Malaki 2:14 - Iaai Bible 1901 (New Caledonia)

¹⁴ Ke öbun e ha ka habe, Anyin a ieû? Anyin a Iehova ame hia but ohnathoâ gam me âiân ânyâm hidröu waleji u je iyawöâ, ke e bi lihum möu, me âiâm u je ûhihinyköu më.

Malaki 2:14 ပူးပေါင်းရင်းမြစ်များ

Genese 2:18

Haba Iehova Khong ame ha, ka habe, E ca so e he ka hake laba at; oge me he ka ânyâ hobi kâu ke ûhadruo ae ûcû kâu.

Genese 31:50

U je ne he ka ovecâ je lakuk, me hok momo minya hanen le lakuk, e ba at unyita: wâ ju, Khong ame wâ hnathu wanbötu.

Ta je Vejec 2:17

At ame hna degecâ at ûne kâu ke tiga hlu, Me hnying hna ûhihinyköu me Khongon:

Ta je Vejec 30:20

Helâe deny momo ame bi ûnyi monu; E ame han ke kot hnyimen, Me ha, ka habe, E ba monu oge me ânyâ.

Ta je Vejec 5:20

Anyin a ieû, nokuk, u me he ka senyin ge momo kanyua, Me delûâ ûlainy ke momo kanyua?

At Khet 9:9

Möt senyin dö tha u me âiâm u me hnyok kâu hnyi je bonginy ânyâm möt ae ûnyi baû: anyin a wale jekhom hnyi möt ang, me hnyi ânyâm huliwa u je huliwan hmelen seûno.

Khumöng Hwanyi Solomona. 1:15

Wâ bi, u hmanenang oûnykûmik; wâ bi, u hmanenang; Li emakâm helâ me li biny.

Isaia 54:6

Anyin a hia but Iehova hawo u helâ me momo adre me degec ke hlöuhlöu hnyok, ke helâ me momo adre hom ke hlu, kʼ adre obâ degecâ, haingen Khongom.

Isaia 58:3

Haingodra, ka habe, Anyin a ieû öhmun e ânyâ ca ban ke u me ca wâ bi? anyin a ieû öhmun e ovecâ ta je hanuhmun, ke u me ca wâhmakhmeto? Wâ bi, hnyi bonginy anyibun ca han, öbun e hnu webun, ke hwege hûna troban anyibun je huliwa.

Jeremia 29:23

can anyin ödre hia but ânyâ hwen monu hnyi Isaraela, ke ödre hia but bi ûnyi monu me laâiân lawaedru, ke ödre hia but ha je hofuc ae thoi hnyi iök, waleji oge ca hûna ködru; ke inya at ae khana e, me ohnatho, haingö Iehova.

Jeremia 42:5

Ke ödrin e ha kö Jeremia, ka habe, Iehova at ame ohnathu öta me owisa kohmun, ohmun ka ca ânyâ bi hoton hofuc ame he Iehova a Khongom ka kunö u më kohmun.

Jeremia 8:12

Hawa, adre me hmehma hwaban hnödra hna ânyâ ûnyi ae ikiki? e ba, ödra ca hmehma bi, ke ca khanʼ ödra bi he ka hmehma: anyin a wale adre me he ka tha ta me tavat adre me ta: hnyi ûen adre me senʼ ödra, adre me he ka haû, haingö Iehova.

Jeremia 9:2

E na hu ju gak hnyi hnyebuba omtabaga wale hna menâ hnen tavat adre me he, me inye he bi ka hna lakeik, me he digic ödra! anyin a ödra hia thithö tavat bi ûnyi monu ûkhacaköu anyin tavat iyawo.

Ezekiela 16:8

ke hnyi ûen oge me he unyâm me ō u, me wâ bi, ûen betenge ânyâm bong, ke oge me lau hom obiny anyik ûkhaû, me khaûö u at ame mokut thu: eke, oge me khemanyin köu, me ûhihinyköu möu, haingen Than Iehova, ke u anyik bi.

Mika 1:2

Öbun ta je hnyei hia lö, long ju; hmeledrany lo, ke ta je ûnyi hia hnyin e, tevehlöng ju: ke so ame he Than Iehova ka ohnathoâ ûcûbun, wale Than hnyi umen uma ae kap.

Malaki 2:15

Hawa, e ame ca ânyâ ûnyi a khaca, ke e unyin kolon hanu? Ke at a khaca geû? Anyin e ame elâm mâtrân ae so. Anyin a wale, tuö ju je hanubun, me ca he ke at ka iyawâ âiân anyin hidröu.

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

Malaki 3:8

Hawa, ame he at ka venâu je ûnyi anyin Khong? Ke so bi öbun e hia but venâu anyik ta je ûnyi. Ke haingöbun, Ie ûnyi öhmun e venâu gam? Wale je ke keihen a libenyitainy me je hut.

Owisa 11:10

Me haba wahingatiny Gileada ödrin e thu kö Jefetha, ka habe, Hamö Iehova ka wâ hnathu otin; a ohmun e he ka ânyâ helâ me hwâm hofuc.

I. Samuela 12:5

Me e ame ha kodra, ka habe, Iehova at ame ohnathoâ köbun, ke ame ohnathoâ laten adre hû minya, hnyi bong ang, a öbun e ca wâ ke ûnyi hnyi hnyâmök. Haingödra, ka habe, E but at ohnathoâ.