Malaki 2:17 - Iaai Bible 1901 (New Caledonia)

¹⁷ Öbun e hia but ohmakö Iehova ge je ifucibun. Ke haingöbun, ka habe, Öhmun e ohmakâ e ge ieû? Anyin öbun e ha, ka habe, E so kö Iehova tavat hia adre me ânyâ hulö, ke e ame senyin kodra; ke haingöbun, ka habe, Ewa Khong at ame owisa?

Malaki 2:17 ပူးပေါင်းရင်းမြစ်များ

Jobu 34:17

Hawa, ame he at ame höciâ wisa ka musi? Ke u me he ka haikongoâ e wale ae wisa me gan?

Jobu 34:36

Ödra na he ka cubic Jobu ke ne o but obiny, Anyin e ame thu helâ me tavat ae kong.

Jobu 36:17

Ke u je ounöngöt ge je hna owisa ka at ae kong, Ame kot u ge hna owisa me wisa.

Jobu 9:24

Adre me hna hmeledrany ka hnyi hnyamen at ae kong: E ame tube je hnyimakan tavat owisa e; Kʼ ame ne ca at eling, awe, ia bi?

At Khet 8:11

Anyin adre me ca ie bi hwaban huliwa ae kong, anyin a wale e hwege hnyekon tavat he ka mâdrâ hulo.

Isaia 1:14

Ke oge me ikikiâ je tehibun ame manen, me anyibun je bijeû adre thu: e hmak könya je ûnyi e; ke oge me höcö bi ka hom.

Isaia 29:15

Ekölö gadra tavat adre me elâm eû hnyin he ka ikhâlâ ga Iehova anyidra ta je ûhnenamö, ke e bi hnyi menekholom anyidra ta je huliwa, me ha, ka habe, Ia ame ō ʼta? ia ae khana öta?

Isaia 30:18

Anyin a wale ame he Iehova ka halubahingen me me betenge gabun, ke can e adre me he ka ogânâ e, me me he ka betenge baû köbun; anyin a Khongon owisa Iehova; hnödra hnahic hia adre me halubahingen e.

Isaia 43:22

Ke so bi u je ca hawo nya, Jekob; ke u je katebu könya Isaraela.

Isaia 43:24

U je ca ûcû ûö ae hnebwia hobi könya hwaban mone, ke u je ca osekuni nya ge pipikhenyainy ânyâm ta je hut: ke u je hia but ohmaki nya ge ânyâm ta je hulo, u je hia but osenyini nya ge hwakecâm ae kong.

Isaia 7:13

Ke e ame ha, ka habe, Lap anyi Davita lö, long ju walang ang; hawa, ûnyi ae ûhnyûkong e öbun e ovecâ at, ke öbun e he minya ka ovecâ Khong?

Jeremia 12:1

IEHOVA lö, u thibi at ae wisa, iny ka he ka ivino möu: ke so bi, oge me beûhnenamö möu ge hna owisa: ieû can ame sot gan gethen deny tavat ae kong? adre me laba so geû ödra hia adre me ti iyawo?

Jeremia 15:6

Haingö Iehova, ka habe, U je hia but hna degeci nya, ke u je hmetuhmetu: anyin a wale oge hia but hai hnyamok gam, me ohiö u; oge sënyin dut ge ietra.

Jeremia 17:15

Wâ bi, ödra adre me ha könya, ka habe, Ewa hofuc ho Iehova? e so e hwâdâ thö walang ang.

Jeremia 44:22

me me ca khanö Iehova hmetu bi he ka hokhnyokâ ûkongon anyibun ta je huliwa me ta je ûnyi ae ikiki öbun e ânyâ; anyin a wale a hnyot dö ibun hnyei, ke hnân lâiâ, me hnân hangâ, ke ba but at ame labā, helâ me hnyi bong ang.

Ezekiela 16:43

Anyin a u je ca hia but ûnykûme je bonginy hlu a u, ke u je oveci nya ge ta je ûnyi hia eling, anyin a wale, wâ bi, oge me he ka bi hwaban hwakecâm ka hnyi bâm, haingen Than Iehova: ke u me ca he ka ânyâ hwakecâm ae ikiki eling hon ta je hwakecâm ae ikiki hia thithö.

Ezekiela 18:25

Ke so bi, öbun e ha, ka habe, E ca ûcû hna ânyâ hnen Than. Lap anyi Isaraela lö, long ju walang ang: Hawa e ca ûcû hwakecik? hawa e ca hwali bi hwakecibun?

Ezekiela 8:12

Ke e ame ha könya, ka habe, Nokon at lö, hawa u me hia but wâ hna ve ânyâ hnen wahingatiny lap anyi Isaraela hnyi dok ae menekholom hnyi je hnyeuleny je ûhöûcû? anyin adre me ha, ka habe, Ame ca ō ʼta but Iehova; Iehova ame hia but hna degecâ hmeledrany.

Ezekiela 9:9

Me e ame ha könya, ka habe, E ti gan hmâ hulo anyin lap Isaraela me Juda, ke ame unöngötö hnyei ge dra, kʼ ame unöngötö taun ge hna ohwalö je hna owisa: anyin a haingodra, ka habe, Iehova ame hia but hna degecâ hmeledrany, ke ame ca wâ bi Iehova.

Amosa 2:13

Wâ bi oge me he ka hlic öbun hnyikânâi helâ me ûkat ame hlec ae unöngöt ge je thi hwit.

Zefania 1:12

Ke hnyi ûen eling oge me he ka jien Jerusalema ge je lamepa; ke oge me he ka bi hwaban ka tavat adre me laba sot, tavat adre me ha eû hnyi hnyok ka habe, Ame ca he Iehova ka mâdrâ so, ke ame ca he ka ânyâ minya ûnyi ae kong.

Malaki 2:14

Ke öbun e ha ka habe, Anyin a ieû? Anyin a Iehova ame hia but ohnathoâ gam me âiân ânyâm hidröu waleji u je iyawöâ, ke e bi lihum möu, me âiâm u je ûhihinyköu më.

Malaki 3:8

Hawa, ame he at ka venâu je ûnyi anyin Khong? Ke so bi öbun e hia but venâu anyik ta je ûnyi. Ke haingöbun, Ie ûnyi öhmun e venâu gam? Wale je ke keihen a libenyitainy me je hut.

Deuteronomi 32:4

E Kic, ke bekhöt anyin huliwa; Anyin a je deny hia, me hna owisa: E Khong ae hnathu, ke ba hnyikongon E wisa ke fâfâ.

I. Samuela 2:3

Ca he hmetu bi ka ha hofuc ae bi gan; Ke so ame ca gâ hofuc bi gan ûnyi hnyi je hnyimöbun; Anyin a Iehova, me e Khongon metâ, Ke e ame tuluto je hna ânyâ.