Malaki 2:15 - Iaai Bible 1901 (New Caledonia)

¹⁵ Hawa, e ame ca ânyâ ûnyi a khaca, ke e unyin kolon hanu? Ke at a khaca geû? Anyin e ame elâm mâtrân ae so. Anyin a wale, tuö ju je hanubun, me ca he ke at ka iyawâ âiân anyin hidröu.

Malaki 2:15 ပူးပေါင်းရင်းမြစ်များ

Genese 1:27

Ke Khong ame op at ae we e bi, ame op e me we Khong; e ame up ödru baga me momo.

Genese 2:7

Ke haba Iehova Khong ame op at ge sesâiny kânâ, me menâ ka hnyi li hnyingöiny homenâiny möt; ke haba at ame wia me me hanu ae möt.

Genese 24:44

kʼ ame he ka ha könya, ka habe, Ic dö, ke oge me he minya ka se köiö hobi kâu halem je kamela: e so e hlu ame ûca Iehova hobi kâu nokon tuhök.

Genese 27:46

Ke haingö Rebeka kö Isaaka, ka habe, E hmak ut hnyekuk can li momo Heth: a ne he Jekob ka hok âiân ûnyi hnyi je lakon Heth a je hlu, helâ mödru li momoiny hnyei, hnân eû hmetu möt könya?

Genese 6:2

ke haba je lakon Khong adre me wâ je lakon tavat a je hlu a ödra hmanenang; me adre me hom me laöiödra je hlu ae ve wedra.

Ezera 9:4

Me ödrin e ûkhacaköu hia thithö könya hnyat adre me öbubuny ge hofuc hwan Khongu Isaraela, can hulo anyin je aten bâ; ke oge me laba ot ke ne o but adre me hudo hnyi sahac.

Nehemia 13:24

ke haba je lakudrin adre me hom hanen hwen Asedoda, ke ca khanʼ ödrin fuc wia bi hwen Juda, ke hoton hwan ke hnyei me ke hnyei.

Jobu 27:3

(Anyin ae bala bi hanuk unyik, Me homenâ anyin Khong hnyi li hnyi-ngöik;)

Esodo 20:14

U ca he ka bi ûnyi monu.

Ta je Vejec 2:17

At ame hna degecâ at ûne kâu ke tiga hlu, Me hnying hna ûhihinyköu me Khongon:

Ta je Vejec 4:23

Ti tuö wia ju hnyekom; Anyin ame o but möt ûnyi e.

Ta je Vejec 6:25

Ca behnyekom eû hnyi hnyekom anyin hmanenang; Ke so ame ca omonu u hnen bademakan.

Ta je Vejec 7:25

Ca saû bi hnyekom ka hnyi deny je gethen, Ca he monu bi hnyi deny ta je gethen.

At Khet 12:7

ke ame hmetu sesâ hnyikânâi, helâ me ehac, ke ame he hmetu hanu ka Khong at ame ham e.

Jeremia 2:21

Ke haba u, me oge me tä helâ me vine ame khulelau, hatong ae so: ieû gam u me hwio gak, ke u vine but ae monu me atkanyua?

Hosea 1:10

Ke so bi haba numerainy lakon Isaraela, me ame he ka ûcû me ûnyin köiö, wale ae ca khana bi ke at he ka tuluto me aû numerainy; ke haba hnyi dok wale adre me ha kodra, ka habe, Ca lakeik ut öbun, me adre me he bi ka ha kodra, ka habe, Öbun lakon Khong ae mot.

Levitiko 20:10

Haba at ame bi ûnyi monu me âiân ke at, me adre me he ka tha hlingâ baga me momo, a li at bi ûnyi monu.

Malaki 2:14

Ke öbun e ha ka habe, Anyin a ieû? Anyin a Iehova ame hia but ohnathoâ gam me âiân ânyâm hidröu waleji u je iyawöâ, ke e bi lihum möu, me âiâm u je ûhihinyköu më.

Mataio 15:19

Anyin ame didrut ûnyi hnyi hnyok ta je hna ûnykûme ae kong, me je ûhlingö, me venöu âiân ke at, me bi ûnyi monu, me venöu, me ohnatho thoi, me haikongo:

Ioane 20:22

Ke a hia but ha e, e ame menâ ködrin, me ha, ka habe. Kap ju Hanu Kap:

Ta je huliwa 3:25

Haba öbun, me öbun lakon ta je perofeta, a hanen hna ûhihinyköu anyin Khong me lakamöbun, waleji ame ha kö Aberahama, ka habe, Ame he ka hnahic ta je lap hia eang hmeledrany ûnyi ge mâtrânâm.

I. Korinito 7:14

Anyin adre okabâ baga ame ca labageju ûnyi ge âiân a momo, ke adre okabâ minya momo ame ca labageju ûnyi ge âiân a baga: ame ne ca helâe me kong je lakubun; ke walang ang ödrin kap but.

I. Korinito 7:2

Ke so ka obaga he ka ûsa khaca laöiödra, ke so minya ka omomo he ka ûsa khaca laöiödra, wâ adre nye bi ûnyi monu.

II. Korinito 6:18

Ke oge me he ka Kamöbun, Kʼ öbun e he ka lakuk obaga me wahlu, haingen Than ae khana hia.

Efeso 6:4

Ke haba öbun je kamen, ca okûâ bi hmonyin ka je lakubun: ke so bi he ka hat ödra hnyi hna nʼ ödra, me hna ûne ködra hnen Than.

Deuteronomi 7:4

Anyin a e ame he ka okâ nokom unyik, me me he ka bi athnyabainy ke je khong: me ame he ka ubâhlâ hmönyin anyi Iehova köbun, ke e ame he ka ie ohiö o.

Tito 1:6

e ka hu ke at ae ba hnyikongon, a khaca thibi âiân, ke hu lakon ödrin e labageju, kʼ ödrin e ca lung kong hnyi hwakecin khâlânden me ca ûling.

Rutha 4:12

ke e so ânyâm lap he ka helâ me lap anyi Farez, wale a hnokoâ Tamara ga Juda, ûnyi ge mâtrân ame he Iehova ka ham köu ûnyi ge momo ang.

I. Samuela 2:20

Ke haba Eli ame hahnahici Elekana me âiân, me e ame ha, ka habe, E so Iehova ame ham köu wan ûnyi ge momo eang, can bwihlany e ame me ham kö Iehova. Ke ödru me he hmetu ka hnyi hnyabadra.