hmetu, oge me he ka thu hmetu ka je drany, ke drany ame he ka thu hmetu ka hnyi hmeledrany;

Joela 2:19

Ke Iehova ame thu me ha ka lakeiny, ka habe, Wâ bi, oge me he ka kunâ köbun hwit, me waina, me wakaco, me me sekubun hnen je ûnyi e: ke oge me ca he hmetu ka hnʼ öbun me hnân haikongoâ hnen ta je hnyei:

Joela 2:24

Ke ame he ka unöngöt je hna huje hwit ge hwit, me bahihingölö thö je tengen waina me wakaco.

Levitiko 26:10

Ke öbun e he ka han ûnyi ehac, me hom ûnyi ehac me me bi hnen ûnyi ae teb unyi.

Levitiko 26:3

Öbun ka he ka vheno hnok je hna otilâ, me tuö anyik je hnanyibu, me ânyâ;

Levitiko 27:30

Ke haba ke keihen a libenyitainy troban kânâ, ame ne hatonginy, ame ne wan ûö, me, anyi Iehova e: e kap e kö Iehova.

Hagai 2:19

Hawa e hu hatong hnyi omhani? eke, ame ca wa bi ivine, me imeta, me rimona, me elaio; hwân hnyi bong ang oge me he ka ohnahici öbun.

Numera 18:21

Ke wâ bi oge me ham ka laku Levi ke keihen a libenyitainy ta je ûnyi hia hnyi Isaraela hnân idra, me hwaban anyidrin huliwa ödrin e ânyâ, wale huliwainy uma ûkhacaköu.

Mataio 6:33

Ke böbun he ka elâm dokhon dökhu, me hwakecin ae wisa; ke adre me he minya ka ham köbun ta je ûnyi e.

Deuteronomi 12:6

ke öbun e he ka hom kâ e anyibun je hudiny leû, me anyibun je hut, me anyibun je ke keihen a libenyitainy, me je hudiny kap goranyai hnyi hnyamöbun, me anyibun je khöbi, me anyibun je hudiny ibetengiö, me je nokon a bân hnyi halebun je kau me mamoe:

Deuteronomi 14:22

U me he ka ham ke keihen a libenyitainy troban hnyei hnyi ke huna me ke huna.

Deuteronomi 14:29

kʼ ame he ka hnyi han unyâm at Levi, anyin ae ba hwajekhon me iny unyâm, me atkanyua, me nakahme, me safac, a tavat hnyi je hnyabam me me sekudrin; me me he Iehova Khongom ka ohnahici u hnyi ta je huliwa anyin hnyamâm u me ânyâ.

Deuteronomi 28:12

Ke ame he Iehova ka khong köu tang omjehen ae so, wale drany he ka ota we hnyi ûen bi hnyi kânâm kânâ, ae ohnahicâ huliwa hia anyin li hnyamâm: ke u me he ka me ham omjeû ka ta je hnyei ae se, kʼ u me ca he bi ka me sumâtâ.