Malaki 2:6 - Iaai Bible 1901 (New Caledonia)

⁶ E hnyi hnyimen hnanyibuiny hnathu, ke adre me ca wâ hwakecin ae kong hnyi esongodiny: e ame tha he mönya hnyi ûsoköu me wisa, me ohmeto tavat ae se hia ûnyi hnyi hulö.

Malaki 2:6 ပူးပေါင်းရင်းမြစ်များ

Genese 17:1

KE nainte nain hunai Aberama, me ame manen dut Iehova kö Aberama, me ha kân, ka habe, Inya ang Khong Ataekhanahia; u ma he hnyi hnyimakök, ke wisa but.

Genese 6:9

Walang ta je dö anyi Noa. Haba Noa, at ae wisa, ke fâfâ but hnyi anyin ta je dö: haba Noa ame tha he me Khong.

Salamo 119:142

E wisa balua but hwakecâm ae wisa, Ke hnathu ânyâm hnanyibu.

Salamo 119:151

Iehova lö, u hakekeny thibi; Ke hnathu hia ânyâm ta je hnanyibu.

Salamo 37:30

Haba hnyimen at ae wisa me ame ûsabö metâ, Kʼ ame fuc bohmen ge hna owisa.

Salamo 37:37

Bi haten ju at ae wisa, ke wâ ju at ae fofâ: Anyin ame he ka hnahic ut obiny at eling.

Ta je Vejec 5:2

Me me he ka hu gam hna ûnykûme, Kʼ ame he li esongodâm ka tuö wâ ûnykûme.

Jeremia 23:22

Ke so bi adre ne hia but mwi hnyi anyik ûhnenamö, awe, adre me he ka olöngâ lakeik ge hok ta je hofuc, me ohmetu ödra ûnyi hnyi dedra je gethen ae kong, me ûkonginy anyidra ta je huliwa.

Daniela 12:3

Ke haba tavat ae metâ, me adre me he ka umumelam helâ me melaminy drany; ke haba tavat adre me wia tavat ae se hia hnyi hwakecin ae wisa, me ödra helâ me ta je okhû nyiele balua.

Hosea 4:6

Adre me ohia lakeik anyin ae ba wâhmakhmeto: anyin a u je hia but hna degecâ wâhmakhmeto, awe, oge me he bi nya ka hna degeci u, inʼ u me ca at bihut könya: anyin a u je hnying hnanyibu anyin Khongom, me oge me he bi nya ka hnying lakom.

Mataio 22:16

Me adre me kunâ kâu latödrin, ke je Herodiane minya, me ha, ka habe, At ûne lö, e khanʼ ohmun dut a u at ae hnathu, a at ame ûnö hnatho gethen deny Khong, ke u me ca outen at, anyin a u me ca ûnykûme bi hnyimakan at.

Mareko 12:14

Ke ödrin e o but, me haingödrin kâu, ka habe, At ûne lö, e khanʼ ohmun dut a u at ae hnathu, ke u me ca outen at: anyin a u me ca ûnykûme hnyimakan at, ke u at ame nâ hnatho gethen deny Khong; hawa, e ûcû he ka fat kö Kaisara, hawa, hna ju?

Luka 1:6

Ke ödru li at ae wisa hnyi hnyimakan Khong, kʼ ödru me vheno ta je hnanyibu ke ta je hna otilâ hnen Than, ke ba monu gadru.

Luka 20:21

Ke adre me hnö e, ka habe, At ûne lö, e khanʼ öhmun dut a u me ha me ûnö wisa, ke u je ca wâhmakhmeto at, ke u me nâ hnatho gethen deny Khong:

Ta je huliwa 26:18

me u me he ka obwela ta je emaködra mʼ adre me hwio ûnyi hnyi lit ka hnyi melam, me ûnyi hnyi musi anyi Satana ka Khong, mʼ adre me be ka hna degecâ but anyidra hulo, me tha hu jekhoû mödra adre okabâ hnen labageju könya.

Deuteronomi 33:10

Adre me he ka nö Jekob hnyi ânyâm je hna owisa, Me nö Isaraela hnyi ânyâm hnanyibu: Ödrin e he ka ip utö ae bo so hnyi hnyimâkâm, Me hudiny le adre ca subâ hon ânyâm taben hut,

Deuteronomi 33:8

Ke e ame ha ga Levi, ka habe, E bi unyin ânyâm at ae kap ânyâm Thumim me Urim, At eji u je cubic hnyi Masa, At u je ivinö mē hnyi an Meriba;

Deuteronomi 33:9

At ame ha ge kamen me hinyen, ka habe, Oge ca wâ e; Kʼ ame ca wâhmakhmeto je liamekeiny mē, Ke ca khana je hing lakon: Anyin adre me hia but wâ wia hwâm hofuc, Me tuö ûhihinyköu möu.

Hna Omanenâ 14:5

Ke ba thoi adre me wâ hnyi je hnyimödra, anyin ae ba hnyikongudrin.

I. Samuela 2:12

Ke haba li laku Eli me li laku Belial; ke ca khanʼ ödru Iehova.