Malaki 2:11 - Iaai Bible 1901 (New Caledonia)

¹¹ Juda ame hia but iyawö, ke adre ânyâ ûnyi ae ikiki hnyi Isaraela me Jerusalema; anyin a hia but Juda okongoâ ûnyi ae kap waleji e ame hnyok kâu, me hom hlu nokon khong kanyua me âiân.

Malaki 2:11 ပူးပေါင်းရင်းမြစ်များ

Ezera 10:2

Ke haba Sekhania nöku Jehiela, ke nöku Elama, ame thu me ha kö Ezera, ka habe, Öhmun e hia but ânyâ hulo ka Khonguhmun, me hok laöiöhmun kanyua unyin aten je hnyei: ke so bi, walang ang, e hu hna gejon hnyi Isaraela hnyi ûnyi eling.

Ezera 9:12

Ke walang ang ca he ka ham lakubun wahlu ka lakudrin obaga, ke ca hok lakudrin wahlu hobi kâu lakubun obaga, ke ca he ka elâm anyidrin hnahic me so nyiele balua: mʼ öbun hwege bi, me an soiny kânâ, me ûjelabâ ge lakubun nyiele balua.

Salamo 106:28

Me adre me ûkhacaköu kö Baala-peora, Me an ta je hut ka ta je komok.

Jeremia 2:3

E kap Isaraela kö Iehova, wan a bân hnyi troban hnyei: adre me ha hnaûhangöâ tavat adre me utâ e; ame he ka o ûnyi ae kong kodra, haingö Iehova.

Jeremia 3:10

Ke so bi, hnyi ta je ûnyi e hia, haba liamekeiny më, jia Juda at iyawo, ame ca hmetu könya me hnyekon ae bekhot, ke ame thoi, haingö Iehova.

Jeremia 7:10

me o me tot hnyi hnyimakök hnyi uma eang, waleji adre ip hon e iök me ha, ka habe, Adre hnʼ ohmun; mʼ öbun e he ka anyi ta je ûnyi hia eling ae ikiki?

Ezekiela 18:13

ke ame me ham mone ûnyi ge hwaban, ke ame hok hanen: hawa, e ame he ka möt? e ame ca he ka möt: e ame hia but ânyâ hia ta je ûnyi ae ikiki: e hnathu e ame he ka mok; ame he ka takoû e bi hnen dren.

Ezekiela 22:11

Kʼ ame hia but ânyâ ke at ûnyi ae ikiki me âiân ke at; kʼ ame hia but ke at bi ûnyi monu me ûngon; kʼ ame hia but ke at unyâm okongoâ haniny a nokon kamen.

Hosea 6:7

Ke adre hia but hanyâûâ ûhihinyköu helâ me Adamu: kʼ adre me iyawo nya eling.

Levitiko 20:26

Mʼ öbun e he ka kap bi könya: anyin a inya Iehova ae kap, kʼ oge hia but ucʼ öbun ûnyi hnyi ta je hnyei hnân hobi könya.

Malaki 1:1

WALANG hok wale a hofuc ho Iehova ka Isaraela a deny Malaki.

Deuteronomi 14:2

Anyin a u hnyei ae kap kö Iehova Khongom, ke haba Iehova ame ûcö u hnân iny hnyei ae ke bongon kâu, ûnyi hnyi je hnyei hia thithö eang hmelen.

Hna Omanenâ 21:8

Ke haba tavat adre me ot, ke tavat adre me ca labageju, ke tavat ae ikiki, ke tavat ûhlingö, ke tavat bi ûnyi monu, ke tavat tren khong, ke tavat adre me hmi ka je hnatheat, ke tavat hia adre me thoi, me ame he ka hu hwajekhöûdra hnyi nem ame hiâ ge meic me teio; wale mok a loiny.

Owisa 3:6

ke adre me hom lakudrin je hlu me me laöiödra, me ham lakudra bi je hlu ka lakudra obaga, me bi athnyabainy je khongudrin.